مرحبا بنات كيفكم

ابي منكم تعلموني بالتفصيل عن نظام مفيد اتبعه في النفاس لاني ما اعرف شي ابيه يكون بالتفصيل انا بعيده عن اهلي وماعندي احد اتمنى تساعدوني وهذا اول حمل وما اعرف شي بخصوص النفاس سمعت عن نظام فيافي بس محد يمدحه كثير ياليت تفيدوني

مالي بعد الله الا انتو ارجوكم انصحوني

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

هلا حبيبتي
كيفكـ انتي ؟

انا مالي نظام معين اتبعه عندي ولد وبنت قبل هالحمله
اهلي واخواتي نفس هالنظام اللي امشي عليه

الصباح اول ماأصحى من النوم اشرب كوب حليب ساخن مع ملعقه كبيره من خلطه يسوونها حريم عندنا
تتكون من اشياء معروفه اشتريها من الحريم اللي يبيعون ادوية النفاس عندكم

بعدها بساعه اكل فطوري
يكون فطوري عصيدة تمر أو بيض مع طحين اسويه على النار زي القرص يصير واكله

الغداء اكل مرقوق ( مرقة لحمه وخضراوات بدون الخضروات اللزجه معها عجينه مكونه من طحين ومويه وملح فقط ارقها وافردها واقطعها دوائر واحطها بالمرقه تطبخ معها)

وبالعصر لازم اكل وجبه عشان مااجوع
لازم وانتي بالنفاس تتجنبين الجوع او التخمه الزائده

ولازم تشربين حليب حار باستمرار
الحليب اللي اشربه بنفاسي حليب محلى بالعسل
واكل العصر مع الحليب ملعقة حلبه مجروشه

وبالليل اتعشى على لحمه بالفصوليا مع خبز بر
وقبل انام اشرب كاسة حليب

ولو جعت بين الوجبات اكل نشا يشبع ومايسمن

اهم شي انك ماتجوعين وماتسوين اي نوع ريجيم او دايت بهالفتره

اشرب مره منقوعه اشرب ملقتين تقريبا او ثلاث باليوم ماأكثر منها

واشرب قهوه قشر احط معها دارسين ومسمار وهيل
وماأشرب مويه بارده لانه تأثر
اكثر من المويه بس الفاتره مش البارده

وبس
انا قلت بقولكـ نظامي ونظام اهلي

هذا الاكل طبعاً
فيه اشياء نسويها غير الاكل
اتشطف بمويه وبيداتين الين يصير الجرح كويس وتطيح الخيوط وتلتحم الخياطه

بعدها اتشطف بمويه فيها ارطا ( دباغ) وملح خشن ومره اخليهم يغلون مع بعض واحطهم بعلبه بدورة المياه واتشطف فيهم كل يوم مرتين او ثلاثه

واحط مرهم على مكان الجراحه من اول مااطلع من المستشفى تعطيني اياه الدكتوره اسمه ميبو

واهم شي تاكلين البروتينات( اللحمه طول نفاسكـ ) والتمر بعد لازم تاكلينه والحليب

بس
هذا اللي قدرت عليه

والله يوفقك ويكتب لك الخير يااااارب


الله يتمم علينا ويسهل ولاداتنا يارب ويعجل بوقت ولادتي ويهونها علي ياااااااارب وعليكم يااااارب

__________________
سبحانكـ اللهم اني كنت من الظالمين

يارب تجمع بيني وبين زوجي على خير وتبارك لنا في حياتنا
ولاتجعل للشيطان مكان بيننا

وتصلح ابنائنا وتهدي قلوبهم لهديك
وتبلغنا بهم رشدهم واشدهم وبرهم يارب العالمين

مشكوره حبيبتي عبير عالرد وجزاك الله خير والله يهون عليك وعلي وعلى كل حامل
والله شايله هم النفاس انا ماني بالسعوديه

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

تسلمين اختي غربه ماقدمنا شي
اتمنى لك الخير ولنا يارب

__________________
سبحانكـ اللهم اني كنت من الظالمين

يارب تجمع بيني وبين زوجي على خير وتبارك لنا في حياتنا
ولاتجعل للشيطان مكان بيننا

وتصلح ابنائنا وتهدي قلوبهم لهديك
وتبلغنا بهم رشدهم واشدهم وبرهم يارب العالمين

اذا زوجك يقدر يجيبلك خدامة او مربية لمدة شهر بتساعدك كثير لين ماتتقوين شوي واهم شئ الراحة والاكل المفيد يعني ابتعدي عن المشروبات الغازية والقهوة السريعة والعادية اللي بالهيل لانها بتنزل بحليبك وبتسهر البيبي وبتسويلك ارق وكمان الشاي الاحمر ممكن شاي اخضر مفيد كثير
واللي تقدرين عليه كليه بس اهم شئ يكون فيه فيتامينات واشياء تقوي الجسم

__________________
اللهم لك الحمد حمدا كثيرا