والله انا زعلت عليك و على زوجتك
انت مفكر انها مش حاسة لااااا غلطان حاسة ونص بس شكلها كتومة ومتربية عالكبت العاطفي زي منت قلت
كيف بتتركها تنام لحالها؟الدين امر بالهجر بالمضجع وقت الزعل والتاديب بس لازعلتك ولا تحتاج تاديب هيك تعمل فيها
تاكد مشاعرها مجروحة
طيب اخي انا حاسة انك انت مهملها كمان
يعني بتقول مش متاكد من عمرها
وبتتركها تنام لحالها
وتنبسط بس تروح اهلها

طيب انت جربت تتغير معها يمكن هية تتغير

جربت انت تعطيها الي نفسك تاخدو منها عشان تنتظر هالمقابل

حاليا مفي عندك لهفة

حاول تمثلها عشان هية تحس بتغيير يمكن تتغير للاحسن

بعدين بتقلك الاخت خدها سياحة بلد اوروبي بتقلها مو الطايف ازين؟
كانك مستخسر فيها يعني
حتى لو ظروفك المادية مش سامحة في اسلوب الطف في الكلام مش كانو اوروبا خسارة فيها

انا فاهمة انك تريد وحدة مرحة متجددة وحيوية صح
طيب انت متجدد ومرح وحيوي معها؟

بداية عليك بالاستغفار
بعدين حتشوف نفسيتك بدات تتحسن وتتغير

بعدين انت حاول تفتح صفحة جديدة يعني
اشتاقلها
حبها
حتقول بس انا مابشتاقلها ولا بحبها
يعني مش بقولو انما العلم بالتعلم

حاول عشان هية تنبسط وتتغير بالتالي تصيرانت محب عنجد مو تمثيل

محاولاتك بالبداية يمكن تطلع مش من نفسك بس تاكد حتلاقي تغير عندها

يوم قلها جهزي البنات وديهم عند الوالدة وانت جهزي نفسك نروح نتغدا لحالنا في مطعم

يوم قلها تروح عند اهلها يوم
وحضرلها مفاجاة رومانسية او هدايا او اي شي مميز

يوم قلها نيمي البنات بدري

واجلسو سوا في غرفتكو في شموع وجو حلو

حرام شو انت بتفكر مرتك مابتحس
ازا تعبيرها في الحب محدود هادا لا يعني انو مالهاش نفس او مشاعر او تتمنا هيك اشياء
بس هية ساكتة وبتقول ايش بدي اعملو
انا اكاد اجزم انها حاسة بكل شيء وتتالم

انت قاعد تبني جدار بينكو

عفكرة يعني مو الي نتمناه نلاقيه في ازواجنا او زوجاتنا دايما

بس مع العشرة بصير في تاقلم

ويعني

البنت خلوقة ومحترمة و سنعة وتخدمك عحساب صحتها

انا عن نفسي مابحب المراة الي تتدفن حالها وتنسا نفسها عشان تخدم زوجها انا بحب الزوجة تدلع نفسها احيانا ولو كانت متعبة او مريضة تعتذر عن خدمة زوجها وتستغلها فرصة للدلع شوي

بس الرجال بنبسطو من هيك نوع غالبا بحبو المراة تدوب زي الشمعة عشانهم

بس انت مابتحب هيك ومعك حق صراحة حلو المراة يكون عندها شوية انانية لنفسها يعني تعطي حالها اهتمام وقيمة

طيب انت ببساطة يوم قلها اليوم اجازة

مابدي تنظفي ولا تعملي شي
بدي بس تتدلعي
والغدا بيجيكي جاهز

وشوف انت ازا تقدر تتولى امور البنات وازا مابتقدر وديهم عند اهلك

وخليكو لوحدكو

قلها اليوم النا وبس

فسحها ودلعها واشتريلها غدا من برة

اجلس معها احكيلها قصص العزوبية والشباب والمواقف المضحكة

جرها بالحكي خليها تكسر صمتها
احيكلها احكيلي عن صحباتك ايام المدرسة مثلا



يعني يااخي انت اكسر الحاجز الي بينكو

ماتظلمها حرام عليك انت محاسب عالي بتعملو

في كتير ازواج مابحبو نسوانهم بس مابحرموهم من حقوقهم عشان يرضو ضميرهم ويخلو ذمتهم امام الله

ففش داعي تحرمها بحجة مو عاجباك

انا حاسة صراحة اانك تزوجتها وماحسيت بالرضا ومن بعدها قعدت تتشكون وزعلان عحالك

مو حاسة انك حاولت بشكل عملي

وازا بقيت مقنع حالك انو فش فايدة

ماحتضلك هيك على طول

يوم حتخونها وتحب عليها تروح تتزوج وتخرب حياتك بايدك

راجع نفسك يااخي ان كنت حريص على سعادتك

واكرر استغفر كثيرا سترى الامور بعين اخرى


انا مثلا الحمدلله سعيدة مع زوجي ماشاءالله
ولكن الامر لا يخلو من عيوب في الحياة الزوجية او مشاكلها ملح الحياة يعني

فاحيانا تصير مشكلة احس الدنيا حتنحرق من حولي من القهر واني مش متحملة الي عملو زوجي او الصفة الي مش عاجباني

وانقهر انقهر

ولكن استغفر بعدها

الاقي الامر تهون واقول هوة كويس وفيه كتير مميزات الي هية كزا وكزا

يعني يلا بسيطة من هالعيب اتحملو

وانت لو عملت هيك حتلاقي نفسك مهون الامر وحابب زوجتك المسكينة