أخواني اخواتي اقسم بالله زادت الثقه بنفسي اكثر وشفت ردودكم وارائكم وبصراحه اشكركم من كل قلبي وبالاخص البليغ لانه بليغ فعلا ‘ وادعوا الله ان يهدي سر كل متزوج ومتزوجه للصواب والله يوفقكم إن شاء لله .
عموما انا من البدايه ملاحظ انها كثيرة الاتصالات باهلها وكنت ابلغ ابوها وامها انها لازم تخفف من المكالمات وتنتبه لزوجها وبيتها يقولوا انته تحرمها من اهلها يعني اهلها متسلطيين ممكن هي تعطيهم مقابل من راتبها لذلك .
كيف اتعامل معاها اذا رجعت ؟ لانها قالت اشياء لامها وابوها فعلا زي ماقلت يالبليغ ماعمرها حصلت ؟ خصوصا اني مااقدر انسى اللي سوته ؟ كيف اقدر انسى ؟ كيف اكسب زوجتي في صفي وهل الوقت عامل مساعد ام لابد من التصرف ببعض التصرفات التي تجعلها تعرف ان بيت زوجها امن مكان لها ؟ الحب من الله لا اعلم ان كان لا يوجد مشاعر اتجاهي ؟
ارجوا النصيحه

أخي الكريم/
كما قال لك الأخوان والأخوات سابقاً في معرض ردودهم.
في حالة عودتها:
اجلس مع زوجتك جلسة هادئة حالمة+امدحها حتى تخجلها من نفسها+أخبر زوجتك بكل ما تريده منها مع لهجة حازمة. مثل: احترام الزوج، حسن التبعل، حفظ أسرار البيت والحياة الزوجية...وغيره مما تريده أنت.
بعدها تابع تغير زوجتك معك لمدة شهرين من ناحية التزامها بشروطك أم لا. ثم انظر في أمرك.
بإمكنانك أن تسألها مثلاً عن رغبتها بك، أو رغبتها بإكمال الحياة معك أم لا؟.
وبعدها لكل حادث حديث.

مهر 50 الف
وهدايا واطقم ذهب وعربيه
ويبون 4000ريال زياده عشان الناس..اش الافتراء هذا

سبحان الله ويش الي حادك عليهم..وانت عارف ان.فيه بنات ينحطون على الجرح وجمال واخلاق..ومهر25 الف ريال فقط.وطقمين ذهب لها ولامها وبس..لاعربيه ولايحزنزن..حتى حفلة الملكه في البيت وعائليه..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ما ادري بس حسيت من اسلوبك انك عصبييييييييي واتوقع انك انت اللي تستفزها
وبصراحة استغرب لما احد يقول >>>>زوجتي تكلم اهلها كثير يا اخي خليها تكلم اهلها ايش مزعلك بعدين هي موضفة يعني اعتقد انها بتدفع لنفسها فاتورة التلفون
بصراحة حسيت انك من النوع اللي ما عنده صبر ويبغى كل شي يمشي على كيفه من دون مايراعي ظروف الاخرين
تبغى الدخلة في يومها وكمان ما كملت سنة لسا وتبغاها تحمل بدون ما تعرف ايش رايها وتبغاها ما تكلم اهلها كثير و حتى لما تزعل ما تروح بيت اهلها وتمنعها انها تجيب شغالة اختها>>>ما تشوف انك قاسي شوية
ولو تلاحظ انو زوجتك ماهي عنيدة ولا وقحة ولاهي من النوع اللي تكسر كلمتك لكن عيبها يمكن انها زعوووووولة وما ترضى بسهولة
وبالنسبة للطلاق لا تفكر فيه لانه الموضوع ما يستاهل ولا تهدد حتى خليك انت العاقل ولا تنسى >>المرأة العاقل كالابل الشاردة في الصحراء>> اذا كان هي ماعندها حسن تصرف انت كون احسن منها وعلمها ومع الايام رح تفهمك وتعقل كمان
وفي الاخير اتمنى انه ردي ما يزعلك

