الله يكون بعنوك يارب

ولكن كيف تتطلقها باثلاث من اول مره تطلب


كثير من البنات تطلب الطلاق بس كذا وبعدين تندم

انا بسال هل في المحكمه لمى استخرجت الوقه قالولك خلاص ماعاد تحل لك؟؟؟؟



انت اترك الموضوع واذا كانت فعلا ماعاد تبغاك


فوالله انها وللاسف والله اعلم بنيتها انسانه تافهه ماتستاهلك ابد

يعني عاشت معاك وبعد مرورك باول ضرف قوي بحياتك تقوم تقول طلقي

يالله على هالناس مدري وش صار بالدنيا

لاتستغرب بعد فتره ممكن تتمنى ترجع لك


لكن انت هالحين انسى الماضي

واستمر على الاذكار

وكل ماتذكرتها استغفر استغفر استغفر


حاول تشغل نفسك خذلك اي دوره او اجلس في حلقات ذكر بالمسجد

وربي راح تنسى اذا انشغلت

بعدين هل بينكماطفال ؟؟؟


اسال الله ان يفرج همك ويسر امرك ويصلح لك شانك كله يارب

__________________

نصيحه تتجوز والبنات على قفا مين يشيل ومدام انك صابر وراضي بما كتب الله حيسخرلك ربي باحسن منها الدينه الخيره والله يسويلك الي فيه الخير عيش حياتك فله كلها كم سنه وتقوم يوم القيامه مافي وقت للزعل والتحسر على ما فات

انصحك بالاستغفار والدعاء


وبعدين اسال الله ان يعوضك أبرك منهااا

لاخذلك فترة نقاهة ورح اخذ عمرة وادع كثير وربي يفرج همـــــــك ويسعدك

ووبعدين الله يهديهاا خربت حياتها صارماتستاهلك الله يرزقك بابرك منة




ومن باعك بيعة ربي يعوضك كل خير

مسكينة زوجتك خسرت ولد عمها و هو الكل يتمناه....
و الان تحمل لقب مطلقة و لو سألوا عن سبب الطلاق!!!!!!!!!
فعلا تافهه اسمح لي. جنت على نفسها المسكينة!!
عسى الله يعوضها.ما ادري هل بتحصل على شئ عند رجل آخر لم تحصل عليه عندك؟!!

الحمدلله انت الكسبان الله فكك من زوجة نكدية خربت حياتك
الله بيعوضك باللي احسن منها ثق بهالشئ
انت الآن بحاجة الى طبيب نفسي ضروري و ان ما نفعك ما ضرك

الله يرزقك الزوجة الصالحة اللي تخاف الله فيك. آمييييين

انا طلقتها بالثلاث لان والدها حسيته مايبي حوسه ومشاكل
ومابيننا اطفال
اصلا مافي علاقه حميميه من بعد الحادث الا نااااااااااااااااااااااااااااااااااااااااااااااااا درا

والحادث من اربع سنوات بالضبط يوم خمسه شوال اكملت اربع سنوات

الحمدلله مافيني شي مصاب غير رجلي ومن الساق وتحت بس

بالنسبه للوظيفه الاضافيه صعب مرره لان وظيفتي الحاليه
بالواسطه حصلت عليها لان كل ما اروح مكان يقولون انت غير لائق صحيا

الله يعين

الله يعوضك خير والدنيا مثل البحر مد وجزر00لاتزعل نفسك وانطلق ولكن انصحك بعدم الاستعجال
تريث قليلا ولاتزعل خذلك وحده ناضجه وموشرط تكون بكر
رتب اوراقك من جديد ولا تضيع وظيفتك وبنت عمك الله يستر عليها وترى الدم مايصير مويه
اعتبرها الان اختك واتمنى لها التوفيق وانت تزوج ببنت الحلال اللي تسعدك وتسعدها

__________________
saapna81
اللهم صل حبالهم بحبالك واجعلها من احب احبابك واكفها شر عبادك
واكرمها بعطائك00اللهم ارح قلبها ونور دربها ويسر امرها وكن حسبها
في جميع امرها00يقوم حمودي بالسلامه

قرأت مره في توقيع احد البنات الي معنا بالمنتدى :

من علامات العظمه ان تزداد ثباتا كلما ازدادت بك المتاعب ...

اذا تبي ثقتك في نفسك ترجع لك اثبت و دور على النجاح ..


لاتتذكر اي شي صار خل نفسك 24 ساعه مشغول

واحذر من الفراغ هو عدوك بها المرحله

صدقني الموضوع سهل بس يبي اراده منك .

القرب من الله فيه حل لكل مشاكلك انت بس ارفع ايدينك للكريم وماراح يردك ...

الله يوفقك ..

__________________

‘‘ بحاجه ماسه لدعواتكم لاتحرموني منها ‘‘

اسال الله العلي القدير ان يشفيك وترجع ان شاء الله مثل اول واحسن ,انا في رايي انك ياخي ماتستعجل في الزواج من اخرى يمكن تنظلم معاك وتجرحها زي ما انجرحت, ويمكن اللي صار لزوجتك ظرف طارئ ويعدي, وبعدها تندم و تطلب منك انك ترجعها ,خاصة انك ماغلطت في حقها ولا اساءت لها في شي كما فهمت ,,وصدقني هي الخسرانة انها تفرط في زوج يحبها كل هالحب (ااه بس)والله اهم شي في الزواج الحب والمفروض اللي تلقى زوج يحبها بصدق في هالزمن تحطه في عيونها ,,الله يهديها بس ويرجعكم لبعض ويسعدكم ويرزقكم الذرية الصالحة ااامين

