السلام عليكم ورحمه الله وبركاته ..

هذي أول مشاركة لي في منتداكم .. وصراحة سجلت عشان القى جواب لتساؤلي ..


أنا فتاة في الـ 20 , و لي خبرة مكتسبة من الكتب والنت بالحياة الزوجية ..

أنخطبت قبل شهر وقبل اسبوعين كانت ملكتي والاربعاء اللي راح كان زواجي ..

يعني مثل ما شايفين الموضوع تم بسرعة حتى ما جهزت نفسي تمام ...

انا كنت احسب نفسي جريئة واني مستعدة للزواج من كل ناحيه ..

لكني انصدمت بعد الزواج اني طلعت خجولة مرررة لابعد درجة .. زوجي لما يكلمني عادي .. بس ما اكون على طبيعتي معاه ..

صرت اشتاق لاهلي مررة وخصوصا لاخواني الصغار واقرب صديقة ليا .. اشتاق لهم كثييير واتمنى ارجع لحياتي الاولى ..

هذا شيء .. الشيء الثاني هو علاقتي الخاصة بزوجي ..
اشعر بإن جسمي يصلب واعصابي تنشد ......

ما أدري هل هذا الشيء طبيعي

اتمنى احد يفيدني ويعطيكم العافية ..

تم تعديل العنوان ليتناسب مع المضمون ..

الف مبروك الزواج اختي ..

كل اللي تمرين فيه طبيعي جدا .. لا تحملين هم ..

هذا لانك انتقلتي من حياة عائليه الى حياه زوجيه .. ومحتاجه لفتره لتتعودي على زوجك .. يعني حياه جديده ..

الخجل كله راح يزووول بعد فتره .. لكن انت حاولي تكسري شوي حاجز الخجل ..

ما اقول لك خليك جريئه .. لا ..لكن حاولي تتفاعلي مع زوجك و تستمعي معه ..

وربي يسعدك ..

تسلمي أختي أميرة ..

اولا : الله يبارك فيكٍ وعقبالك يارب اذا كنتٍ ما زلت آنسة
والله يوفقك ويهنيكٍ بزوجك اذا كنتي متزوجة

,,,,,,

طمنتيني شوي أختي ...

لكن اللي مقلقني اني كنت قبل الزواج او من زمان يعني

لما احد يلمسني او حتى يحط يده علي يدي احس بارتعاش ..

يعني ما كنت احب احد يلمسني لاني انتفض بسرعة للمس ..

بس الحين غير .. لما زوجي يحاول يمسك يدي .. كل اللي احس بيه هو جمود وشوية خوف ورهبة ..

,,,,,,,,,,

لكن كلامك صحيح .. انا للحين احس اني ما تأقلمت للحياة الزوجية ..

لكن الله يسهلها علي ويوفقني واياكٍ والجميع ..

يعطيكٍ العافية ما قصرتي ..

دمتي بود

عزيزتي سحر..............................
أولا بارك الله لكما وبارك عليكما وجمع بينكما بخير ،،

والله يسعدك بحياتك الجديدة ....
وكل اللي تقولينه طبييييييعي وأغلب البنات يحسوون فيه حتى لو خطوبتهم أطول منك بكثييير أنا اقصد مسأله الحنييين للحياة الأولى بالذات اذا كنت مدلعه عند أهلك ومبسووطه معهم بتعانين الحنين لأهلك وبيتكم وغرفتك وأشياءك الخاصه عادي جدا يمكن لسنة وأكثر فلا تشيلين هم من هالناحيه ..
أما من ناحية العلاقه الخاصه فبرضو كثيرر بنات كذا يصير معهم فالقراءه والسواليف شئ والتطبيق العملي شئ ثااني ولا تهتمين حتى لو أبدى أبو الشباب استيائه من حياءك معاه فهو اكيد مبسوووووط من جووا حتى لو اظهر العكس وكل هالأشياء بتروح مع الوقت لا تهتمين حبيبتي ... الله يرزقنا وإياك والجميع بالسعادة و الذرية الصالحه لمن يتمناهاا..


لك مني أرق التحايا ..

اهلا اختي عاشقة الرياض ...

,,,,,,,

هههههههههههه ضحكتيني لما قلتي اني مدلعة كأنك عارفتني انا فعلا دليعه حبتين
لكني لاني اكبر اخواتي بالبيت فأخواني الصغار مررة كانوا متعلقين بيا مثل ما انا متعلقه بيهم ..
وصح كلامك ... انا مرررررررررة مشتاقة لبيتي القديم واهلي و صحبتي اللي كنت انا واياها روح في جسدين ..
حتى اني في الليل لما زوجي ينام ادخل الحمام وابكي .. لاني احس شيء مهم انتزع مني ..
لكن طيبة واهتمام زوجي ومحاولته في ارضائي مخففة عني شوي ...

وبالفعل القراءة ابدا مو مثل التطبيق .. اما ابو الشباب ( هههههههه عجبتني بأقوله من اليوم يا ابو الشباب >> اخاف يحسبني واحد من اصحابه ههههههه ) بالعكس ما احسه استاء .. بس عاد مدري اذا طال الوضع كده لكم يوم ثاني راح يستاء ولا لا الله اعلم ...

