السلام عليكم ورحمة الله وبركاته...




كيف حالكم اخواني واخواتي..



بكتب لكم القصة برموز الاسماء..

قبل فترة جاني اتصال على جوالي .. بالليل.. رديت.. لقيت على الطرف الثاني شاب.. سلم علي.. رديت عليه بكلمة وعليكم.. رجع يقولي ردي السلام عدل.. سكت وقلت له نعم.. قالتي انتي فلانه..!!؟؟؟


انا انفجعت على الاخر.. مين هذا اللي يعرف اسمي.. على طول انكرت.. انه انا.. قلت لا مين فلانه.. رد اسف وسكر... ثاني يوم ظل يتصل ويتصل وانا ما ارد.. وبعدين صار يرسل لي انا اعرفك انتي فلانه.. وفي نفس الفترة صارت تجي مكالمات على تلفون البيت من ارقام غريبة.. يعني 333 او 222 كذا ارقام..

ويتصل ويسكت..



انا ما اعرف ليش هذا الشاب يتصل فيني.. القصة.. لها بداية.. بدايتها انه انا في مركز.. ومعي بنات.. وفيهم متزوجات.. وفيه ثنتين كبارات بالعمر مو متزوجات((مريم - نورة)).. وحده منهم انخطبت(مريم).. فيه ووحده ثالثه.. اسمها فاتن..متزوجة ومعانا..



مريم من حسن نية وكعادة الصديقات.. راحت تخبر.. نورة انه انخطبت و مواصفات العريس.. مع انها مسكينة مريم... كبيرة بالعمر تقريبا 42 سنة..


نورة وفاتن يجلسون مع بعض..


تفاجأت مريم انه فيه شاب يتصل فيها ويهددها انك ما تتزوجين فلان.. وانه وانه وانه.. وانا من قبيلتك وبتزوجك.. ومن هذا الكلام..
ويكلمها ويقولها كلام وصخ.. وانه راح انشر رقمك بين الشباب..


وصارت هي تشك بخطيبها.. وصارت لها مشاكل.. انا لين الحين مالي دخل ولا اعرف اصلا مين اللي خطبها والقصة وغيره.. ولا انا انخطبت..


المشكلة.. انه هذا الشاب صار يتصل فيني.. ويهددني انا الثانية.. ويقولي تكلمي معي والا ما راح اخليك.. ويرسل لي رسائل كثيرة.. انا الحين صرت اشك خايفه يكون ماخذ ه اللي عطته رقمي صورة لي.. وانا بنت منقبة.. ومن عائلة كبيرة.. ويرسل لي ويقولي انه مريم هي من ارسلت رقمك علي.. ومريم بنت شريفة مستحيل ترسل له رقمي.. وبالعكس هي مره جاتني شبة منهاره تقولي انها انخطبت وصارت لها هذي المشاكل.. وهي اساسا ماعندها رقمي..


فاتن هي الوحيدة اللي عندها رقمي.. لما اتصلت اسألها انكرت تماما.. وقالت ايش هذا وايش هذي الاخلاق.. وانا مو كذا.. ومن هذا الكلام..

نورة.. ما اعرف اشك فيها.. واشك انها ماخذه رقمي من فاتن.. ولا اعرف.. مشكلة لما سألتهم انكروا اثنينتهم...

الحين.. انا مدري ايش اسوي معه هذا الشاب.. لا احد يقولي عطي التلفون اخوك.. لانه اخوي شاب على اوله 19 سنة .. واخاف يتوعد معه ويصير في اخوي شئ.. ما ابي اخسر اخوي..



وبربكم انا وش ذبني انه رقمي يتوزع.. بين الشباب لانه زميلة لي بالمركز انخطبت..




عشان كذا يابنات لا تقولون ابد انكم مخطوبات.. لجل ما تتعرض وحده ثانية للاذية.. وهي مالها ذنب..



والله قصتي احسها خرافة.. انا مو مصدقة ايش دخلني فيها..

