اخي شبه منحرف كلامك صحيح وعلى العين والراس انه اليوم بارجع بيتي واذا كلمني باسمع منه بس مااااقدر اسامح منجرحه ما تصورون هالايام اللي انه قاعده فيها في بيت اهلي شنو نفسيتي تعبانه ولا كلمته ولا هو تجرأ انه يتصل فيني مادري خجل او عين قويه وعايش حياته انه اللي علي باسمعه بس ما عندي رد وهو جرح قلبي جرح ما يعلمه الا رب العالمبن حسسني اني رخيصه عنده وان في من يسد مكاني

__________________

السلام عليكم ورحمة الله وبركاته حبيت ابشركم انحلت مشكلتي مع زوجي طبعا عقب ما رجعت من بيت امي ماكلمته ولا كأن موجود وخذت عيالي وطلعت وهو كان بالبيت ورجعت وهو لسه في البيت وبعد نفس الشي تطنييييش وكان فاتح ايميله وانه فاتحه ايميلي دخل علي وسلم مارديت السلام بس قعد يقول لي ليمتى احنا على هالحال انه تعبت ونفسيتي تعبانه حرام عليك اللي تسوينه فيني انه انسان مو معصوم من الغلط والحمدلله انك جفتي اللي جفتيه ورديتيني عن طريق الغلط وقعد يقول لي سامحيني انه متضايق وتعبان وايد خل ترجع حياتنا مثل ما كانت وقعدت اقوله عن كل المحادثات اللي قريتها وحلف لي ان مو كل المحادثات اللي قريتها كانت له وان صديقة يستعمل الاب التوب معاه في الدوام وان الايميل مو له وقال لي انه ياما سامحتك على غلطات وانتي غلطة وحده مو راضيه تغفرينها وما طلع من المسن الا لما قلت له سامحتك معنك كسرت قلبي وتعبتني وطيرت النوم منة عيني في هالايام اللي فاتت وبس وقالي ادري بك قلبك كبير وانحلت المشكلة ولله الحمد

__________________

الحمد لله انها انحلت على خير بصراحه كنت بقرأ بأول المشكله لاخره وانا قلبي عليكي
اهم شي انك تهتمين بنفسك حتى لو حامل علشان ما يحاول يفكر انه يرجع يكلم او اشي مثل كذا
وحليكي مراقبه الجو من بعيد لبعيد
بس ما تحسسيه
الله يوفقك في حفظ الله ورعايته حبيبتي انتبهي على البيبي

__________________
سبحانك اني كنت من الظالمين

بس قعد يقول لي ليمتى احنا على هالحال انه تعبت ونفسيتي تعبانه حرام عليك اللي تسوينه فيني انه انسان مو معصوم من الغلط والحمدلله انك جفتي اللي جفتيه ورديتيني عن طريق الغلط وقعد يقول لي سامحيني انه متضايق وتعبان وايد خل ترجع حياتنا مثل ما كانت ..

اختي باين عليه ان شاء الله صادق سامحيه بس خليه يتعلم درس
من الي صار ومايجازف ويخسر زوجته واطفاله وبيته عشان غلطه
ونزوه يتندم عليها اذا فقدكم ...

ترا بعض الرجال يخون نزوه وعينه زاغت بس لما توصل للزوجه وتصير مشكله

ويحس انه ممكن يخسر زوجته يفوق ويترك

وان شاء الله هذا الي حصل مع زوجك بس اهم شي
انتي ارتاحي وريحي نفسيتك شفت موضوعك ياقلبي
عن نفسية الجنين واقولك ايه يتأثر انا حصلتلي مشكله
قريبه منك كذا وانا حامل وكانت نفسيتي زفت وما اكل
وجت بنتي ضعفاانه وزنها كان 2كيلو ونص بس
ماابغا اخوفك بس احذرك كلي زين واخذي الحبوب
كل يوم الحديد والكالسيوم والفوليك عشان جنينك
يجي بصحه زينه ...

ومعليش احس طولت عليك

__________________

الحمد لله

الله يديم الرضا والسعاده بينكما


نسخه للمشاكل المحلول

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اشكرك اختي فوفو على مرورك والحمدلله اني مهتمه بنفسي رغم تعب الحمل وبالنسبة للمراقبه والله انها تتعب النفسيه خل كل شي على الله واذا رجع وكذب فحبل الكذب قصير ورب العالمين بيكشفه

__________________

مشكورة اختي بناتي غيروني على مرورك انه سامحته لانها المرة الاولى من جذي انصدمت كل هالصدمه وان شاءالله ما يرجع يعيدها وبالنسبة للبيبي والله كان كاسر خاطري لاني ما كنت اكل عدل بس ان شاءالله باعوضه

__________________

الله يجزيك خير

__________________

اقتربت ولادتك يا قلبي


طمنينا ونصيحه لوجه الله تعالى

لا تتركي زوجك وتنامي ببيت اهلك

الزوج ما ينترك ابدااااااااااااا


والآن اقتربت ولادتك الله يخلصك بخير


ما يسوا الزعل لك هالايااام يكفيكي تعب الحمل في اواخره


سامحي يا قلبي لازم نحنا نساااااااااااامح على طول انما لو كان العكس كانت الردود غير



سامحي ولكن مع الحرص انو ما تنامي بعيد عنو هذا يجعل له باب للفراغ مع رفقاء السوء



اصلا الاهتمام بالزوج كما الاهتمام بالاولاد واصعب

__________________
http://live.gph.gov.sa/
اللهم اني استودعك اولادي

الحمد لله ... فرحني هالخبر واااااااايد

__________________