السلام عليكم ورحمة الله وبركاته

هذه المشكلة مو لي هي مشكلة خالتي توأم روحي أنا وهي اتزوجنا مع بعض انا الحمدلله نوعا ما حياتي مستقرة مع زوجي ومرتاحة لكن المشكلة اللي شاغلة بالي هي خالتي مع زوجها الله يهديه بدأت معاناتها معاه من فترة الملكة كانوا في بنات اتصلوا عليها ويقولولها انو زوجك ماينفع زوجك حق بنات المهم هي بالرغم من انو اهلها حاولوا يقنعوها انو يطلق وأفضل قبل الزواج وهم على البر رفضت وأصرت انها تتزوجه كانت تقول لعله الله يهديه المهم اتزوجت وعانت معاه معاناة عصيبة, كان دايم يسهر برة ما يجي الا وجه الصبح وهي عروسة دايم يسافر,, وبعدين اتضح لها انه الي كانت تتصل عليها هي بنت خالته كانت تحبه حب جنوني وهم مافي بينهم اصلا غطا ولا حجاب وكانت معاه في علاقة محرمة (زنا) قبل ما يتزوج خالتي والبنت هذه هي في الاصل كانت زوجة اخوه وطلقها من خياستها , حاولت خالتي مع زوجها انه يبعد عن هذا الطريق بكل السبل .
بدأ يستجيب قليل وصار يبعدها عن طريقه يعني الحمدلله مافي خلوة بينهم بس يقابلها عند اهلها واذا راح عند جدته هي انجنت صارت ترمي نفسها رمي عليه لدرجة تقعد في حضنه وتنام على صدره وهو مبسوط لا ويهزها كمان ويبوسها ترى هذا كله قدام الناس قدام امها وخالتي واخوانه وزوجاتهم لأني سبق وذكرت هم كشف ماعدا خالتي ووحدة من سلفاتها اللي حجاب .تعبت خالتي مرة وكانت تسويله مشاكل يقوم يروح يقول للخايسة انها تغار منك وتقول فيك وتقول............( متخلف صح) بس وصارت كل ماتشوفها تزيد حركاتها معاه , وبعدها صارت خالتي تطنش ولا على بالها منهم لو شافتهم حتى اذا رجعت بيتهاعادي ماكأن صار شئ لكن هي من جوا بتموت قهر,, لا وأزيدكم من الشعر بيت البنت هذه اتزوجت وظنت خالتي انه المشكلة انحلت لكن ما فايدة زوجها برضو معطيها طناش اذا شافها في حضن ولد خالتها يجي ويطبطب عليها.. طبعا خالتي تغطي على زوج البنت هذه وطلبت من زوجها انه تتحجب عليه وتقهرها لأنه هي بتموت غيرة من خالتي.( للعلم خالتي احلى منها بمرااااااااااااحل ) لكن رفض بشدة قالت له انا داخلة داخلة عصب وقام وضربها وكسر ركبتها. انسان مجنون . طبعا هي طلبها خطأ بس انتم عارفين الواحد لما يكون مكبوت وقلبه مجروح يحاول يدورله على أي منفس
هذاوهي مربية ولده لأنه كان متزوج وعنده ولد,والله خالتي صابرة ربي يسعدها ويجزيها على صبرها خيرويعينها على ما ابتليت به
سامحوني الكلام مو مرتب ولا منمق بصراحة انا امس طول اليل جالسة ابكي عليها افكر لها بحل مالقيت مو بقادرة اركز قلت ما في الا اعرض مشكلتها في المنتدى لتمنى انكم تتفاعلوا معاي ولكم جزيل الشكر

الإشراف : توضيح العنوان !

حبيبتي الخط مو صغير ولا شي
ثاني شي خالتك صبرت ولها اجر الصبر ان شاء الله
لكن الي اقوله هل خالتك تدعي له بالهدايه وهل اهله يعرفو وهل اهلها يعرفو
اولا انصحها بالدعاء بالثلث الاخير من الليل
وثاني شي انصحها بأنها تجلس ببيتها وعلى قلبه والاماكن الي تكون فيها بنت خالتو ما تروحها احسن لها من وجع الراس
والله خايفه ينقل لها مرض من هنا وهنا ما ادري وش انصحها اخاف انصحها انها تروح بيت اهلها يسير يجيب بنت خالته عنده
طيب ليش ما تحكون لزوجها لبنت خالته والا هي تطلقت ؟؟ اذا لساتها على ذمته
خلي وحده من صديقاتك او اي احد يحكي من رقم غريب ويقول لزوجها وافضل الاتصال يكون من بقاله او مكان عام افضل
هيك زوجها يمسكها وبنكد عليها
اما اذا مو متزوجه ما ادري والله وش تفعل مالها غير الصبر والدعاء له والاستغفار والصدقه كل هاي الاشياء بتجعل من كل ضيق فرجا بأذن الله
وفقك الله على خوفك على خالتك واهتمامك بها
قي رعايه الله

__________________
سبحانك اني كنت من الظالمين

حبيبتي فوفو ربي لا يحرمني طلتك
اكيد هي تدعي له بكل خير وترى خالتي والله زوجة مخلصة بمعنى الكلمة مو مدح فيها بس هي تستحق اكثرمن كدة وبالنسبة لبيتها هي ماتحب الخروج حتى العزايم في النادر اذا حضرت ماعدا طبعا بيت اهلها واهله مرة في الاسبوع وبالنسبة للمرض هو دحين الحمد لله والله اعلم مايمارس الزنا معاها يعني برضو هذه الاشياء محل شكك

وزوج البنت يدري هي تجلس قدامه تسوي حركاتها بس هو عادي حتى هي تنقهر منه انه مايغار عليها
يعني مشكلة معقدة جدااا ..
اتمنى الاقي لها حل عشان خالتي ترتاح..