مساء الخير
شكرا بش بش الحرمه في بداية زواجها لابد ان تحاول تكسب الزوج وتكسب رضاه انا سامح لها تتكلم ما منعتها بس امها واخواتها يشيشونها علي ومن قالك النوع هذا يسمع الكلام ويطيع بالعكس هذي مداره من الخارج في كل صغيره وكبيره حتى الاشياء الخاصه لقيت ابوها عنده خبر فيها وعاتبني حسيت انه الزواج مشكله اذا الزوجه لم تحفظ اسرار بيت زوجها وتخرج بدون اذنه لا ولا ولن اقبل بذلك وشكرا على رايك يابش بش وبالعكس ماراح ازعل . وانا هنا لسمع اراء الكل .
انا رحت اليوم الاربعاء لابوها وقال لا ماراح اجبرها على شي ماتبغى رح اللحين وتعال بعديين ورحت اليوم السبت وكمان رفضوا وحاطيين الموضوع براسها انه مانبي نجبرها وجت وجلست معانا وكان واضح عليها من اسلوبها ورفع صوتها عليه قدام امها وابوها وقالت اني قليل ادب وخرجت وحاولت ترجع ابي اتصالح ابي انهي المشاكل ابي ارضيها مره رافضه وابوها في الاخير يقول بعديين رح اللحين .؟
انا قررت اتزوج واخليها براحتها متى ماتبي ترجع بيتها موجود موووو كذا صح ياجماعه.

اخي الكريم ...
اسمح لي بصراحتي معك .. هناك امور انت لم تقصر فيها ورايتك بيضاء .. ودفعت بقدر استطاعتك .. ولكن تقبل الحق انك ارتكبت معها اخطاء كبيره كيف في بدايه الزواج تغصبها على الدخله ؟ ... يبدو انك اردت الطريق الأسرع و لكنه كان الأعنف ! وهي فتاه حديثه الزواج وطاهره عفيفه وزاد على ذلك الخوف الزائد من الأمر .. فكان ذلك تفسير طول المده الى شهر او اكثر .. ولكنك كنت عنيف معها ... هداك الله
والطامه الكبرى انك مديت ايديك عليها ... شوي والا كثير او حتى لو كان تهديد لفظي منك فقط .. على طوووول ستفقد الأمان معك .. و تحط عليك اكس بالأحمر من البداية ..و ستقول (اللي هذا أوله ينعاف تاليه )؟! .. خصوصاً اول الزواج فتره تستغلها بذكائك ان تجعلها تحبك دون ان تهضم او تتنازل حقوقك وان تنازلت عن بعض الأمور الصغيره في البدايه وانت مشكورا فعلت ذلك لكن " خربت" الأمر بمد يدك عليها ..
اخي الكريم انت طيب ولكنك تنفعل قليلاً .. احلم و خذ الأمور برويه ..

اولا يجب ان تدرك غلطتك .واعذرها لصراخها عليك في بيت اهلها .. من شده المها النفسي بأن ما كانت تعتقد ان زوجها وحبيبها و شريك حياتها .. كان شرساً معها في دخلته وايضاً مد يده عليها .. و كأنك رسمت شخصيتك أمامها بأنك الرجل العنيف اللذي لايمكن العيش معه .. فأصبحت تطلب الطلاق خشية أن تتعرض منك لما يضرها مستقبلاً ..هذا هو تفكيرها الان .. يفترض انك امتصيت غضبها وقلت لها .. فعلاً انا اخطأت بأني مديت يدي عليك وانا اسف وماعاش من يمد يده عليك .. هذا الشيطان و وعد مني ما امد يدي عليك .. وخلك على وعدك .. لازم تصلح اللي كسرته ..

ولا تتهور تطلب منهم .. ان يأخذوا اغراضها .. لا تتعجل هداك الله ..ولا تأخذك العزه بالأثم ..

لو كانت تريد الطلاق .. لأخذت اغراضها هي بنفسها عندما قررت ان تذهب لأهلها ...

