السلام عليكم وأنا ضيفه جديدة وقديمه يعني دايم أجي زيارة واليوم قررت
التسجيل ,,

أنا عندي مشكله ودي تشاركوني الحل ..

أنا بنت مو متزوجة تربطني بشاب من أقربائي عاطفة حب عذري يعني
الحمد لله ما بيني وبينه أي علاقة لا تليفون ولا غيره مجرد عواطف ومشاعر

قبل ثلاث سنوات تفا جئت بزواجه من وحده ثانيه وكان السبب هي أمانتي
لان عندي أمانه من شخص وكان احد أهله يطالبني فيها وأنا رفضت وقلت
ما رح أسلمها إلى للي حطه عندي فقامو ونتقمو مني وزوجه وحده ثانيه
وكانوا دايم يذكرون على مسامعي انه مستا نس ومبسوط مع زوجته
بعد سنه وثلاث شهور جاء الخبر المدوي وهو طلاقه لها فكانت صدمه

بعده بفترة زوجوه من وحده ثانيه تقبلت الأمر وطلبت من الله التعويض
ادري انه ما نسني لأنه يتتبع أخباري وهذا ما وصلني ,,

قبل كذا شهر دخلة أحد المنتديات بعد فتره سجلت رسمي بعد أربعين
دقيقه من التسجيل دخلت منتدى الشعر وإذا بأحد الأعضاء كاتب
بيت شعر وكاتب اسمه وإذا اكتشفت انه نفس هذا الشخص إلي أحبه
عرفني من لقبي ,, بعده طوالي حطيت بيت شعر أحاول من خلاله
إني افهمه إن كل شي أنتها وان كل منا لازم يرضى بنصيبه بس
هو ما أستسلم

طنشة وطنشة وطنشة بس ما فاد .. في الأيام السابقة بداء يلمح بأنه
طلق زوجته الثانية وانه راح يتقدم لي بدوري أنا أعلنت انسحبي
رغم معارضة أدارة المنتدى لأني عضو نشيط عندهم اصريت
وانسحبت ,, قولو لي الحين وش أسوي لو نفرض انه تقدم لي
أقبل أو لا !؟ وكلام الناس وش راح يقلون عني وأنا على قدر
كبير من الجمال (والله هذا مو مدح لنفسي بس هذا الواقع )
وانسحبي من الموقع تصرف صحيح أو لا ؟

شكري وتقديري

أختي الكريمة/ أتفق معاكِ في قرار انسحابك من المنتدى وأرى ضرورة الابتعدا عن كل السبل الموصلة لهذا الشاب الذي طلق مرة ويفكر يطلق مرة ثانية ولا أستبعد أن يطلق للمرة الثالثة والرابعة، وأرى بأنه والله أعلم غير كفأ في التفكير به كزوج مطلق ويفكر أيضاً بالطلاق.أشغلي نفسك بما يعود عليك بالنفع في الدنيا والآخرة واسألي الله الثبات على دينه والزوج الصالح المرضي في دينه وخلقه ودمتم بخير.

أول مشكور عالرد ثاني شيء أنا مابي أظلمه أقول الحق (هو أنسان كل بنت تتمناه أخلاق عاليه أنسان الكل يستغرب من صفاته الحميده )
مشكلته انه أنظلم بختيار الزوجه الأولى والثانيه .. انا ما قول الكلام تحقير بهن بس الفرقات بينه
وبينهن كبيره ,, الأولى ما توقعة انه يطلقه لآني ما عرفه بس الثانيه الى متوقعه 80% انه يطلقه
من يوم خطبه .. بختصار هو ضحيه لأهله وختيارهم له ..

دام إنه ضحية أهله ، فهذا مو كفو زواج ؟

بكرة يبهدل فيك و يرمي كل أغلاطه على أهله

مااتوقع انه لهالدرجه مالو كلمه عشان تقولي انو انغصب بالزواج ومرتينت
كل شي الواحد ينغضب فيه ماعادا الزواج وبالذاااااااات للرجل
افضل شي انك انسحبتي من المنتدى والابتعاد عن كل شي ممكن يوصلك به
عشان لايقول لسا تبغاني ومن هالكلام
الله يوفقك ويسعدك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

وهو وين شخصيته يوم اهله يغصبونه يتزوج مرتين والله لو انه بنت ما قدروا اهله يغصبونه الظاهر والله اعلم ان ضعيف الشخصيه والله يعين الثالثه اللي بيتزوجها

استخيري عزيزتي اول إذا تقدم لك
ماتدري وين السعادة الله حاطه لك
لو تحبيه بــــــــــــــــــــجد لاتتركيه لأهله
تقدري تروحي تسكني بعيد عنهم لا تخسريه
تعيشي مع واحد تحبيه افضل بمليون مـــــــــــرررة
الله يوفقك عزيزتي ويكتب لك اللي فيه الخير

يظهر لي و الله أعلم أن هذا الشاب غير ناضج و لا يزال يتصرف بطريقة مراهقة

بنات الناس مو لعبة كل يوم يتزوج و يطلق

و بالتأكيد لما طلق مرتين و استهون موضوع الطلاق لا مانع لديه من الطلاق مرة أخرى

لا تنسي يا اختي أنك ان تزوجتِ هذا الشاب ستضعين نفسك محل مقارنة مع زوجتين سابقتين و قد لا تكونين الأفضل و لذلك و بكل بساطة قد يطلقك أنتِ أيضاً أو على الاقل يمكن يرجع إحدى زوجاته (ولا أعجب من ذلك على الاطلاق)

و من حاول التواصل مع فتاة أجنبية فترة زواجه لن يتردد بالتواصل مع زوجاته السابقات في حال زواجه من الثالثة


فلا ترمي نفسك في وادٍ عميق قد لا تخرجي منه إلا مجروحة و نادمة

أنتِ بكر و تستحقين البكر

و الطيبات للطيبين


وفقكِ الله لما فيه الخير

__________________
.
.

استودعتك أهلي في سوريا يا من لا تضيع ودائعه

اقتباس:

وإذا اكتشفت انه نفس هذا الشخص إلي أحبه عرفني من لقبي ,, بعده طوالي حطيت بيت شعر أحاول من خلاله إني افهمه إن كل شي أنتها وان كل منا لازم يرضى بنصيبه بس هو ما أستسلم

حركتك مالهاا اي داااعي
اكيد كل شي منتهي بينكم ولا ماكان تزوج
واللي يسمعك يقول كاان ملاحقك الرجااال
يعني انتي كنتي بطريق وهو بطريق وفتحتي على نفسك باب لك وله
بعدين تبي تنسحبي؟ماكان تكلمتي من الاساس اصلا
وبعدين هو رجااال شطوله شعرضه يغصبوه اهله بزواااج اجل بكره يقولوله طلقهاا بثلاث يقوم يطلق
وانتي بنفسك قلتي انهم حااقدين عليك يعني خلاص
ودام انك على قدر كبير جدا من الجمااال اصبري وبيجيك نصيبك
وش حاادك على مطلق مرتين وماعنده شخصيه بالعربي طرطوووور واهله مايحبووك؟؟؟؟؟؟

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

بنهايه هم أهله وش نسوي !!!
مشكوره عالمرور الكريم ..