ما شاء الله الف مبروك
انا مثلك ملكتي بعد العيد ان شاء الله

انا مثلك اوجعني راسي من التفكير
وش اسوي؟
وش اقول؟
وش اقول اول ما ادخل؟ و اذا طلعت

اخر شي قلت خليها على ربك, وخلها تجي على السليقة
اول ما تدخل قل السلام عليكم ورحمة الله وبركاته مع ابتسامه عريضة وهي تبي تقولك وعليكم السلام وراسها بالارض
عطها بوسة على الراس وقل ما شاء الله وش هالحلا وش هالحلا
بعدين اقعد ما فيه داعي للسواليف
اذا عندها اخوان بيزعجونك كل شوي معلقين وداخلين طالعين بس ما عليك هذي حلاته
اممممم تكلم عن بعض المواقف الطريفة بالخطبة او وقت كتابة الملكة
امدح!
تغزل غزل خفيف!
لا تكثر قل مع السلامة وبينا اتصال

الله يعطيك العافية و يعننا و اياك يا رب

لوووول من البداية بوسة ... وانا مثلكم بعد ملكتي بتكون بعد العيد .. بس ماني متوتر مثلكم هههههه .. بدخل بسلم .. كيف الحال و ابارك لها بالزواج .. وتلبسها خاتم .. ويصورونكم .. وبعدين مادري شو راح اقول ؟؟؟؟ خليها على الله .. يوم يجي ذاك الوقت صدقوني الكلام بروحه يطلع

كلنا في الهواء سواء

المهم لاتبين لها انك مرتبك حتى لو تصنع الجرأه

امدحها وامدح لبسها
اسألها عن شعورها بعد ماتبارك لها
حاول تسوي حركه حلوه
يعني لو شربت عصير قل لها ممكن تعطيني عصيرك ذا الحركه حلوه

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

ما شاء الله تبارك الله

عسى ربي يوفقكم ويسهل دربكم ويجمع بين كل واحد وزوجته بخير

حبايبي .. لابد إنكم تفكرون بشيء يزيل عنكم الارتباك والمخاوف اللي تتصورونها الآن

وهذا الشي .. إن كل واحد منكم بفكر إن هالإحراج هذا ما راح يستمر .. وإنه في يوم من الأيام -بإذن الله- بتكون هالإحراجات عبارة عن ذكريات مضحكة وربما مخجلة ..

كل ما أقول لكم .. لا تنتظر من زوجتك إنها تتكلم .. إن تكلمت خير وبركة .. ما تكلمت فالوضع طبيعي جدا .. وهنا تجي شطارة الواحد .. كيف يقدر يخلي زوجته تبادله الكلام في أول جلسة بينهم ..

في البداية .. سلم عليها .. وإذا كنتم لوحدكم عطها بوسة عادية (لا تخربونها بعدين تقول الزوجة وش هاللي ما صدق خبر ) وبعد كذا طبق السنة وضع يدك على جبينها وقل (اللهم إني أسألك خيرها وخير ما جبلت عليه وأعوذ بك من شرها وشر ما جبلت عليه) وبعد كذا بارك لها بالزواج .. وبارك لنفسك أمامها .. بحيث تشعرها بقيمتها .. عطها كلمات مدح وثناء .. لا تبالغ بالغزل لأنه مب وقته .. عبر لها عن سعادتك الغامرة بإتمام الزواج وانقل لها تحيات أهلك وإنهم في أسعد لحظات حياتهم الآن .. وإنهم ينتظرون شوفتها في أقرب فرصة .. وووو .. ومن هالكلام

بعد كذا اسألها عن شعورها وانطباعها .. خلها تتكلم لو بعض الكلمات .. علشان تكسر الحواجز بينك وبينها

وبالتوفيق

الله يوفقكم والف مبروووك
تبا للعزوبيه كلامو ما شاء الله.. طبقوه والف مبروك... وعقبال العزابيه

__________________
اللهم بارك لي في اولادي ولا تضرهم ووفقهم لطاعتك وارزقني برهم

اخوي تبا للعزوبيه


قويه بوسه في اول لقاء ما اعتقد اتجرأ واسويها ههه

بالنسبه للدعاء
نقول الدعاء
اللهم اعطني خيرها وخير ماجبلت عليه

في الملكه ؟

الي اعرفه ان هالدعاء فيوم العرس

انتظر الجواب

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

أقصد بالبوسة زي ما تبوس أي واحد وتعانقة .. يعني بوسة ومعانقة رسمية ..

بالنسبة للدعاء .. أنا أشوف إن جلستك معها لوحدكم ومن دون أي شخص معكم .. هذا مثل الدخلة .. واذكر كلام عمر بن الخطاب معناه إن الخلوة الأولى تعني الدخلة .. وأصلا في ذلك الوقت ما كان فيه شي اسمه فترة الملكة والدخلة .. كان كل شي يتم بيوم واحد .. في الغالب ..

وما ينمع لو دعيت بالدعاء هذا في يوم الملكة أول جلسة لك معها .. وكذلك في يوم الدخلة

والله أعلم بالصواب

ما شاء الله تبارك الله

الله يوفقكم جميعا ويجمعكم بزوجاتكم على خير

أخوي لا تتوتر و لاترتب كلمات لانك مهما ترتب كله بيضيع ذاك اليوم

صدقني خلي الامور على طبيعتها أحلى

المهم أنك تبدأ بالسلام و المباركة و شوية مدح على الشكل واللبس

و بيجي الباقي

__________________