وما ادري هذا كيد النساء او ايش؟؟؟


او محاولة تشوية سمعتي.. والا ايش..


مع العلم اني اعامل الثنتين فاتن ونورة بكل احترام,.. وطبعي هادية واحترم غيري..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

اعرف الحالات اللي زي هذي تحلها هيئة الامر بالمعروف والنهي عن المنكر
اتصلي عليهم واعطيهم رقم الشاب وهم يتفاهموا معاه
وصدقيني بتنحل كل مشاكلك ان شاء الله
ولاتخسري نفسك ولا اخوك
والله معاك

__________________

الله يعينك ويصبرك

بس نصيحة لوجه الله غيري رقمك وريحي راسك

لا تعطينه وجه اما انك تغلقين الجوال او خليه مفتوح وما تردين عليه ولا حتى تسكرين الخط في وجهه اخرتها بيمل ويخليك
حسبي الله عليهم شباب اقسم بالله استكثر عليهم الهوا الي يتنفسونه استغفر الله العظيم
الله يعينك اختي وان شاء الله كلها فترة وبتعدي

اخوك تعبت اعطي

انا اشوف انك تتصلين على جماعة الامر بالمعروف والنهى عن المنكر ..لانه هذه الاشكال تحتاج تربيه ...والا اتصلى بالشرطه من خلال ول امرك او سجلى مكالماته ...ووديها للشرطه والذى اصير يصير...صراحه شاب يحتاجون تاديب وضرب بعد حق يتادبون

__________________
أصالةُ الرأي صانتني عن الخطلِ ** وحليةُ الفضـلِ زانتني لدى العَـــــــــــــــطَلِ
مجدي أخيراً ومجدي أولاً شَـرعٌ ** والشمسُ رَأدَ الضحى كالشمس في لطفـلِ
غالى بنفسي عرفاني بـقيمتـها ** فـصـنـتـها عن رخيـــــص القـــــــــول مبـتـذلِ
ما كنـتُ أوثــر أن يـمتد بي زمني** حــتــى أرى دولــة الأوغـاد والسفـــــــــــــل
أعــــــللُ النــفــس بالآمال أرقبها** ما أضيق العــيــش لولا فُســــــــــحــة الأمل

نصيحه ....... اطلعي اهلك على الموضوع ........ دون تأخير

عليكم السلام ورحمة الله وبركاته



لو كنت مكانك على طووول لوالدي اقوله كل الحكاية وقبلها لأمي علشان توقف معي

اخوانك الشباب صعبة لأنهم مندفعين ماتضمنين ردة فعلهم ، الأب أكثر حكمة

طبعاً السالفة ماتستاهل تخافين كثير لأنه اللي يتخذ هذه الطرق جبـــان ماعنده غير الحكي !

بعد ذلك اطلبي اهلك يغيرون رقمك ولاتعطينه كل صاحباتك

وأهم أهم شي دعوتك بإذن الله لن ترد ، ادعـــي على كل من يأذيك إنه ربي يهديه ولا يشغله في نفسه

وراح تشوفين بوقت قصير كيف راح يتغير الحال لأنك مظلومة

وفقك الله ..

[font=Andalus]أختي انتي لم تفعلي خطأ علشان تحملي نفسك كل هذا الهم


كل الطرق اللي قالوها أخواتي تؤدي الغرض


أفضلها خلي أمك وأبوك بالصوره ودائما أعرفي من تجالسي ولاتعطي اي أحد رقمك وسكري على نفسك هالباب[/font]

__________________

اول شئئئئ

لا تردين على اتصالاته ابددااا

ثاني شئ لازم تحطيييييييين اهلك بالصوررررررررررره مهما كانت العواقب

ثالثا تتصلين بالهيئه وتعطينهم رقمه وهم يتصرفون

ولا تنسيييييييين الدعاء الدعاء ان الله يصده عنك

اختك بالله
جينز

__________________

اسفهيه وغيري رقم جوالك

وانتهينا

ولاتعطين رقمك...لأي وحده ماتعرفينها

أو مو من أهلك