بسم الله الرحمن الرحيم
بعد ان باءت كل طرقي بالفشل قررت اني اكتب مشكلتي انا متزوجه من سنتين ونص ومشكلتي مع زوجي انه لمن يجامعني يلف وجه ويغمض عيونه من بداية زواجنا وطبعا بدون بوس ولا مقدمات .... .............. ولكن موعارفه المشكله اللي متعبتني انه ما يشتهيني حتئ اول يوم زواج ماقدر يسوي شئ .... مافي ضعف جنسي بس اول وثاني يوم ماقدر وبعدين عادي كان يقدر مع انه هو اللي اختارني محد جبابره انه يختارني بعد سنة اكتشفت انه يمارس العادة السرية في الحمام اوعند الانترنت ولمن صارحتة حسيت انه تضايق وقال هذا بلغم سويت نفسي صدقت.......وظل يمارسها ولمن يجيني يغمض عيونه اهو عنده حبيبه قبل الزواج ويموت فيها لان كل اهله يدرون عنها واعتقد انه ماصار يكلمها الحين يمكن تزوجت بس بينهم مسجات انا توقعت انه عاشق لدرجة انه مايقدر يعاشرني لكن اكتشفت انه عيونه زايغه عالحريم المزاين حتى خدامة اخته وهي جميله لاحظت انه يهتم فيها حيل ويطالعها بنظرة شهوه ولمن كلمته قالي انه ما سوه فيها شى وانه مارح يكلمها اذا هذا بيرضيني قلت خلاص لاتكلمها بس احس انه للحين ضارب مزاجه عالخدامه وهي بعد ماتستحي انا نفسيا تعبت زوجي يشتهي الحرام وانا مرته بالحلال مايشتهيني
زوجي شخصيتة سي السيد لازم كل اوامره مطاعه واذا ناقشته بالموضوع يقول عني عبوبه ولازم يادبني ....مادري اذا كانت شخصيتي ما تعجب زوجي تخليه ما يشتهيني؟؟؟......... قبل قلتله اذا انا موعاجيتك خلاص مو مجبور تتحملني قالي والله لو انه كارهج ما خليتج عندي.......... اجوكم ساعدوني وشورا علي هالمشكلة متعبتني وتسبب مشاكل ثانيه بيني وبينه

والله اختي مشكلتك غريبة
طيب اذا شكلش لم يعجبه
و لم يرضيه , ربما قال لك لو انا كارهج ما خليتش عندي
عشان لا يجرحك في توضيح ما يضايقه فيك

طيب

كيف هي علاقة زوجك بربه
هل يدوام علىالصلوات و يسمع خطب للمشائخ
فهو إن كان صح ما ذكرتيه
يحتاج لتقوية ايمانه و غض بصره
و احترام اهل بيته

و هل كان هكذا طوال السنتين و النصف من زواجك
أم كان يتغير,,

أعانك الله أختي




أم فاطمة



تحياتي

شكرا اختي ام فاطمه على ردج زوجي لا يصلي و انا الحمدلله اصلي وحاولت معه و الله يهديه انشالله هو على طول جذي بس قبل قليل مايكون باله معاي

الله يعينك ويفرج همك يارب طيب اجلسي معاه وكلميه بس بهدوء وافهمي منه ايه اللي مش عاجبه فيكي او ايه اللي عاوزه وانتي تسويه وابدئي معاه وبهدوء افهمي منه ودائما وابد اوعظيه وخوفيه بربه وان كل نظره ينظرها لاي امرئه اخري حرام عليه وممكن يشوف ده في بنته اواخته اواو حاولي وربنا يهديه ويصلح حاله وحال جميع المسلمين

شكرا اخميميه على ردك انا تكلمت معاه بس ما خذيت منه جواب مقنع يقولي الشكل لازم المراه تكون حلوه وانا الحمدلله جميله بس اذا لبست قميص نوم ينحاش بره البيت ما يقعد عندي او انه يطنز علي يقولي شلون تلبسين جذي انا لو مره استحي البس جذي.......ريحتي حلوه لدرجه انه بس يشمشمني اذا كنت قاعده عنده ودايمن يقولي ريحتج حلوه حتى البنات يقولوي ريحتج روعه اكيد بتدوخين زوجج....... وبعد يقول لازم ارتاح نفسيا للمراه عشان اقدر اعاشرها..... مادري انا شنو في حدي تعقدت...... مرات افكر اني اترك البيت بس اتعوذ من الشيطان وادعيله الله يهديه ويسخره لي

الله يعينك يالغاليه

والله انتي في حاله صعبه

اسأل اله العظيم ان يوفقك ويهدي زوجك وينزل بينكم محبه وود واخلاص

انتي اذا تحبيه بس ادعيله انه ربي يهديه وراح تشوفي ربنا كريم ما يخيب ظن عبده....

وتقبلي مروري................

شكرا اختي شكرا على دعائك لي

طيب انا رأيي انه تجبرينه على الممارسه الحميمه معه
ربما هو هو يريد ذلك حاولي او حاولي انه تثيرينوا اكثر ربماشي هوه يحب هذا شي

اقتباس:

زوجي لا يصلي

هذا أمر عظيم أختي
انصحيه
و دايما حطي اشرطة و شاهدي برامج دينية امامه
و تكلمي , لكن ليس بأسلوب توجيه اللوم له
بل بشكل عام
و انتقدي الرجال اللي لا يغضوا البصر و كيف ما يخافوا الله
و الله يهديه ان شاء الله

اقتباس:

هو على طول جذي بس قبل قليل مايكون باله معاي

يعني هو طول السنتين يغمض عينه لما يتقرب لك..
و مافهمت جملتك فبل قليل باله ما يكون معاك
عشان نساعدك اختي وضحي

اقتباس:

انه يطنز علي يقولي شلون تلبسين جذي انا لو مره استحي البس جذي

اختي ,, واضح ان ذوقك في اختيار لبس النوم لا يعجبه نهائيا و ليس شكلك
لذا غيري النوعيه الل تشتريها
او خليه يختار معك بس على ذوقه
حتى لو ما عجبك



الله يوفقك

((انه يطنز علي يقولي شلون تلبسين جذي انا لو مره استحي البس جذي ))
مو عشان ذوقي ..... عشان قميص النوم عاري جدا
((هو على طول جذي بس قبل قليل مايكون باله معاي ))
اي انه مرات قليله ما يغمض عيونه وقت الجماع ويكون معاي واكون مستانسه معاه ..... وانا نصحت بالصلاة واذا اذن الاذان احط السجاده عنده بدون ماقوله صل بالبدايه كان يصلي اذا حطيت السجاده بعدين ما قام يصلي واقرا جدامه قران الله يهديه