المشاركة الأصلية كتبت بواسطة النادم الحزين

السلام عليكم..

مقدما .. انا رجل ابلغ من العمر 33 عاماً متزوج منذ 7 سنوات ولي 3 اطفال..

حياتي مع زوجتي حياة سعيدة ومستقرة.. زوجتي من النوع الحساس جدااااااً.. اختلفنا كذا مرة خلاف شديد وفي كل مرة يكون معها الحق واتأسف منها بعد ذلك واوعدها بعدم الغضب والصراخ بهذا الشكل.. ولكن اختلافنا في الثلاث مرات بشكل قوي جعلها تجلس مرة تبكي لمدة 8 ساعات متواصلة (بغير علمي)..

عموماً.. خلال الثلاث مرات والتي يتم فيها التأسف من قِبلي تعود الحياة الى مجاريها ولكن بعد المرة الثالثة اصبح هناك حاجز بيني وبينها ولم تصبح كما كانت (ملاحظة المشاحنات الثلاث حدثت في السنوات الثلاث الأخيرة)..

نغزني الشيطان ذات يوم.. ومع السوالف مع احد الاصدقاء اعطاني ارقام 3 بنات.. على ان ادردش معهم.. عما تعلمون الشيطان شاطر... كلمت الثلاث ولم اوفق..ارسلت مسج.. ردت علي وحدة بمسج (انت مين).. قلتلها (انا فلان (اسم مستعار) ليش التغلي يا (واسمها)).. ولم ترد بعد ذلك..

في يوم الغد صباحاً صحيت للذهاب الي العمل.. واذا بزوجتي على السرير جالسة..شكلها جداً عادي لكن فيها (إنَّ).. قالت لي (من هي (فلانة)).. طبعا انا انصدمت.. وتلعثمت وانعقد لساني.. وماعرفت ارد.. قلتلها بعدين اي فلانة.. قالت اللي بالجوال..حاولت اصرف لكن ما في فايدة (بالمناسبة انا انسان غير لعاب حتى قبل الزواج.. وهذي اول مرة ارسل رسالة لبنت).. بعدين اخبرتها من الالف الي الياء..وتأسفت واعتذرت..

حتى الآن وانا نادم على الفعل هذا وودي اني ما سويته.. لكن الله يلعن ابليس.. انعكست هذه المشكلة على حياتنا الزوجية مع اني دوماً اعتذر وابرر انها غلطة وانت ام عيالي وانا بالفعل نادم.. حاولت اوضح لها.. هي تقول انا ايش يدريني انك ما راح تسويها مرة ثانية.. انا اخلصتلك وتسوي فيني كذا..حاولت اشرح لها.. تتفهم وترجع بعدين.. دايما مالها نفس.. تقول ما صرت تهمني..

تقول الانسان يسامح مرة.. مرتين.. وبالموت ثلاثة.. وانا كنت احاول انسى اللي صار من قبل.. تجي الحين وتطينها باللي سويته هذا..وبعدين تتأسف..وش يفيدني الاسف وانت جرحتني.. وكسرتني.. والي انكسر ما يتصلح..

تقول بعدين ..اذا ودك تشيل اللي فيني.. سولي شي كبير يشيل اللي بقلبي.. لأني ابغاك تتعذب سنة ... سنتين... حتى تلقى علاجي.. عشان اذا حاولت تغلط مرة ثانية.. تعرف ان الدوا متعب وصعب..

انا من النوع اللي ما احب اشوفها زعلانة.. والبيت ما يسوا بدونها.. لأنها من النوع الفرفوش.. ومن النوع ذو العقلية الكبيرة.. وتنظر الى الامور بعقلانية.. حتى انها تعرف نفسيات اللي يكلمونها من صديقاتها واهلها... بعدين حتى صديقاتها واهلها لاحظوا انها متغيرة وانها فيها شي..

اصبحت حياتنا تنعكس على اعمال البيت وعلى الاولاد.. هي تقول.. لك مني كل اللي على الزوجة من مسؤليات.. لكن لا تطلب اكثر.. ما راح اصير فرفوشة.. ما راح امزح معاك.. ابصير عادية مررررة.. بسوي لك واجباتك وخلاص.. اكثر من كذا ماراح تاخذ.. تقول انا كارهة نفسي على التصرف اللي اتصرفه معاك.. لأنه مش من طبعي.. وما ودي اصير كذا لكن غصب عليّ.. ودي اطلع من اللي انا فيه لكن مش قادرة..

ارجوا من القائمين على المنتدى نصحي وتوجيهي عسى ان تكونوا شمعة الامل لأرجاع الحياة الى ما كانت عليه .. وجزاكم الله الف خيراً

با جماعة .. اقسم بالله اني احبها .. ولا قد خنتها. وانا انسان مسالم.. بس لولا هذي الغلطة