[grade="00008B FF6347 008000 4B0082"]السلام عليكم ورحمة الله وبركاته
اخوانى انا فعلا محتاجه نصيحتكم لانى فعلا مش عارفه اخد قرار لوحدى ممكن تساعدونى
انا بنت عندى 21 اتخطبت من سنتين لصديق اخويا وانا كنت من قبل ما يخطبنى معجبه بيه وحاسه انى بحبه بس عمرى ما كلمته المهم انه لما خطبنى كنت اسعد بنت فى الدنيا وهو الحمد لله بيحبنى جدا وانا كمان بحبه جدا ولكن بدات نقطة الخلاف بينا مع اول مشكله لينا مع بعض انه كل مشكله بتحصل بينا يروح يشتكى لاهله ولاهلىوحاولت كتير افهمه ان المشاكل لما تكون بينا احنا الاثنين هتتحل بسهوله لكن لما توصل للاهل هتكبر وهنزعلهم مننا وزعلنا كتير مع بعض بسبب الموضوع ده واللى مخوفنى اكتر انى هسكن فى بيت العائله يعنى والدته ووالده فى الشقه اللى بجوارى وانا مش عارفه ليه بحس انهم مش بيحبونى وانا كمان مش بستريح لهم
بحس انهم ناس بيحبو التدخل قوى وبالاخص والدته بحس انها بتحب التدخل قوى مثلا فى تاسيس شقتنا عاوزه تفرض رايها عليا فى كل حاجه المهم فى اخر مشكله حصلت بينى وبينه راح اشتكى للاهلى وكمان اشتكى لاهله ووالدته زعلت منى قوى واخويا اخدنى ورحنالها عشان نصالحها وصالحتها واخويا كان متضايق منى ومن خطيبى عشان هو من وجه نظره ان مشاكلى انا وخطيبى عباره عن لعب عيال فحب يعمل حكايه يأدبنا بيها قلعنى شبكتى وتركها عندهم عشان يهددنا احنا الاتنين(انا وخطيبى) وكانت الحكايه دى بالاتفاق مع اهله وهما اتفقو مع اخويا انهم هيجو بعد يومين عشان يرجعولى الشبكه ويصالحونا انا وخطيبى على بعض ونزلنا من عندهم بعد ما صالحت اهله لكن هما عرفو خطيبى بالاتفاق اللى مع اخويا وقالوله ان حكاية قلع الشبكه دى تهديد مش بجد وانتظرناهم بعد يومين يجو مجوش وفوجئت بان حماتى مش عاوزه تجيلى الابعد ما اعتذر لها فى التليفون وخطيبى اتصل بيا وطلب منى انى اعتذر لوالدته الاول قبل ما يجوا مع العلم انى مزعلتهاش فى حاجه ومع ذلك رحتلها انا واخويا وطايبنا خاطرها وانا ودلوقتى الموضع اصبح مشكله مع اخويا ومع اهله لان اخويا زعل منهم بعد ما عرفوا خطيبى بالاتفاق اللى كان بينهم وبعد كمان لما طلبو منى اعتذر تانى لوالدته دلوقتى مش عارفه اعمل ايه بعد الموضوع ما كبر وكل الناس عرفت بيه الحكايه دى حسستنى انى بكرهو مش عارفه اكمل معاه مع العلم انى مكتوب كتابى ولا ده انسان مش امين على اسرارنا بجد فيدونى عشان انا مش عارفه انا معايا حق فى طلبى انه ميعرفش حد بمشكلنا ولا لو سيبته ربنا هيحاسبنى ولا اعمل ايه
[/grade]

الإشراف :تم تعديل العنوان بما يناسب المضمون

أختي الفاضله ***

الله يستر عليك ويحقق جميع أمنياتك ***

المفروض المشاكل التي بينك وبين زوجك تكون سر لا يعلم به أحد سواكم ***

علشان ما تزيد تعقيداً *** والأفضل أن يكلم أخوك صديقة (زوجك) بأن لا يبلغ أهله بكل صغيره وكبيره بينكما ***

لأن أي مشكله لو كانت صغيره وعلم به أحد من أهله سوف تزيد تعقيداً ويصعب حلها ***

لكن إذا كانت بين الزوجين يسهل حلها لأن الزوجين هما أعلم بما ينفعهما ***

أما من ناحية تدخل أم الزوج في بعض الأمور البسيطة الخاصه بزواج أبنها فهذا طبيعي لكن بحدود ***

فهي تريد أن تطمئن على أبنها *** وتساعده على أنهاء أمور زواجه ***

ولابد أن تحسنين النيه بأم زوجك *** ولا تحاولين تخالفينها في الأمور البسيطه ***

كوني ذكيه وتصرفي بعقل وحكمه علشان تكسبين الجميع ***

والحمد لله أن لك شقه مستقله عن بيت أهله *** فهذا يعطيك خصوصية مع زوجك ***

لكن من ناحية الأعتذار عن أي مشكله لأم زوجك *** فأن لا أستطيع أن أحكم على المشكله

وأنا لا أعلم حجم هذه المشكلة ومن هو المتسبب فيها ***

أرجع وأقول الحل بيد أخوك لينصح صديقة (زوجك) بعدم أبلاغ أهله عن أي مشكله بينكما ***

وحاولي أن تستشير والدك بالتصرف السليم أو أحد من عمانك أو خوالك لأن لهم تجارب بالحياة

ويستطيعون ان شاء الله اعطائك المشوره السليمة ***

بالتوفيق إن شاء الله 0

اشكرك اخى على اهتمامك وجزاك الله خيرا

عزيزتى
الزواج أكيد لا يخلو من المشاكل.. لكن لايمكن أن يتدخل الناس فى
مشاكلكم الصغيرة منها أو الكبيرة حتى ولو كانت والدتك أو والدته
لأنها ستصبح أكبر من حجمها الطبيعى.. حاولى أن تفهمى زوجك
هذا قبل الزواج لأنه بعد الزواج يمكن أن تسبب هذه العادة مشاكل
قد تؤدى الى الطلاق .. وهنا تكون العاقبة الوخيمة ولا نعرف كم سيكون
عدد المتضررين عندها ..
والله المستعان ..

[align=center]الله يهديهم دى نفس مشكلتى[/align]

الله يعينك على هيك خطيب

ادعي له


اللهم اغفر للمسلمين والمسلمات