الملاك يونا...
كلامك الأخير صحيح بس مو السبب الحين أكمل الكلام
بس أول كلامك مو صحيح جسمه رياضي ..
لكن لو كان سمين وقصير وحالته حالة مستحيل انسانة تفهم ترفع عينها بغيره
الجمال والوسامة واعتدال الشكل مو كل شي يا أختي...

الرجل - الله يسلمك - ما كمل السنة من الزواج...

يقول : لا حظت إن عينها في الرجال طويلة ...

بس كنت اتعود بالله من الشيطان ، وأقول يمكن ما تقصد / يمكن مسرحها بحاجة ثانية / يمكن ويمكن ووو

يقول: بس من كثرت المواقف حبيت أتأكد...

يقول يعني قلت ما بأظلمها خلني أتأكد...

أكمل القصة عشان تتضح الصورة أكثر / خاصة للاخ هشام

المهم يقول سحبتها بيدها بقوة وطلعنا من القيم...
قلت لها: انتي ما تستحي؟!
أنا من سنة وأنا عايش معك في جحيم من هالعادة !!
الحين إنتي لك معي سنة اسألك بالله شفتيني في يوم اناظر في امرأة ؟؟
قالت: لا والله!

قال: لو كنت أطالع في النساء ايش يكون موقفك؟؟
ما تحسي نقص في أنوثتك؟
ما تحسي بقهر ؟

المهم غسلها وما ترك شي في قلبه...

يقول ولا مرت 48 ساعة وحنا في الطائرة
وتجلس تطالع في المضيف!!

المهم الزوج هدا ولد أخوي..
والزوجة بنت اختي..

الزوج في مركز اجتماعي مرموق - وشكله كشخة - متدين - متحضر..

مسكت البنت عشان اتفاهم معها
وهي متعودة علي وع الجلوس معي والسوالف...
بديت من بعيد ....
سألتها كيف تعامله معك؟
والله تعجبت من كلامها!!
قالت: يحترمني ويقدرني ورومانسي لأبعد حدود
دايم غزل ومدح فعلا حسسني بأنوثتي!

قلت طيب هو مقصر معك في حاجة؟
قالت أبدا والله كريم وطيب وحنون لدرجة كبيرة..
قلت : طيب كيف له علاقات تشكي فيها؟
قالت: لا والله عمري ما شكيت فيه تراه متدين
قلت: طيب يبصبص في الحريم؟
قالت: لا عمري ما شفته يطالع في حرمة، بالعكس يكره الرجال اللي يطالعون في الحريم!
صرااااحة متحضر ما عنده فضوووول أبدا...

قلت يا بنتي طيب ايش حكايتك انتي؟
الرجال يشكي منك ومن عادة فيكي اتعبته..
وفتحت الموضوع معها وقلت أنا زي والدك وهو زي ولدي
لازم نحل الموضوع بهدوء وبعيد عن المشاكل
انحرجت وبعدين أنكرت وبعدين زعلت وقالت اسمح لي وطلعت من المجلس ولا عاد ترد ع اتصالاتي
وهو مزعجني! ايش سويت يا خال!!؟

ههههههههههههه


تعجبني البراءة اللي فيكم

أغلب النساء لما تطالع في رجل تكون معجبه إما بجسمه او وسامته وتتمنى لو تنفرد به

والرجل كذلك..ما فيه رجل يطالع وحده جسمها مو حلو..دائما الرجل يضع عينه على المرأة اللي لابسه عباية ضيقه..او فاتحه اللثمه او من نظراتها يعرف انها جايه تبغى رجل..


كثير تحصل في السوق مثل هالحركات

!!!!

__________________
[I

بصراحه .. شكلها من النوع اللي تحب تطالع وتستكشف .. فيه بنات لما تشوف واحد وسيم تتجنن عليه لدرجه تنفضح
يعني انا اعرف بنات محترمات بس مراهقات وتوهم صغيرات تلقاهم يتجننون عالوسيم ويجلسون يمدحون فيه وكل شوي يناظرون فيه ..

يمكن هي ضامنته انه متدين عشان كذا ماراح يطالع غيرها .. ومتأكده انها ماليه عينه عن الحريم عشان كذا ماخذه راحتها
بصراحه فيه حل .. بس يمكن انه غلط ..
يعني هالحل بيخليها تغار عليه وبدال ماتطالع غيره تنشغل فيه ..
مثلاً :
اذا راحو مكان وشافها تطالع غيره وتطول بالنظر .. لايقول لها شي ولا يزعل عليها ..
يمثل انه يطالع غيرها لحد ماتنتبه له هي ..
الرجال ادرى بهالحركات .. وشطار برفع الاعصاب .. هو قادر يسوي هالشي بس بغرض انها تلتفت له وتغار عليه
يعني مثل ماحنا نسوي للرجال كذا عشان ينتبهون لنا .. الرجال يقدرون يسوون نفس الحركه للبنت
البنت واااااااثقه ان زوجها دايخ فيها ومستحيل يناظر غيرها عشان كذا ماخذه جوها
بس لو سوى هالحركه .. لايعترف لها انه مسويها عشان تغار عليه.. يخليها تتعذب بالغيره لما تتوب من حركتها
بعدين بامكانه يعترف لها ..
واتمنى ماحد من الاعضاء يلومني بس هذا الحل اللي فعلاً رح ينفع رغم انه قوي ..
ويمكن انه يمثل انه يناظر غيرها مو شرط يناظر فعلاً ... حتى ماتقولون اني احده على اطلاق البصر بالحرام

عينها فارغة هذا تفسيري

__________________

لا اله الا انت سبحانك اني كنت من الظالمين

الله يزيدنا براءة وحسن نية يا باشا...

