التطعيمات موجودة محتاجة للدكتورة (الزوجة)الشاطرة الي تحدد حاجة الحالة (الزوج) لها كل زوج له احتياجات معينه و طلبات و رغبات خاصة الشاطرة هي الي تتقن استخدامها و توفيرها بس ان شاء الله يتقبل هذه التطعيمات لان في هالزمن مو الكل جسمه يتقبل هالتطعيمات

انى صافة جنبك ابي اتعلم كيف اضمن توصيل كل انواع التطعيمات اللازمة لزوجي و حبيبي
و يعطيكم العافية

احب ارد على سيدة برتقاله ان وجه نظرها غلط مع احترامي فليس كل الرجال كما ذكرت فالاغلبيه وهذه الايام ومع غلا المعيشه والاسهم و الاشياء الاخرى من منغصات الحياهالجنس اخر شي الرجل يفكر به

والله انا رأيي اختي ان كل منا تحاول تطعم زوجها ضد الفيروسات والبكتيريا وكل مسببات المرض
لكن ما نقدر نطعم العالم اللي عايش فيه الزوج
يعني خذي على سبيل المثال
المزارعين ... يرشوا المحاصيل ضد حشرة معينة وتجيب نتيجة السنة هذي
والسنة اللي بعديها نفس الحشرة ما تتجاوب مع نفس المبيد
لانها تكتسب مناعة
وهذا اللي يحصل مع ازواجنا
يعني المتغيرات اللي في الجو كل يوم تدور على طريقة عشان تقضي على المناعة اللي يكتسبها الرجال
واكيد بيلاقو طرق عديدة لفك شيفرتهم
واكيد الست الشاطرة تفهمني

__________________

مشاركتك هي الي عسل ..والله

الواحد يالله يالله يقدر على الفيروسات ..الى اثرها حراره وسخونيه ..يومين ..ثلاثه اسبوع ان كثرت ..
اما البكتيريا ..وش يقدرنا عليها ..خطرها اشد ..
الله يكفينا ويكفيكم شر الامراض ..يارب

اما حكايه الرررررررررررررررشح ...فالتطعيم كان مضروووووب امكن .,.وش رايك ..

والله صدقتي حبيبتي ....مافي مثل الدعاء له مفعول السحر سبحان الله ..


سعدت جداااا جداااا بمشاركتك ..

هذه المشكله اننا نطعم ..وماندري في فيها فايده ولا لا ..
طيب الوحده كيف تعرف ان زوجها له قابليه ولا لا..

ضبط معاه نوعيه اللقاح ولا تغيره ..
طبعا الي زوجها يستقبل اي تطعيم تقدمه له زوجته ..مريحها من عناء التفكير والتجارب
تكون على طبيعتها وعطاءها افضل دون تكلف..


لكن هذه النوعيه تقريبا تقريبااااا نادره او اصبحت كذلك ..


شاكره جدا لمرورك ..

هلا وغلا والله ..

وانا داريه اننا بنصير طابووووور طويل ..
لكن الواحد مايفقد الامل انه يقدر يسوى شئ ..
قلتي اول ثلاث سنين كنتي تضمني زوجك ..اما الان لا..
واكيد اغلبنا نعتبر بدايه الزواج كانت اسهل في المحافظه على الزوج ..
ليييييييييييييييييييييييييه؟ في رايك ...
شو اتغير زوجك هو نفسه وانتي ايضا نفسك ..ماتغير فيك شئ...؟

شخصكم واحد ..


انتظر مشاركتك ..


سررررررت بمرورك ..عزيزتي

وانا بصف جنبكم بعد وخرو لي عاد لا تدفون
والله كنت اول بطعم وقلت خلاص الحالة لا يمكن تنعدي باي شكل من الاشكال ولكن للاسف شكل لقاحي كان تاريخه منتهي وانا مو داريه هههههههه الشكوى لله بعد عشر سنوات تطعيم صار عنده مناعه من اي لقاح حتى اللي ياخذه بالمستشفى تصدقون الله يعيني وياكم علي امراض العصر الفتاكة

سرك خطييييييير فعلا ....الواحد ماينكررررر
وخلنا بعييد عن المثاليه ...في الواقع ..
نسمع عن قصص كثيره عن افتراق الازواج والزوجات ..ويكون السبب خفي في كثير من الاحيان ..
يعني كل شئ متوفر للزوجين ..الراحه الرفاهيه ..المستوى الاجتماعي ..امام الناس
الشكل الظاهر حياه مستقره ..

لكن مع ذلك صار الطلاق وكانت صاعقه للجميع ..

السبب ماحد يعرفه غير اصحاب المشكله ..سررررررررر خفي..

الا وهو "الانسجام في الفراش"
في اغلب الاوقات

لكني عاده ضد التعميم .. ..

هذه بعض الحالات ...
لا ننكر ان هذا السبب مهم جداا لكن ترتيبه في الاولويه يختلف من شخص لاخر (زوج او زوجه)
حسب شخصيته واحتياجاته ..


اشكر لك افادتك ..ومشاركتك ..

سامحكم الله انتو والفيروسات والتطعيمات عاد موتوني ضحك والله

عموماً الانسان اللذي صحتة كويسة وجسمة عندة مناعة

غالباً لا يحتاج لتطعيم لانة يستطيع أن يتغلب على المرض

فهو بغنى ان يطعم

وهذا مثلة مثل الانسان قوي الايمان الذي لا تحركة المغريات

فالحياة ليست كلها جنس وليست كل جمالها النساء

فمن بقلبة الايمان تجد قلبة معلقاً بربة وحدة وبنصرة دينة وكيف يعمر هالارض بالطاعات

وليس بالنساء والتنوع من واحدة لواحدة أخرى ((ولا اعمم)) فكثيراً منهم مازلو فيهم الخير ولا نستطيع ننكر ذلك

واغلبهم طايح بالمغريات

الله يهديهم جميعاً

ياللــــــــــــــــــــــــّه اختى اصبتي واجدتي ...

بارك الله فيك ..

"تقوى الله ومخافته "

لا يوجد منافس لهذا النوع على الاطلاق
ببساطه لانه شئ نابع من النفس
نابع من ضميييييير حي ...شغال على طووووول

بس يالـــــــــيــت ...يتوفر هذاالنوع الغالي كان حالنا ...افضل ....بكثير ..


وعلى فكره ام محمد ..والى مثلها ..
معها حق تتطمن وتتطمن ..
لانها ضامنه هذا النوع ...متوفر عندها ..
وقاعده تشتغل في زيادات ..للوقايه فقط لا العلاج...



سررررررت جدا بتواجدك ..وبمشاركتك ...