السلام عليكم ورحمة الله وبركاته

بعضكم قرأ قبل فترة موضوعي عن خراب جوالي، وإلى الآن ماصحى من غيبوبته مع إني جربت كل الطرق الي قلتوها إلا بخاخ تنشيف الماء ماحصلته ..!
وبين فترة وفترة أطلعه من الدرج وأحاول فيه علّ وعسى بس شكله خلااااااص معد فيه أمل
الله لايلومه مسيكين ..!

المهم أنا ماصدقت أنساه وأسلى عنه شوي إلا تجيني مصيبة ثانية أعظم وأعظم !!
اللهم لك الحمد ..

لابتوبي قدر الله عليه وخرب خراب غريب !!
طبعا هو جاه ماجا الجوال بحكم إني محافظة جدا على الأجهزة الإلكترونية
بس عاد ماطاح في طشت موية منب سيئة لهالدرجة
ولاطاح من الدور الثانية بس من الكمدينه للبلاط على وجهه ولاضره ماشاءالله

الحاصل ياكرام إنه كان طبيعي تقريبا باستثناء إنه بطيييييء جدا بسبب إنه مليااااااان ..

كنت أشتغل عليه قبل أمس ثم خليته إسبات ولما رجعت له بعد 5دقايق لقيته متسكر، فتحته طلعت لي شاشة سوداء مكتوب فوق ع اليسار:
Opriting systm not found << مو متأكدة من إملائها ..

وبس مايطلع شي غير هالشاشة الكئيبة وهالأربع كلمات !!

الحين وش معنى هالكلام ؟!
خلاص تعطل وانمسحت كل ملفاتي ؟؟؟!!!!!!
يارب أجرني واخلف لي خيرا منها ..

متأكدة إنه مو فايروس لأني ماحملت ولاشي ولاحطيت فيه لاسي دي ولاميموري ..

مع العلم إني ماأبي أوديه لأي محل لأن فيه صور لأخواتي وهم مو صغار مرة وأخاف عليها ..
ونوعيته إل جي وعمره 3سنوات ونص، وأبشركم مو هدية من أحد بس كان حق زوجي وعطاني إياه لي ..

على كل حال أنا كنت ناوية أشتري غيره بس أنا ضايق صدري على ملفاتي وأشيائي !!!
لها سنوات عندي وماحفظتها في مكان ثاني
يارب صبرني وردها علي ..

أبيكم تفيدوني في أمرين:

1/ العطل الي حصل وتأثيراته على ملفاتي في السي وفي الدي ؟

2/ اقترحوا علي لاب توب جديد بس حطوا في بالكم إني إنسانة على خبركم محافظة مرة ع الإلكترونيات
يعني أبي شي يتحملني .. ولو يكون فيه منه ملون أفضل ..

بانتظاركم

عزيزتي معنى الجملة إنو الويندوز غير موجود على الجهاز يعني مش قادر يدخل على الويندوز

الحل إما إنك تعملي فورمات عند مختص أو تشوفي حدا من الأقارب عنده إلمام بالموضوع ممكن يسويلك فورمات

أما عن نوع لاب توب كويس فما في بعد التوشيبا

طبعاُ تأكدي من مواصفاته يعني رامات 1 أو 2 جيجا

أنتل سنترينو

فيه واير لس و كاميرا و بلوتوث بلت إن

و أي استفسار نحنا جاهزين

بس سؤال

إنت ليش حاطة الموضوع في عالم الرجل ؟؟؟؟؟؟

فورمااااااااااااات ؟؟!!

يعني بححححح معد فيه ملفات ؟؟!!

يااااااااربي صبرني !!

مافيه حل ثاني ؟!

طيب كبف وين راح الويندوز ؟؟

وحطيته بعالم الرجل لأني مدري وين أحطه ماعندنا قسم خاص بهالمشاكل وقلت الرجال عموما يعرفون بالمشاكل أكثر مننا !!
احنا بس نعرف نخرب !