انت الأن ارسل لها رساله بالأيميل اذا تعرف ايميلها افضل وارسل لها رساله بجوالها تفتح ايميلها واكتب لها رساله ...
خلك ذكي واكسب اهلها في صفك بعقلانيه رسالتك لها لأنها ستقول لهم ما ارسلت لها .. وهذا شيء طبيعي لأن في بدايه الحياه اهلها هم اهل مشورتها .. بعد ذلك اذا احبتك ووثقت بك .. ستكون انت مستشارها .. تقبل ان تخبر اهلها عن المشاكل في بدايه حياتكم الزوجيه (عاااادي كل الناس كذا )
اكتب في رسالتك انك فعلاً اخطأت في حقها ( الأعتراف بالحق فضيله ) و تأسف منها .. (عاادي لا تكابرهذه زوجتك ليست صديقك في العمل او رجل اخر بل امراه تكسر بسهوله ..رفقاً بها ) .. انك مستعد للتفاهم و اصلاح الخطأ
بترد عليك برساله لهجتها " ناريه " وبتهاوشك !! عااااادي خلها تطلع اللي بخاطرها ..(استعمل معها سياسه التفريغ )

الأهل في البدايه لا يريدون الطلاق الا اذا اصرت ابنتهم لن يجبروها .. خشيه ان تلومهم بأنهم اجبروها وعادت مطلقة بطفلين وثلاثه ولو كانت بدون لكان افضل .. لذلك دع كلامك لها اذا سمعوه منها فيرود عليها ويقولون هو خلاص ما قصر .. واعتذر و عرف غلطته ..الخ .. وتكبر انت في عينهم ..

طريق المحاكم و تتزوج عليها و العنف و....الخ يفيد مع الخصوم و الأعداء أحيانا لكن مع زوجتك ابداً .. اذا دخل العنف من باب فأعلم ان الطلاق سيقع عاجلا ام اجلاً ومع جميع النساء هذه القاعده ... (رفقاً بالقوارير ) ..

فكن انت الأعقل و الأكثر حكمة ...

واذا لم تستطيع ان ترسل لها رساله على ايميلها فاتصل بها .. ولكن حتى لا تنفعل وتنفعل هي .. افضل نقل حلبه النقاش على الأيميل او المسجات اهدأ و اكثر رويه اذا فكرتم وكتبتم .. لأن انفعال الصوت يجر الى كلام لا انت تقصده ولا هي تقصده ..
(جربوها كثيير ونجحت معهم خصوصا في المواقف اللتي تحتاج الى ضبط اعصاب جعلوا الرسائل معيناً على كبح غضب السنتهم لا قدر الله والشيطان شاطر يريد ان يفرق بين المرء و زوجه )

وفقك الله واصلح لك شأنك انت و زوجتك ..

اشوفك ماحليتي الموضوع ومشتغله خطاابه ومسويه تخفيضااات

حاسبي على كلامك واتقي الله
انتي وش دخلك يدفع 50 ولا 60
انتي ليش محروووقه؟؟؟
صاحب الموضوع خلك مع البليغ واترك مثل هالردود اللي واضح مافي قلوبهم

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

انا مادري ولا بشاطره بوضع الحلول بس سبحان الله بعض الردود تستفز وتخلي اللي ماوده يكتب يكتب...بعض الردود تحس اللي كاتبها شيطان رجيم...جالس يتوهم اشياء شيطانيه ويحرض الزوج على زوجته

معليش فيه بعض الرجال يتزوج ويحط بتفكيره ان هالانسانه عبده عنده وليست زوجته ويحاول يحرمها من حياتها بحجه انها خلاص اتزوجت وصارت مسؤله عن بيت وزوج ....انت اخوي داخل الحياه الزوجيه وحاط براسك انك لازم تتسلط عليها وتربيها وتاخذ راتبها ووتحرمها من اهلها وحتى لو ماكانت تكلمهم كثير او تتواصل معاهم انت لو بس تشوفها فقط مره وحده بالاسبوع تكلمهم انها خلالالالالاص قاعده تنشر اسرارك بيتك وان اهلها جالسين يعبون راسها....ايش هالمنطق عندكم يابعض الرجال؟؟؟بنات الناس موعبدات خلاص يحق لك تهينها وتضربها وتسوي الي تبغى فيها واذا مامشت على كيفك بالقوة تمشي خلاص ماعجبتك طلقها وطالب بحقوقك...وروح جرب نفس الاسلوب مع وحده ثانيه وعطنا اخبارك

