أم لؤى

اه بحكى لك قصص والله تعمل مجلدات

انا اتعلمت
ان كل شىء بيحصل لنا فى الدنيا ربنا له حكمه فيها ، الحياه والموت والحزن والفرح والزواج والطلاق واللقاء والفراق

ولو الانسان اتمعن فى الحكمه من كل اللى بيحصل له بحياته وحاول يستشف الحكمه من ورا الاحداث دى اكيد اكيد ربنا هينور بصيرته اللى هى افضل من البصر
وساعتها انفعاله مع الحوادث السيئه هيكون اقل بكتير ، مش هينمحى الانفعال بس هيقل لانه هيكون واثق ان فيه حكمه لسه ماظهرت
وكل ما تمعنتى فى الحكمه بتاعه ربنا فى اللى بيحصل لك كل ما بصيرتك نورت اسرع وصار وصولكك للهدف من وراء الحدث او الحكمه من حدوثه اسهل

شىء كمان
كلنا عندنا شىء اسمه الحاسه السادسه او البصيره او الشعور الاول بالاشياء
الشعور ده كان عندنا من ملايين السنين واحنا لسه لاحضاره ولاعلم وكنا بالغابات
الشعور الخفى ده هو اللى كان بيحمينا كبشر من الوحوش والهلاك وهو اللى كان بينبهنا للخطر
شويه شويه مع التطور البشرى والعمران الانسان بدأ يلغى الحاسه دى او يجنبها فضعفت
ضعفت جدا بس ما اختفتش
جربى اول شعور يجى لك ناحيه اى شىء وصدقيه وامشى وراه
الحاسه دى هتقوى جدا وهيبقى عندك ملكة انك تحسى بالحاجات صوابها وخطئها وباللى ممكن يحصل قبل مايحصل
جربى مره واحده بس
مثلا تصحى الصبح وجاكى احساس ان هتجى لك هديه اليوم او اتصال معين ،الشعور ده بيبقى سريع جدا زى البرق لدرجة ان العقل الواعى ممكن ما يسجله او يتجاهله
انتى ماتتجاهليه وصدقيه ......هيحصل بس لازم يكون الاحساس ده جالك مش انتى اختلقتيه
كل ما تصدقى احساسك كل ما احساسك هيقوى وهيوجهك التوجيه السليم
دى الحاسه اللى كانت بتخلينا ولازالت نطلع مبررات لغلطاتنا لما ننكر احساسنا الاول وبتخلينا نغلط ونتشائم
وحشتينى يا ام لؤلؤ