لا طالما يقول إنو ال operating system not found يعني مافي ويندوز

قولي إن شالله توقف عالفورمات و بس يعني ما يكون المشكلة بالهارد ديسك ساعتها مش الفايلات يلي بححححح

اللاب توب كله بححححححح


يا ريتك قريبة علي كنت ما تركته ليشتغل:20:

اقتباس:

المشاركة الأصلية كتبت بواسطة جنّة الدنيا وحطيته بعالم الرجل لأني مدري وين أحطه ماعندنا قسم خاص بهالمشاكل وقلت الرجال عموما يعرفون بالمشاكل أكثر مننا !! احنا بس نعرف نخرب !

^
^
^
كلمة حق ,,


اولاً أختي وش نظام التشغيل عندك فيستا أو أكس بي

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

جنة الدنيا ..

الحين جوالك وراح فيها .. واللا بتوب بالطريق .. لاأمزح ..

أن شاء الله يزبط ويرجع أحسن من أول ..

بس لازم عن طريق واحد متخصص أو واحد له معرفة بالاجهزة .. يعني يقدر يدخل على الجهاز ..

وملفاتك الي بـd ماأظن انها راحت الا لو أنه فايروس ,,

عندي محمول دل فيه خراب مشابه لخرابك كان تجي شاشة سوداء وكلام كثير ..

لازال يعاني من فترة وأخرى من هذا الخراب ..

خرابه أن التاريخ يرجع للوراء عام 2000م ..

هذا السبب يخلي الويندز مايفتح فلازم أدخل على التاريخ وأعدله لعام 2008م (يحتاج بطرية للمموري)

المهم نصحني واحد من الشباب أني أدخل واعدل التاريخ .. كيف اعدله ؟؟؟

من نفس الشاشة السوداء بالضغط على f2 الى أن تظهر معي الشاشة الثانية وابدا أعدل ..

وبالنسبة للاجهزة .. يعني في أجهزة حساسة وماتتحمل ماأنصحك فيها

في أجهزة تتحمل يعني الايسر والتوشيبا .. والالوان متوفرة الله وأعلم ..

وفقك الله والله يرحم جوالك ويقوم جهازك بالسلامة ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

انتي شابكة اي هارد ديسك خارجي على اللاب توب ؟؟
انزعي اي شيء مشبوك فيه ثم اعيدي التشغيل
واذا ظهرت الرسالة مرة ثانية استخدمي قرص اعادة التشغيل (نفس قرص الوندوز الفيستا) واختاري (اصلاح) ثم اعيدي التشغيل ورح ترجع لك الملفات مثل اول ..

ياحبيلك ياجنه الدنيا ربي يسعدك من جد حالتك حاله مع اجهزتك
صراحه انا ماعندي خلفيه بكيف تصلحين لاب توبك
لاني اصلا انا كل مصار في لاب توبي شي وديته لمصلح
لان ماعندي ماعند جدتي بهالامووووووور

واذا تبغين تشترين لاب توب جديد ويتحملك ويتحمل طيحاتك
ومشاكلك معاة يمدحون dil(دل)
وانا مادري تراني عنه بس مرة سالت محل لاب توبات عن لاب توب يتحملني لاني مثلك قال مافي شي يتحمل مثل الدل
والحين فيه منه الوووووووووووان خيال عندك الحين الون البنفسجي الى على اطرافه فاضي ينباع بمكتبه جرير كل من اشتراة يمدحه


تدرين مكان سؤالك هنا صح
لانه الانسب على قولتك حنا مانعرف غير نخرب الله المستعان بس

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

بــــــــــــــــــــــس




بكره إن شاء الله أسألك زوجي لو فيه حل يخرجك بأقل الخسائر..

__________________
.. ربي لك الحمد والشكر ..

ياحبيلك ياblond_girl ماتقصرين والله ..

ماهمني الجهاز عند الملفات

***

عزوبي .. نظامي اكس بي ..

***

أصغر اخواني .. بتأكد من التاريخ وأشوف وعساه يصير هذا خرابه بس ..!

***

أبو فراس .. ماشبكت ولاشي ،، طيب وين ألاقي هذا القرص ؟!
يجي مع السيديهات الي مع الكمبيوتر ؟

***

غموض ،، ياحبيلك ادعي له تكفين
شفت ألوان دل تجنن بس سمعت إنهم يدعمون الشركات الصهيونية

***

الحلم الدافئ .. أنتظرك يالغالية ..

***