01-12-2010, 08:30 PM
بس مش عارف انت بحاسبي لكلامك ؟
01-12-2010, 09:19 PM
02-12-2010, 02:32 AM
02-12-2010, 04:05 AM
02-12-2010, 04:15 AM
|
المشاركة الأصلية كتبت بواسطة تعويذة عشق
السلام عليكم .. اعتذر لتأخري بالرد .. كنت مشغولة كثييييير الأيام اللي طافت , بلس النت فصل يومين .. و اسمحوا لي كبداية .. ردي هذا طويل جدا .. و لكن لكي اضعكم في الصورة و من خلال هذي الصورة ألتمس منكم النصح اشكر لكم جميعا كل حرف كتبتوه من أجلي .. سواء كان سلبي او ايجابي .. انا بالفترة اللي ما رديت .. قريت بعض ردودكم عن طريق الجوال .. فكرت فيه كثير .. و قررت اني امنح الشي اللي بننا فرصة .. الاسبوع اللي راح .. كان عيد ميلاده .. قلت يا بنت .. يللا خليكي انثى خخخ المهم سويت له حفلة بسيطة بالبيت .. شريت له هدية .. و طبخت له العشا بالبيت .. و بما انه انسان دايم يرمي دبلته و ما يحب يلبسها اخذتها من غير ما يدري .. المهم حطيت دبلاتنا بعلبة صغيرة .. و بعدين سويت له مثل حركة الخطوبة المصغرة .. لبسنا فيها الدبل من جديد و اكلنا الكيك و شربنا العصير <<< نفس خطوبة جدتي خخخ المهم كانت ذيك الليلة مثالية .. تكلمنا بعدها في الاخطاء اللي سويناها مع بعض من بداية فترة الخطوبة الى ذيك الليلة .. تصارحنا .. و تعاهدنا اننا ما نعيد اللي نصير و نفتح صفحة جديدة .. طبعا كل هالكلام تحت تأثير الشموع <<< ابيكم تعيشون الجو خخخ المهم انه اعتذر عن كلامه القاسي .. و قال أنا آسف و باس ايديني و اعتذر و سامحته و عدت تلك الليلة بسلام .. و بعدها بيومين <<< حالفين ما يكملون للنهاية خخخ جا يقول لي انه من جد اعجب فيني ليلة عيد ميلاده و اني كنت كيوووت و مدري وشو .. و قال اكلك كمان مرررة لذيذ .. و قال وين مخبية كل هالمواهب تقولين ما تعرفين تطبخين .. أنا رديت عليه بابتسامه قال : أنا اقول لأمي ان _ عشق _ ما تعرف تطبخ .. قالت ان امها _ اللي هي أمي أنا _ فااااااشلة ما علمتها .. انا عصببببببببت .. بعد يغلط على أمي , هو و أمه قلت له ليه تقولون كذا على امي .. و بعدين خالتي انا استبعد تقول هذا الكلام عن امي .. انا راح اكلمها __ على فكرة امه مررررة طيبة و انا احبها مررررة بجد و الله انصدمت تقول عن امي كذا والله __ قال : عاااااااادي ما فيها شي الكلمة .. كلمي امي كيفك أنا : عادي !!!!!!!!!!! يعني عادي عندك اقول عليك او على امك فااااشلة ؟؟ قال اي عادي !!!!!!!! قلت : أجل انتو فاشلين خخخخ سكت شوي بعدين قال : انتي متخلفة و غبية قلت .. يللا مين اللي بدا بالغلط , وين العهد اللي تعاهدناه و الصلح اللي قلنا عليه .. قال .. شوفي هذا طبعي و اسلوبي و اذا تبين تعيشين معاي .. تعودي عليه .. قلت : لو سمحت يا فلان .. طبعك هذا أنا ما يناسبني و انا ما ارضى ان احد يقول لي متخلفة و غبية و انت اكثر واحد تعرف اني لا متخلفة و لا غبية .. اذا انت شايف انه طبع طيب و ما تبي تغيره .. لو سمحت لا تستخدمه معاي بس انت حرررر مع اهلك و اصحابك .. عصصصصصب فجأة .. قال : اووووص و لا كلمه .. انقلعي بيت أهلك .. و خلك فيه .. و وقت ما يطيح اللي راسك و تحسين انك تقدرين تتعايشين مع طبعي كلميني ظليت ساكتة طوووووول الطريق لما رجعني بيتنا .. بعد فترة .. اتصلت على امه .. هي بصراحة امه طييييبة كثييير مثل امي .. قلت اسولف معها شوي و اسلم عليها و نشوف شسالفة .. خصوصا انها من زماااااااان دايم تقول لي ما تتصلين علي و لا تسألين علي .. المهم دقيت على امه .. الظاهر كانت مشغولة أو مو حول الجوال ما رفعت .. المهم انا ما رجعت اتصلت .. كنت تعبانة .. و نمت شوي .. الا بعدين اصحى على نغمة جوالي .. آثاري ابو الشباب متصل .. رديت و صوتي كله نعاس كان يجيني صوته يصااااااارخ و يهدد و زبابيده وصلت لعندي من الصراخ خخخخ يقول ليييييييه داقه على امي ؟؟ بتقولين لها ع السالفة نفسها ؟؟ انتي وحدة تافهة و ما ابغاك تفتحين مواضيع تافهة مع امي .. ترا و الله تشوفين شي ما يرضيك و مدري وشو .. كنت نايمة بس من الروعة جلست المهم خلص الكلام اللي عنده و سكر بوجهي و انا ما قلت و لا كلمة .. من وقتها اتصل علي مرة و ما رديت عليه .. امه اتصلت علي مرتين و ما رديت عليها .. صار له هالوضع يومين .. .................................................. .. بغض النظر عن اللي جالس يصير .. أنا مو قادرة اتحمل اهانات منه اكثر .. وش اللي يخليني اسكت له ؟ انا انسانة احظى باحترام كبير بين أهلي و بمجال شغلي .. يجي هو يهيني بكلامه .. سلامات .. والله اني اكرهه .. اكرهه طبعا ما اتوقع ابدا أنه يتصل فيني أو يحاول يكلمني أو يشوفني أو يعتذر .. لأنه طبعه اسم الله عليه دايم هو الصح .. صرت أكرهه من اهاناته لي و عدم احترامه .. اتذكر لما كنا بالمدرسة كنا نكره المعلمات اللي يتلفظن علينا بألفاظ قذرة .. لأننا ببساطة ما نقدر نرد عليهم .. و بالتالي ما يبرد قلبنا .. نفس الشي معاه .. اكره لأن قلبي ما برد لأني ما أرد عليه و لا اقدر ارد عليه .. مو بايعة عمري عشان ارد عليه .. من النقطة هذي .. ابغى شوركم و نصيحتكم ؟؟ ارجوكم لا تبخلون على اختكم .. أنا اثق فيكم ثقة كبيرة .. أخاف من الانفصال الثاني .. لاني منفصلة من قبل و اخاف نظرة الناس و أخاف من عواقب تعامله معي .. اذا بالخطوبة اللي كل الناس يخشون على اعمارهم و ذا الحمد لله و الشكر لاعن خيري .. وش بيسوي بعد الزواج .. خايفة كمان .. لاننا لما نختلف دايم يقول لي .. عشق انا أخاف اننا ما نقدر نكمل مع بعض .. و لا يقول لي انتي ما بتعيشين معاي .. و من هالقبيل .. ارجوكم ابغى نصيحتكم .. لأخت تثق فيكم بالانتظار |
02-12-2010, 11:10 AM
|
المشاركة الأصلية كتبت بواسطة تعويذة عشق
اشكركم جكيعا لتواجدكم .. بالرغم اني الى الآن ما خرجت بحل ..!
لكن وجودكم ينور موضوعي و يفتح مخيخي لأمور قد أكون عنها جاهلة ليه اعتذر منه بالله .. و ما سبيت امه الا لأنه هو اللي بدا بكلمة مو كويسة عن أمي .. انا احترم رأيك .. بس ما يعجبني كلام اللي الرجال طفل و كائن متخلف عقليا امشي معاه بالسياسة يمشي معاك بالحلاوة .. ليه يعني ما اعيش حياتي .. و هو يعيش حياته و نعيش مع بعض بما يرضي الله .. ليش الرجال عقله صغير و عقله في لسانه و لا يده .. و تعالي يا عبدة جده تحمليه و رزالته  يعني لازم اسكت على الاهانات و البهدلة .. عشان اصير في نظره انثى و ناعمة و مغلوب على امرها يا اخي ألزم ما على الواحد كرامته .. وش اسوي فيه يحبني بس ماسح فيني و في اهلي البلاط خله يغوووور في ستين داهية هو و الرجال اللي مثله <<< وحدة حقدت من جد |
02-12-2010, 09:08 PM
|
المشاركة الأصلية كتبت بواسطة صقر الشرقية
اختي الكريمة ,,
و مين قال لك عامليه كطفل او متخلف عقلي , اسمحي لي , بس استنتاجاتك حادة تعكس حدية في شخصيتك ! لا اطلب منك ان تعامليه كطفل , بل الا تكوني طفلة معاه , فمع احترامي الشديد تعاملك و ردات فعلك تطغى عليها الطفولية , ينتقد امي اسب امه , ادق على امه اسألها الكلام اللي قاله صح او لا !! تدق على امه ما ارد عليها !! هذي كلها حركات طفولية لا تصدر من امرأة ناضجة توزن كلامها و تحسب كل تحركاتها ,,, ثانياً عمر الدبلوماسية و اللباقة في الكلام و ردات الفعل ما كانت عبودية , و اذا هذي نظرتك فستتعبين كثيراً اختي الكريمة في حياتك الشخصية و العملية ,, و لم اقل لكي اسكتي على الاهانات , بل ضعي له حد لكن بالطريقة الصحيحة لا بسبه و سب امه !! هنالك مئة طريقة و طريقة لتردي عليه و لعل الاخوات يفيدونك في هذا الجانب ,, لكن لا تغلطين لانك اذا غلطتي تساويتي معه , اما اذا عرفتي كيف تتعاملين مع الموقف راح تكوني في موقع قوة و ستجبرينه ان يعتذر ! اعتقد ان جملتك الاخيرة تكشف الكثير: ((خله يغوووور في ستين داهية هو و الرجال اللي مثله)) !!! حاولي تغيري من اسلوبك و طريقة تعاملك , اتركي الندية و الخشونة في التعامل , حسسي زوجك انك ((انثى)) بكل ما تعنيه الكلمة ,, ايضاً من المهم ان تحسسيه بشيء من الاحترام و الاهتمام ,, فاكثر ما اخشاه ان يكون زوجك يحس بانك تنظرين له نظرة دونية فيعاملك بطريقة خشنة ليكسر عينك و يجعلكي تحترمينه !! |
02-12-2010, 09:12 PM
02-12-2010, 10:30 PM
03-12-2010, 01:09 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
