السلام عليكم
صديقتي ورفيقة عمري عندها المشكلة تقول:
أنا بنت مخطوبة على إبن عمتي من 4 شهور...طبعا قبل الخطوبة الكل مدحه لي أبوي وعماتي(الاهم خالاته)على انه لطيف وحنون وكريم...المهم:وافقت وتم العقد والحفلة ...(على فكرة يشتغل برا البلد يعني اشوفه يومين بالاسبوع)
وعشت معاه أحلى أيام الرومنسية كان من ينزل من شغله يجيني على طول ومايخليني في حالي
ما ينوصف الحب..
وأنا بنت زي اي بنت احب السوق أموت في شي اسمه سوق..وطلع خطيبي العكس
من اول مرة طلبت منه يوديني السوق عصب فيني ووداني وقال ماعنده فلوس(على ان راتبه قوي بس ماقالي كم؟) ..>>حسيت منها إنه بخيل
وتأكدت من هالصفة لما رحنا المطعم..يخليني أنا اللي أدفع الحساب حقي
يقول لي أنتي تمسكين (مكافأة من الجامعه)وأنا مكافأتي يادوب تكفيني لمصاريف الجامعة.
ومصاريف الخطبة والشبكة والدبلة من عند أبوه..يعني ماحط يده في شي ودفع وكل ماأسأله عن عمله أو راتبه يعصب فيني...
بعدها صرت ما أطلب منه شي ولا أخليه يوديني السوق ولاشي....
.......................
وكنت دايما واحنا طالعين بالسيارة نمر على محل نظارات وأشر على نظارة شمسية كان نفسي فيها وهو ولا كأنه يسمعني...
المهم:.............. عازمني على مطعم..فرحت..سألني في السيارة أي مطعم تبغين ؟قلت له ىماادري على راحتك..قال لا انت قولي..فقلت له في مطعم اسمع ناس تتكلم عنه(كنت مو ذاكرة مكانه بالضبط)فراح ومادل المكان وعصب فيني وطول المشوار يهزأني...وبعدين وداني مطعم بايخ وطلبنا صحنين مقبلات وطبق رئيسي..واني جالسة يقولي :مو كأن طالبين ووااجد..صراحة قهرني حتى يوم فرحتي يبخل علي..وبعدين انا اللي دفعت الحساب حقي..
ولما رجعني البيت ..قال لي الهدية ورا..أخذتها وانا فرحانة لان العلبة كبيرة ومغلفة..
ودخلت البيت فرحانة بالهدية وخواتي جو معي يشوفوها...وافتح العلبة ...حاط لي دبدوب ونظارة تفشل ماادري من وين مطيح عليها...على انه مفروض عرف ذوقي..انقهرت حدي..
سألني يوم ثاني عن الهدية..قلت له مشكور وليش مكلف على نفسك..بس النظارة ماتناسب وجهي
قال لي ماعليه نروح سوا نرجعها...ورحت معاه المحل المقرف مافي ولا نظارة ستايل..قلت ما ابغى غيرها خلاص
عصب فيني ورجعني البيت....
بعد هاليوم ماكلمني وحاقرني ..أرسل له رسايل مايرد علي
وبعدها بسبوع رسل لي رسالة فيها لستة عيوبي ماخلا أنا مادية وأنا وأنا ....
والحين صار لنا اسبوعين مايكلمني وإذا مرة رسلي رسالة كلميني...بس انا احقره لانه متكبر علي وشكله مايبي يرجع لي
عطوني حل

__________________
سبحان الله وبحمده
سبحان الله العظيم

والله اذا صحيح كلامك فانه ابشع خصله على الاطلاق في الرجل ومش ممكن تحتمل هيا البخل
لازم تتاكدي هل هوا بخيل او حريص بعدين هل شغله ووضعه المادي كويس ؟ اذا نعم وين يروح براتبه
اتمنى لك التوفيق حبيبتي

صراحه مدري بس لو انا مكانها كان قلت السالفه لامي او ابوي علشان يكونون معاي بالصوره

من ايام الخطوبه كده اجل بعدين الله يعينك

اكتر شي استغربت منو انو تدففعى فلوس العشاء في المطعم لى دي الدرجه لو صاحبتى اتكسف اخليها تدفع مو خطيبتى

قولى لاهلك احسن الله يكتبلك الخير

__________________
ياررب ارح قلبي وعوضني خير

الله يعين

البخل من ابشع الصفات بالرجل

شوفي نفسك تقدرين تكملين بهالطريقة معه ؟

لأنه ما رح يتغير بعد الزواج ابدا

وبتصير مصاريف البيت والاولاد عليك !

__________________

مثل ما قالوا الي قبلي البخل صفة بشعه والبخيل شخص ما عنده كرامه

والدليل خلاكي تدفعين فلوس العشاء من عندك ..

والله البخيل ما ينعاش معاه ولا ليله سودا

قولي حق اهلك بكل شي ليش ساكته وكاتمه في قلبك

__________________

استغفر الله شووووووووووووووو هذ الجشع والله قهرني الله يقهر الشيطان هذا اذا كانت كما تقول والله تستخير الله وتعيد حساباتها معاه وتتوقع انه بعد الزواج قد يزيد حالته
وتكثر من قول اللهم اذا كان خيرا لي فيسره لي واذاكان غير ذلك فأصرفه عني
اقووووووووووووووول والله ابى اخرج من هذا الموضوع بسرعة صراحة تنرررررررررررررررررررررررررررفزت أففففففففففففففففففف

__________________
اللهم حقق امنيتي بأن أكون اشد عبادك لك طاعة ولك منقادة وأحسن خاتمتي آمين يارب فرج الهم فأنت وحدك عالم همي

معقوووووووووووولة ...


حتى لو كان بخيل


لأن حتى البخيل يستحي في فترة الخطوبة....

لكن هذا بخيل + قوي وجه

صعب جداااااااااااااا


كمان يخليكي تدفعي الحساب هذه كبيره جداااااااااااا احسنله ماتروحوا مطعم احسن واكرم من انه يخليكي تطلعي قرش من جيبك وانتي معاه

انا من رأي تحكي لأهلك وصلي استخارة كثيررررررر

الله يكتبلك الخير

__________________

أين المروئه لما يدفع ثمن الاكـــــــــل فى المطعم

لو مكانك أقولوا البنت مابتكون مع راجل مابتدفع قرش

وانت بدفعنى ثمن الخروجه

يمكن كان يخجل

لكن الظاهر أنه بخيل بقووووووووووووووووووووووووه

هتتعبى جدا معاه بلاها الجوازه دى

__________________