صباحكم ورد ,,
موضوع محيرني جدا وحده من صديقاتي مطلقه من فتره طويله وتنخطب كثير ماشالله لكن ما يصير نصيب
مره من المرات انخطبت عن طريق صديقه لها في مجال عملها قالت لها الرجال قبل ما يتقدم رسمي لازم تكون بينكم مكالمه تتعرفون على بعض وتتفقون لأنو انتي مطلقه ومريتي بتجربه وتعرفين .. وسألت خالتها وقالت لها صح كلام البنت خذي رقمه وكلميه المهم صديقتي كلمته وتقول ارتحت له وطيب ومش عارفه ايه وبعد كذا زادت المكالمات لكن بالاخر بعد اسبوعين مكالمات قالت ماا ابيه ما ارتحت وبطلت تكلمه وخلاص انتهت السالفه ..
الكلام هذا قبل سنتين ,, حاليا تقدم لها واحد وجاء لبيتهم وشافها الشوفه الشرعيه وبعد الشوفه الحرمه اللي تعرفه هو من جماعتها يصير كلمت خالتها قالت خذي رقم الرجال وخليها تتصل عليه يبي يكلمها .. هي قالت لي كذا وانا قمطت العافيه يعني هو شافها واعجبته وشوله يطلب مكالمه صراحه ماهي حركات رجال المهم قلت لها انتبهي تكلمينه قالت ياحبيبتي خلاص كلمته عشر دقايق بس اتفقنا على كل شي واهلي خذو رقمه بيسألون عنه الحين .. بصراحه غريب معقوله الشي هذا عادي صديقتي عجزت فيني تقول عادي والمطلقه يحق لها تكلم بس ما تطول يعني في حدود الاحترام بس عشان يعرف كل واحد وش تفكير الثاني لأنها عندها خبره وما تبي تتعب في حياتها مره ثانيه لازم تتفق على كل شي .. سألتها ااخوانك عندهم علم بالمكالمه قالت لا ولا الوالد .. طيب كيف ررغم انهم بدو وقبايل مثلنا يعني معقوله احنا متخلفين ومتشددين وهم فري يعني ولا هذا عادي في الشرع ..؟
اللي يعرف بالله يعلمني ويفهمني لأني بصراحه مو مقتنعه بالشي ذا وأحس اللي تسوي شي قبل عقد الزواج ومن غير معرفه الأخ أو الوالد ( غلطاانه) ..

غلطانه اكيد كيف تكلمه قبل العقد

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

بارك الله فيكِ أختي الكريمة على الانكار والسؤال
وبارك فيكَ أخي صقر الشرقية والفتوى تشمل المرأة البكر والمطلقة
والموضوع أختي الكريمة وافق ما في نفسك ولله الحمد من إنكار هذا الشي وكلما احترمت المرأة نفسها احترمها الخاطب ومن تبرز للرجال بالمكالمات وغيرها وتتفق معه على اشياء من اختصاصهم ولا تجعل لأهلها مكانه عند الخاطب فسيتركها لأنها قد تفعل ذلك مع غيره وهي بذمته وما جعل الله الولي إلا لصيانة الفتاة حتى من نفسها وفرق المطلقة في هذا هو الاسئمار والبكر الاستئذان لا أكثر.
وبالنسبة للمجتمع القبلي وغيره فمن الجهل وقعت ضوابطه في النفس أكبر من موقع الدين عند البعض.
أسأل الله أن يفقهك والجميع بالدين.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

انا أرى انه لا بأس بالمكالمة قبل العقد بشرط ان يكون الكلام رسمي


نفس هذا الرأي

__________________

إذا كان الغرض من المحادثه للتفاهم على أمور معينه وبشرط ( معرفة ولي الأمر ) ما أظن فيها إشكال لأن ولي أمرها على معرفه ودرايه ،، ويكون الكلام بحدود ولا يتم التطرق لأمور خاصه قد تجر إلى أفعال محرمه .

__________________