السلام عليكم
أخواني وأخواتي في هذا المنتدى الطيب.....
أتمنى تساعدوني بردود شافيه وعمليه...لأني تعبت وبديت أخسر شخصيتي واهتمامي بديني..
أنا متزوجه من 5 سنوات ..كان زوجي مطلق وكان له سمعه حلوه حتى مع اللي طلقها (وهو طلقها برغبته لانه ماقبلتها نفسه وفيه أشياء يقول انه ماقالها لحد..
المهم اني أغرتني اخته به وحسبته بيعاملني مثل ماكان يعامل طليقته فيما سمعت.....لكن انصدمت..من أوله كان مسافر بها لماليزيا والامارات وأنا يادوب وداني جده 10 أيام!!!رغم انه قابلني وحابني ومقتنع بي 100% لأني كنت ماعلي في كل شي وماصدق اوافق عليه وهو مطلق ..ماكان يعبر بس انا أفهم النفسيات نوعا ما وكل واحد يعرف اللي يحبونه أو يقبلونه....ومع ذلك أحس انه غرييييييييييييييييب في حبه يعني مايخلي المشاعر تغلب أي موقف لو كان تافه دائما يفكر بالمننننننننننننطق على قولته ويبدو انه تربى على عدم اعطاء المشاعر أولويه أبدا....مهما حصل..
أرجع أقولكم اني ضقت مرررره من تصرفه رغم اني أبديت رغبتي بمكان معين بس ماهمه ولا قدر مشاعري ولا قال خلها تعيش فرحتها دام اني عشت اللي أبي وجربت...
قلت يمكن يعوضني بالمعامله وأشياء حلوه...لكن فعلا انصدمت ...كأنه متزوجني من عشر سنين لافي الجنس ولا في الاهتمام وحتى عزيمة عروس حط شي بسيط رغم انه حاط لها في فندق...
لا تقولون لأنه مطلق وتخسر طيب ليش ياخذ بنت ويحرمها فرحتها....يعني لا سفر عليه القيمه ولا طلعات ولا عزايم بس معامله كأن لنا سنييين.....لو طبعه تحملت لكن قد سواها على أحسن مايكون مع غيري وقدام كل الناس ماسوا لي قيمة؟؟
ناقشته وطلبته وترجيته ووووووو....الظاهر انه صار يستغل النقطه في صالحه إذا بغى شي قال بنسافر واذا طفش نقض كل كلامه.........
لاتقولون شي تافه ...لانه جاء بنفسي مرررره مرررره ودايما أقول ليش انا قدرته وحطيته بعيوني أول الزواج وهو ولا همه...هذا جزات اللي تاخذ مطلق يعني؟؟؟
عاتبته ابي أحس بتقدير وفرحه زي كل المتزوجين لكن الظاهر انه جرب ومل وماهمه الا نفسه....
بصراحه كلما مر طاري ماليزيا ودبي اتنكد واتذكر جروحي وانا قلت خااااصة لانه راح بغيري وخلاني حتى قدام الناس ولا شي....
شرايكم ...أحسه جرح رطب عيا يطيب؟
وش اسوي...أبي اراء عمليه أرجوكم..

اختي الكريمة

انتِ الآن متزوجه من خمس سنوات كامله ولازال موضوع شهر العسل مؤثرا عليك لحد الآن ؟! ، ثم ان المكانة الحقيقيه للزوجه عن الزوج لا تقاس بالسفرات لماليزيا او اوروبا او غيرها من البلاد السياحية وانما بالمعامله الحسنه لها واحترام انوثتها .

ويمكنك ان تطلبي منه السفر في رحلة سياحية عندما تتحسن ظروفه المعيشية التي رضيتي بها طوعا عندما وافقتي عليه وهو مطلق .

يمكن كتابتي شوي غير معبرة لكن الله يشهد اني اتعب نفسيا من معاملته وانقهر من كثيييير من تصرفاته بلا سبب مني ..وارجوكم ردوا علي باللي يرد لي اعتباري لانه ماحط لي اعتبار كأني أنا اللي طلقها ورجعها!!!!وهو يقول مافيه مشكله كل شي عادي وأنا حر اسوي اللي ابي..و مره زعلت عند اهلي بعد شهور راضاني وقال خلاص بسوي لك تطييب خاطر ولما رجعت كذب علي ..
.......
شكرا سيد الرجال لكن هو ماديته زينه مره ...ولو عوضني بمعامله حلوه كان بس انا قلت انه خلاها تجي في نفسي من اهماله لي ..اتعجب ليش مايتعب عشان ام عياله (أنا عندي ولد وبنت)

63 قراء الموضوع ومحد حاول يساعدني !مو قادرة اتخلص من الترسبات فينيالله يساعد من يساعدني

هذي مشكلة المطلقين ..

انه ياخذ فكرة شينة عن الحريم كلهم ويحسب ان كلهم نفس زوجته الاولى ..

انتي سوي اللي عليك ولا تبينين انك مهتمه بالامر ترا الرجال يمسكون الحرمه مع اليد اللي توجعها يدرون انها حساسة ..

وأحس انك مبينه حبك له .. طنشيه شويتين وخليك لاهيه مع اولادك وان شا الله يهتم فيك ..

الله يكون بعوننا يالحريم ..

__________________

الله يجزاك الجنة زهرة اللافندر وشكرا على الرد....
ودي اسوي اللي تقولين بس ماقدرت ،أشياء كثيره تذكرني بجروحي وعجزانه أنسى معاملته حتى اني اتضايق من اشياء الحين بشكل أكبر مما تستحق لأني مشحونه و وضحت له هذي النقطه لكن لاحياة.!
شكرا ياعمري..

غاليتي وفقك الله/
لاحظت من موضوعك كله أنه عبارة عن مقارنة بينك وبين طليقته
مثل السفر أو الفندق
ماضي وانتهى بالطلاق لماذا تتذكرية وتُذكري زوجك بسفره مع طليقته
حاولي تنسي وتفتحي صفحة جديدة بحياتك كلها صراحه وشفافية فيما بينكم
وايضا قبل هذا عليكِ بالتقرب إلى الله عزوجل بالدعاء والإستغفار في جميع شؤون حياتك.
أسأل الله بمنه وكرمه أن يكتب لك سعادة لاشقاء بعدها أبدا
وطمأنينة وسكينة دائمة لاتفارق قلبك.

__________________

أشكرك وردة بين الثلوج ......
أنا احول استمر على الاستغفار...وياما صارحته بس مافيه فايده والله انما يزيد اذلال لي ...
على كل حال الله ييسر ويجزاك عني خير الجزاء

زوجك تخسر بزواجه الأول ولا نفع عشان كذا ما يبي يكرر التجربه ... والسفر ألحي عليه تغيرون جو او قوليله بنعيد شهر العسل بس لا تروحون ماليزيا عشان ما يتذكر طليقته والله يوفقكم .

__________________
[type=612464][/type]

آآآآآآآآآآه ما تقلبي علينا الجروح


بعد سفري وغربتي

حتى عفش للبيت مثل الناس ما اشترى


كلما قلت نجيب كذا يقول كان عندي منه



هم هيك الرجال

نصحيه حمليها خفيف ولا تقارني نفسك بماضيه



الغلطه غلطتك وقت وافقتي عليه حاسبه انو رح يعاملك مثل طليقته رحلات وغيرووو




يمكن هذا سبب طلاقه منها





اشغلي نفسك بالعبادات اريح لراسك

__________________
http://live.gph.gov.sa/
اللهم اني استودعك اولادي