كل اللي ابغاه اني اعرف اني مو باردة ...

وتسلمي فعلا لردك اللي اسعدني والله يبارك فيكي ويسعدك يارب

دمتي بود ..

اختتي الكريمة ..... سحر

اولاً : الف مبروك الزواج واسئل الله ان يجمع بينكم على خير

اختي الكريمة ... كثيراً من الفتيات عندما يتزوجون ... ينصدمون من الزواج .... اي اقصد انهم لم يتئقلمون بعد على هذا الحياة الجديدة و بداية تكوين اسرة جديدة ولم هذا الوضع من تاثير على جميع الجوانب النفسية تجدين نفسك متشنجة مستغربة من الوضع عقلك الباطن لم يستوعب هذي المرحلة ....عشان كذا تحنين الي اهلك الي صديقاتك حتى تهربي من هذا الجو ...ربما هذا الجو جميل ورائع . ولكن عقلك يرفض بعض الشي ...

اختي الكريمة هناك تمرين بسيط تقومين به كل صباح عندما تستيقظين وعند نومك ايظن .... عندما تستيقظين من النوم قولي لنفسك وبصوت مسموع .. (( أنا متزوجة أجمل شاب واعيش اجمل مراحل حياتي واسعد ايامي مع حبيبي وزوجي الغالي ... ولازم انسجم معه وايش هذي الايام )) .... يمكنك ذكر الجوانب الايجابية في زواجك اي شي حلو تشوفينه في حياتك مع زواجك قوليها ......

وصدقيني سوف تلمسين الفرق ...

اخوك

عروستنا الجميلة
1000000000 مبروك الزواج السعيد
طبعا سرعة زواجك هي اللي مخلياك حاسة انك مفتقدة أهلك و أصحابك بس بإذن الله راح تتعودي على الوضع الجديد بسرعة
أما الموضوع الآخر فهو أيضا أمر طبيعي لأنك لم تأخذي على زوجك بصورة كافية(أنت بتقولي أنك بتعرفيه بس من شهر)
لا تقلقي كله راح يكون تمام مع شوية وقت
وفقك الله بحياتك و أسعدك بزوجك و رزقك الذرية الصالحة

الاخت سحر

كل ماتعانبن منه امر طبيعي فالحياء من الايمان وخصوصا انك انتقلت من حياة الام والاخوة الى الحياة الزوجية

فالامر طبيعي ولكن عليك ان تتاقلمي بسرعة ةتتفاعلي بشكل اكثر مع زوجك لان الزوج لايعجبه المراة الخجوله وخصوصا

بالنسبة للعلاقة الجنسية

اتنمى لك حياة سعيدة

__________________
سبحان الله وبحمده سبحان الله العظيم استغفر الله

الف مبروك

وبالرفاه و البنين

لن ازيد على كلام اخواني و اخواتي

اللي تمرين فيه شي طبيعي جدا

ربي يديم عليكم السعادة

حبيبتي انا مثلك الكبيرة و اخواتي متعلقيننن فيني مررة
انا اللي العبهم و اطلعهم .. ذا كنت في البيت تلاقين الضحك و الهواش طالع
واذا ما كنت بالبيت تلاقين كل واحد بغرفته
وامي و ابوي مدلعيني مرررة لاني الكبيرة

حبيت ابدأ بهذه البداية عشان تشوفي وحه الشبه

لما اتزوجت بعدت لدولة ثانية اتخيلي ...
مرت اول الاسابيع بكااااء بس ما كنت اخليه يشوفني عشان ما يتحسس و يحس اني احب اهلي اكثر منه
و اعتقد انك نففس الشي الحين .. و اكيد تقعدي تذكري الايام الحلوة ببيت اهلك
وتقعدي تقولي بقلبك هم الحين يسسون كدا و بذا الوقت بيكونوا يفعلون كدا..

عادي حبيبيتي هذا عااادي اول الزواج .. بس مع الوقت رااح تنسين
و راح يصير زوجك هو كل حياتك .. و صدقيني بعدين راح يصير العكس
يعني لما تروحين بيت اهلك .. ماراح تحسن انه بيتك و انك لازم تروحي و تنامي
بحضن زوجك..
اصبري و لا تبيني له .. بيني انك مبسوطة معاه و انه هو كل دنيتك
لان الرجال مايحبوون زوجاتهم يتعلقوا ببيوت اهاليهم بعد الزواج

المسألة الثانية .. كمان عادي . توك بالبداية
العلاقة لسه شيي جديد ما اتعودتي عليه .. خاصة انه ماكان في فترة خطوبة او ملكة عشان
تعودوا على بعض
او عشان يكون في بعض المقدمات
خليكي عادية معاه .. و لاتدخلي وسواس البرود الجنسي براسك
لانه الواحد لو اقتنع بشي راح يصيبه بعد الشر عليك
ببس خلي ببالك انه طبيعي و مع مرور الايام راح تتغيري

الله يوفقك حبيبتي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله