اليوم انبح صوتي بس و انا أسكت بنتي عنجد اتعبت معها و فشلت بكل الطرق انه امنعها تصرخ

عمرها الله يحميها سنه و 7شهور لسى ما بتحكي الا بعض الكلمات بابا-ماما-مبو (ماء)- نيني(تنام)-باي - بوبو(بيبي)- عمو - أنا - بدي مم (بدها تاكل) - بدي مبو - هاد - واوا

والباقي صراخ

اذا عصبت من لعبتها بتصرخ و اذا بدها شغله و مو عارفة تعبر بتصرخ و اذا حد حاول ياخد منها شغله بتصرخ - اذا سمعت أخوها الصغير عمره شهر ببكي بتصرخ واذا ما لبينا طلباتها الغلط بتصرخ واوقات اذا خلصت رضاعة الحليب معها ولسى بدها بتصرخ

وبرا البيت كمان على نفس الموال خاصة اذا سمعت اطفال بصرخوا بتصرخ معهم وبتكون مبسوطة

هل هالشي عادي ولما تصير تحكي بتبطل ؟

وشو الحل برأيكم ؟ صرت اقضي نهاري معها بالصراخ

__________________

باين ان صراخها بسبب الغيرة اعطيها حنان كثير وطنشي اذا شافتك مهتمة لصراخها بتزيد وهي مو خسرانة شئ بالعكس هي تتفنن في الصراخ وعشان تعصبك وتطفشك وتلبي طلباتها خليها تصرخ لييييييييييين ماتياس

__________________
اللهم لك الحمد حمدا كثيرا

المشكلة يا أختي هي بتصرخ من قبل ما يجي أخوها و الحمدلله هي بتحب أخوها وبتبوسه وبتحضنه و أكيد بتغار من بعض الشغلات اذا عملتها للبيبي متل الرضاعه او تغيير البامبرز أكرمكم الله متل باقي الأطفال بس غيرتها أبدا مو قوية لأنه من أول يوم أجى فيه البيبي أعطينها أهمية أكتر و بنترك اخوها يبكي و بنهتم فيها

حاولت معها بعض الطرق يلي ممكن تخليها تبطل تصرخ متل انه أطنشها و أخليها تزهئ صراخ من غير ما أطلع فيها ولا أحكيلها بس .. حاولت كل مرة تصرخ فيها أضربها ضرب خفيف على فمها .. حاولت أحكيلها بس عيب ما بصير .. ما نفعت ولا طريقة بالعكس صارت تتفرج على حالها بالمرآة و هي تصرخ و تزيد نبرة الصوت ..

كمان لما تكون مبسوطة و بتلعب بتصرخ و أوقات بتحاول تقلد بكاء أخوها

شكرا أختي على مرورك و على نصيحتك

__________________

الله يعينك

ابني بصرخ بس مو زي بنتك
بكون قاعد مثلا

بتلاقيه فجاة بتسلى الظاهر
اااااااااااااه

سراخ حاد يعني هيك بدون سبب وبكون فرحان عحالو وبحس طبلة اذني بتزن

بس بكون هيك بتسلى لانو مابعبر عن انزعاج او ديق لما يدايق ببكي ومابوفر

__________________

اهااااااااا اجل البنت تتسلى مالك الا الصبر الله يعينك انا ابني برضو يصرخ لدرجة فقع اذني ورحت عند الدكتور بس صابرة امري لله

__________________
اللهم لك الحمد حمدا كثيرا

هلا علامة الجودة كيفك اشتقتلك كتير،،، ما شالله صار عندك بيبي ثاني الله يخليهم لك ويتربوا بعزك،

انا مو قادرة افكر بالحمل من بنتي سارا الله يحميها زنااااااااااااااااااانة طل اليوم بتزن شكله هوايتها،،،

والله يهديها لسه ما بتاكل بس بترضع مني ماشالله ومو قادرة افطمها ولا قابلة تاكل ....

بنتك الله يهديها مفكرة انها راح تاخد اللي بدها اياه بالصراخ مثل سارة تضل تبكي وتزن لما بدها شي بس صرت اطنشها لاني كتير بعصب من حركاتها...


انا قبل فترة سمعت في الراديو دكتور نفسي للاطفال يقول: لما يبكي الطفل او يصرخ طنشه وانت عارف انه مو جوعان او تعبان او بده غيار بامبرز تجاهل وطنش البكاء والصراخ لحد ما يمل الطفل ويسكت لان لو عصبت عليه وصرخت عليه حيعرف انه ازعجك وراح يزيد لحد ما يزهقك وياخد اللي بده اياه اما لو طنشته واعتبرت انه ساكت او مو موجود راح ييأس ويسكت.

__________________
...NOURA...