سوء الظن والدخول في النيات مرض مو شطارة ...

بعدين ايش تنفرد فيه؟؟

يا أخي هالكلام ما ينطبق ع كثير من الرجال اللي عيونهم زايغة
لا يفكر بمنطقك
صح عنده فضول
وحب فضول
بس ما توصل لدرجة تمني الحرااااام
كيف أجل بامرأة ومتزوجة؟

اعدرني بس العقلية اللي تحملها عن هدا الصنف مدمرة

الأخت ملاك
ما تحسين فيه تناقض بين ردك الأول والثاني؟؟

إدا أغلب الحريم اللي يناظرون في الرجال تكون عملية انتقامية من الرجل
كيف يقوم يناظر في غيرها عشان تبطل البصبصة الفارغة؟؟

لا مافي تناقض..
اذا الزوجه تحب زوجها ماراح تناظر غيره .. بس لو طالع غيرها .. بتطالع غيره كـ تمثيل ,,عشان تثير غيرته
بس البنت من اساس تطالع الرجال .. يعني ماهمها زوجها ولا تغار عليه ..
خله يجرب معها هالحركه .. ويتوقف عن لومها .. ويولع غيرتها .. ( هي بكل الاحوال راح تناظر) بس
لو شافته فعلاً مو معبرها ويطالع بغيرها بتولع غيرتها وبتنشغل فيه ... وبامكانك تقرأ بمنتديات نسائيه مثل عالم حواء
تشوف كيف الحريم يفكرون وكيف ينتقمون من الرجل البصباص والعكس ..

ياعزيزي.. مدري يا اختي

أنا ما جيت اتهم المرأة اللي بالموضوع انها مثلا كذا او كذا

بس أقصد أن الغالب :
نظر المرأة إلى الرجل .. أو نظر الرجل إلى المرأة
وخاصة إذا كان أكثر من المعتاد ولفترة طويلة

من أسباب الوقوع في الفتن

ولذلك العلماء جعلوا النظر من أسباب الوقوع في الزنا وحذروا منه

لان البداية نظره..وبعدين ابتسامه او كلمه وبعدين موعد وبعدين يحصل اللقاء المباشر


نعم هناك من يتمنى الحرام..لأن من المعروف أن القلب يهوى ويتمنى
لكن هذا التمني لا يقع به الاثم إلا اذا تحقق ما تمناه الإنسان إن كان أمر محرم


قال رسول صلى الله الله عليه وسلم ( ان الله كتب على ابن آدم حظه من الزنا أدرك ذلك لامحالة ، فالعين تزني وزناها النظر واللسان يزني وزناه النطق والِرجلُ تزني وزناها الخطا، واليد تزني وزناها البطش والقلب يهوي ويتمنى، والفرج يصدق ذلك أو يكذبه) متفق عليه

لاحظوا..اللون الأحمر..


قال ابن القيم: فبدأ بزني العين لأنه أصل زنى اليد والرجل والقلب والفرج، ونبّه بزنى اللسان بالكلام علي زنى الفم بالقبل، وجعل الفرج مصدقاً لذلك ان حقق الفعل..مكذباً له ان لم يحققه، وهذا الحديث من أبين الأشياء على العين تعصي بالنظر وإن ذلك زناها ففيه رد على ما أباح النظر مطلقاً .أهـ

=========
=========

وبعدين بعضكم يقول .. بعضهم ينظر لأن عنده فضول.. فضول في ايش ؟

يعني هل نسمي نظر الرجل للمرأة..والتدقيق في ملامح جسدها أنه فضول؟!!
وهل نسمي نظر المرأة لطول الرجل ووسامته فضول؟؟!!

أي فضول هذا ؟!!!

وبعدين خلونا نكون واقعيين

لو كان الواحد منا في مكان عام

وجاء واحد ويطالع في زوجتك أو أختك أو بنتك... هل تبرر نظره أنه فضول !؟

أو تظن انه جاي يطالع فيها لنية فاسدة

وأنتي يا أختي..الكلام للجميع..لو كان فيه فتاة تطالع في زوجك وتطيل النظر فيه.. بتبررين نظرها أنه فضول .. أو راح تخافين أنها تلفت أنتباه زوجك وربما يفكر فيها حتى لو رجعتوا للبيت !

وبعدين الرجل يحترم المرأة المتستره والمحتشمه ولا يطالع فيها

لكن لو شاف واحده عبايتها تبين ملامح جسدها..او ترمي ضحكاتها ونظراتها يمنه ويسره..وقعت في قلبه ويتمناها

الحين روحوا للسوق ..مع أننا في شهر رمضان..وشوفوا كيف بعض البنات وحتى المتزوجات..

كنت قبل فترة في مجمع معروف... أتوقع نسبة من جاءت لتشتري 30 % والباقيات.. مجرد ضحك وكل وحده تدف صديقتها عشان تزاحم على بعض الرجال

لا يجي واحد ومطفي النور يقول أنت تتهمنا

أنا أتكلم عن الأغلبية

وفيه بنات..ماشاء الله.. تمشي في حالها وكاسبة احترام الجميع وقبل كل شي رضا الله سبحانه..لا تطالع لا هنا ولا هنا...

__________________
[I

رحم الله من قال هذه الأبيات :

كل الحوادث مبدأها من النظر ++ ومعظم النار من مستصغر الشرر

__________________
[I

<<<< الله يعطيك العافية

وما قصدت بكلامي سوا التعليق ع كلامك