والله حبيبتي ما ادري
الي ادريه انه لو زوجها ما يغار عليها مستحيل يحط وحده زانيه عنده الا اذا كان ديوث والعياذ بالله
يعني الي تتصل تقول له انها زانيه مثل ما تقولي علشان يفتح عيونه عليها
والله القصه فعلا معقده لكن انتي بعد ادعي معها انه ربنا يفرجها عليها
(ان مع العسر يسرا ان مع العسر يسرا)وهي افضل حل اشوفه انها تشتغل او تسجل بدار قرأن علشان تنسى زوجها شوي ويحس فيها
وانا متوقعه رح يرجع لها ولو بعد حين
الله يوفقها وييسر امورها ويبعد عنها شياطين الجن والانس
وفقك الله لكل خير
في رعايه الله

__________________
سبحانك اني كنت من الظالمين

أعوذ بالله من غضب الله ...

مجتمع بهيمي .. غريزي ... لا يقيم للدين ولا للحياء راية ...

نصيب كبير يقع على خالتك المسكينة ... ألم ينصحها أهلها بالتخلي عن هذا الذكر الذي ليس له من الرجولة عشر المعشار ..؟!؟

يا أختي .. أهلنا أعلم بمصلحتنا منا ... ولكن لا فات الفوت ما ينفع الصوت ...

فلتكثر خالتك من الدعــــــــــــــاء له في الأوقات الفضيلة المستجابة ..

أختي .. أرى أن زوج خالتك إنسان فيه خير ... وإلا فبماذا نفسر ترك الزنا مع بنت خاله والإقدام على الزواج ... ؟!؟ وقد كان طريق الحرام مسهلا له ...!!

وأخبري خالتك بأن تبتعد عن التجمعات مع هذه البيئة الموبوءة النتنة ...

فإنها بإجتماعها معهم تعرض نفسها لغضب الله أولا ... وإشعال النار في صدرها من تصرفات تلك الرعناء سيئة الذكر .. وأيضا قد تستمرء تلك التصرفات وكأن هذا الأمر عادي ..

لتبعد زوجها عن بنت خاله فهي رأس الأفعى بحق ...

لتشغل نفسها بشي مفيد من قراءة للقرآن .. ومذاكرة علم .. أو إكمال دراسة وغيرها ...

إذا أستفحل الخطب ولم تمكن السيطرة على الوضع .. فلتطلب الطلاق ..قبل أن ترزق بالذرية .. ويكونون تحت أب لا يعرف من الدين أو الأخلاق إلا أسمها ...


أنت أدعي كثيرا لخالتك وزوجها ... وجبر الله مصابها ... وأصلح لها زوجها ...


دمت بحفظ الرحمن ...

__________________

اللهـــــــــم ألن قلب زوج دمعات الروح ... ورده إليها ... وردها إليه معززة مكرمة ...

اللهـــــــــم أجعلني خيرا مما تظن زوجتي ... وأجعلها خيرا مما أظن .. ويسر لنا امورنا ...اللهـــــــــم آمين ...

الله يصبرها وصلح زوجها

__________________
اللهم ابعد عن زوجي المعاصي والفتن ما ظهر منها وما بطن اللهم اقنع قلبه من الدنيا وحب المال وارزقه بالرزق الحلال اللهم جملني في عينه وجمله في عيني اللهم اجعله لي كما احب واجعلني له كما يحب واجعلنا لك كما تحب


دعولي ان الله يهدي زوجي والله تعبت معه

ينقل للمتزوجين مكانه الانسب و ليجد التفاعل المنشود

__________________

قصه غريبه بجد

الله يكون في عون خالتك بس

حبيبتي فوفو اشكرك على الاهتمام والمشكلة هي حركاتها كلها تعملها برضو قدام زوجها يعني تجلس في حضنه وتدلعه
قدام الناس بس هذه المشكلة لكن توقف عن ممارسة الجنس معاها لأنها اتزوجت هذا ما تعتقده خالتي وبعدين حبيبتي اذا قلنا لزوجها عن ماضيها اكيد راح يطلقها وبترجع حليمة لعادتها القديمة يعني ما بتنحل بالعكس كذه احسن..

اخي ابو نبيل جزاك الله خير
طبعا هي اهلها نصحوها لكن هذا هو نصيبها شاءت ام ابت
وصدقت لما قلت انهم بيئة موبوئة عافانا الله وهي قللت ذهابها لتجمعاتهم
اما زوجها متذبذب فترة يمشي صح وفترات خطأ
وخالتي في النهاية طلبت الطلاق لكن جدي رفض وقال ماعندنا بنات يطلقوا لكن هي اصرت على الطلاق راح هددها وقال لها تجيني لوحدك وبنتك وولدك يكونوا عند ابوهم ولا يأتوا الا زيارة في بداية الامر وافقت وجلست عند اهلها فترة انجنت ماقدرت تبعد عن اولادها وهم صغار فرجعت له مع العلم زوجها رفض انه يطلقها أصلا.