باين عليك عصبي وعشرتك صعبه وداخل الزواج على حرب....كثيره الاتصال باهلها؟؟؟خير ان شاءالله تبغى تحرم البنت من اهلها؟؟؟ترضى اهي تحرمك من اهلك؟؟؟ولا بعد تبغى تكسب البنت بصفك وتحس بالامان معاك اذاهذا تفكيرك راح تتعب كثير بحياتك سواء مع هذي اوغيرها

وليه تزعل من ان ابوها واقف معاها؟؟؟اكيد لو ماشاف انك اخطيت بحق بنته ماوقف معاها مو معقوله في اب يتمنى او يحاول يهدم بيت بنته الا اذا شاف ان زوج بنته مافيه خير ولا يحترم الامانه اللي عنده ولايخاف الله فيه

اتقو الله في النساء ولا تغترون بقوتكم وبسلطتكم

رويدك يا اخي الموضوع ما يستاهل زواج ثاني او حتى الطلاق
بس محتاج شوية صبر منك
زوجتك عندها سلوكيات خاطئة في مقوله مشهورة تقول الخيل من خيالها والبنت من رجالها ويا اخي طبيعي اول سنة تصير مشاكل وهي السنة اللي تبنون فيها قواعد حياتكم الاساسية لاتظلم زوجتك عطها فرصة وانصحك تاجل موضوع الحمل شوي الى ماتستقر حياتكم شوي
من رايي اتبع كلام الاخ البليغ وطبقه بحذافيره اتركهم شهر وشوف النتايج لاتستعجل و تتزوج يمكن تجيك وحده افضع من زوجتك وتكون بوحده تصير بثنين و زوجتك توها ماتعودة على المسؤليه و مو فاهمة ايش الحياة الزوجيه غالبا اول سنة من الزواج تكون الزوجة احلامها و رديه تبغى الخرجة و المطاعم و الرومنسية والسفر ماتبي مسؤلية وتنظيف وطبيخ وحمل تفكير البنات كذا وانت لازم تحاول تغير تفكيرها وتشكل زوجتك بالطريقة اللي تبيها بس باسلوب لطيف رومنسي انتم دوبكم متزوجين باين حتتى ماتعودتو على الرومنسية اصبر عليها وادعي الله كثير

السلام عليكم ورحمه الله

الله يهدي سركم أنامع النصح بعدم الطلاق حرام توكم متزوجين بعدين بصراحه كلكم غلطانين يآخي وشفيك إنت تضربهاولاتبيهاتزعل تبيهاتضحك وتفرح لاصعبه خصوصابأول سنه في مقوله وعاده معروفه إذاضربك الزوج بدايه الزواج وعديتيهاوسكتي أعرفي راح يكرر هالشي أناأشوف إنك تصبرع زوجتك وتتركهافتره عندأهلها صح هي غلطانه بآخبارهالإهلهابكل شي بس إنت بحلمك مش هالشي أناأشوف إن المعلمه هي أكثرمن يتأثرمن الزوجات خصوصابوسط محيطه تخيل هي عروس تداوم مضروبه بينمابنفس الوقت تشوف معلمات عرايس مثله طول ماهن جالسات مكالمات ورسايل لاوبعد يتفاخرن بأزواجهن وكيف معاملتهم لهن هي جالسه بينهن تقارن نفسه معهن هي مشاكل وضرب وليش ماحملتي وشك
ياخي أصبر وغيرمن نفسك مو معقوله بتمنعهامن محادثه أهلها ياأخي بعدين ماشوف فيهاشي لوجابت خدامه أخته تساعده ع الرغم إني ماؤيدالخدامه بدايه الحياه الزوجيه بس
يمكن زوجتك عنده ضروف أوأشغال خصوصاإنه معلمه عنده غسل وكي وتنظيف وتحضيردروس أوتعبانه من حيض مافيهاشي لوساعدتهاخدامه أخته يمكن هي بتتفرغ لك وتجلس معك وأنت أعوذ بالله طرت بالبنت هد الأمور الله يجمع بينكم بخير ويرزقكم ذريه صااااالحه