__________________
تكفون ادعولي ان الله يفرج همي محتاجة دعواتكم

اجارك الله في مصيبتك وخلف عليك خيراً منها..
اخي الكريم..............مهزوم بصراحه لقبك يعور القلب يعبر عن مقدار التحطم النفسي الذي وصلت له معأنه لا يعبر عن الحاله لان هناك منهم مبتلون اثر منك بكثير أخي تيقن ان الله لا يقدر لنا قدر الا فيه خير لنا علمناه او جهلناه ولو اطلعنا على الغيب والاقدار التي كانت ممكن ان تحدث لنا لإخترنا اقدارنا من رحمة الله بنا تخيل لو انك كنت لا قدر الله اصبت بيديك فقطعت كان تنحرم من انك تأكل او تشرب بنفسك ماتقدر تستخدم الكمبيوتر ولا الجوال لو بيصير عليك شي بنص الليل ماقدرة تدق على احد يفزعلك ماتقدر تمسك مصحف تقرأ فيه ما تقدر ترفع يديك تدعي الله فا أيهم ارحم؟؟ تخيل لو لا قدر الله اصبت بشلل نصفي كان لاتستطيع المشي ولا الانجاب والتسوق سيارة تضطر لناس يودونك ويجيبونك فا أيهم ارحم؟؟ تخيل لو لا قدر الله اصبت بأحد عينيك فأصبحت اعور أو اصبت بالاثنتين فا اصبحت اعمى كان بتنحرم من كل شي وتبدء من الصفر في عالم اخر انت وحيد فيه تخيل لو لا قدر الله مت في ذلك الحادث فا احمد الله ياخوي تراك بنعمه..

اما بنسبه لزوجتك فا هذي ما عليها حسافه لا العرف ولا دين يرضى ان اكون بوقت الرخى و وقت الشدة اتخلى احمد الله ان هذا الشي ربي قدره عليك وانت لسا بأول حياتك اهون من ان يصير لك كذا وانت عمرك ب50 او ال70 وتتخلى عنك وتطلب الطلاق وتجلس انت ماتلقى من يقوم فيك ولا من تتزوجك ولا تقول مين بترضى فيه الان لا في كثير البيوت مليانه اخوي انا انصحك تروح عمره ولا تجلس لحالك وقت كثير كل يوم رو العصر او المغرب بيت ابوك واجتمع مع ابوك و اخوانك تقهو وتعشوا سوا احضر دورات تنمية بشرية وراجع دكتور نفسي عشان يسويلك توازن نفسي شوف والله انا امس اقول لاختي انا من كثر المشاكل والصدمات اللي لها فترة وانا فيها من ناس مقربين مني قلت ودي اروح دكتور نفسي يسولي توازن مع نفسي احنا متعلمين ماحنا جهال والنظرة الان تغيرت با نسبه لدكتور النفسي يعني بدل ما انا اجلس اكلم نفسي وابكي وانضغط نفسين ويأثر هذا الشي على صحتي وحياتي اروح دكتور نفسي يعيد برمجتي( هههه قوية صح؟ حشا صرت جوال) بكم جلسة وانتهى كل شي ....انت تعرضت لنقلات قوية بحياتك حسب ما قرأت من مواضيعك القديمة
تزوجت (هذي اول نقله بحاتك)
وتوفت الوالده (هذي ثاني نقله)
وصار الحادث(ثالث نقله)
وفصلت من عملك(رابع نقله)
انت بس يبيلك تعزم النيه على التغير وصدقني بأذن الله بتنجح واثبت لنفسك وطليقتك ولناس كيف انك اقوى من مايتصورون مانت بسهوله تنهزم انت ماراح تعيش مرتين هي مره وحده نعيش فاعيش حياتك وصدقني زوجتك بكره تجرب غيرك ولحظتها بتعرف قيمتك وانت ذكرت في ما سبق انك كنت بديت تكرها فتذكر هذي النقطه دائماً انها نكدت عليك حياتك ولو انها وحده غيرها كان احتوتك في محنتك وساعدتك تتجاوزها مو تصير هي والزمن عليك تحرمك حقوقك وتقهرك والرسول صلى اللع عليه وسلم استعاذ من قهر الرجال ..

اخيرا أسأل الله الكريم الذي لا يعجزه شيء في الارض ولا في السماء ان يبرد على قلبك ويكفيك ما اهمك ويجعل لك من محنتك منحه لك لحياه سعيده مع زوجة صالحة ويرزقك ذرية طيبة مباركة.

انا انسان مؤمن حتى لو كنت مهزوم ولكن حياتي تغيرت فجأه وبتواتر عجيب وفقدت امي وبعدها صحتي فوظيفتي والان زوجتي اقصد طليقتي!!
انا طلقتها بالثلاث علشان ارتاح من الحلم بالرجوع اردت ان تذهب بلا عوده رغم اني افتقدها الان كثير
اتذكر رائحة عطرها المفضل وصوت رنة جوالها
اتذكرها حين اذهب للصاله فأجدها تشاهد مسلسلها المفضل
اتذكر طريقتها بوضع مكياجها وسرعتها
اتذكر حتى لحظات غضبها وزعلها
اتذكر بعض التحف اللي تحبها واشترتها بالعيد الماضي
اتذكر مشروبها المفضل حين ارى كوبها ولا اراها
كيف انساها؟
انا اشعربوحده قاتله ولم اعد اهتم بشي على الاطلاق
من خمسه ايام ماخرجت من البيت
ولا اريد الخروج لأن البيت يذكرني بها
فلا اريد حتى ترك ذكراها