الله ييسر الله فيه خير لي ولأطفالي ...يعطيك العافيه

مرحباااا


الان اهلي يحاولون يقنوعوني اني ارجع بعد الولادة ولكن بشروط وكل هذا من اجل الاطفال

حاطين امامي هذي المعادلة
اذا اتطلقت واتزوجت راح يروحون الاطفال لابيهم وممكن اني ماتزوج الا معدد او كبير سن بحكم وضع المطلقة وبكذا خسرت الاطفال والزوج واهديته لزوجته اللي ماخذها

براءيي ان المعادله صحيحه باستثنا الزوج لاني خسرانه الغير معدد يعني زوجي معدد الان ومايهمني وكارهه العيشه معاه ولو تزوجت غيره بشتري راحتي لكن اكيد بينشغل بالي ع اطفالي

انا اقول عندي خيارين ارجع او اعيش عازبة

ورجوعي لزوج مايحبني وصعب التعامل معاه وقاسي هذا بيتعبني نفسيا

او اعيش عازبه هذا برضو صعب لاني راح اكون عاله انا واطفالي على اهلي واخواني واتشتت بين اخواني وزوجاتهم بالمستقبل


ودائما افكر في مخرج
فقلت للوالده تاخذ حضانة اطفالي ورفضت لسببين الاول انها مريضه ولا تقدر على متابعة الاطفال حتى بوجود الخادمه
السبب الثاني هو انها لاتريد ان تدخل في خلافات وشجارات مع زوجي واهله وتخشى على اخواني منهم


ايش الحل
زوجي ما اقدر اعيش معاه يعني صعبه انا خلاص عفته كرهته
ولو قلنا ارجع ايش اسوي وايش استفيد لان لو حاولت اصلاحه فماذا افعل كل شي سويته ومع كل هذا مو عاجبته وسيئة!

انا استخرت كثير وصايره بين امرين
ارجع لاجل اطفالي
وما ارجع لاجل نفسي خاصة ان زوجي ما حاول يرجعني وكل اللي يصير من ابوه قاعد يضغط عليه يرجعني
ومو معقوله برمي اطفالي عليه
حتى اني دقيت على مستشار وقالي ارجعي لزوجك وحاولي اصلاحه علشان اطفالك وانسي طلاق لان الاستمرار هو الخيار اللي امامنا اقل ضرر
برضو مو مقتنعه


ما ابي اتخذ قرار واندم زي ما انا ندمانه اني استمريت معاه وانجبت مالحل ارشدوووووني

من زمان عنك حبيبتي .. انا ولدت من كم يوم .. وجبت بنووته قمر ويقولون تشبهني ^_^
وانا اهلي مثل اهلك يضغطون علي وزوجي يضغط علي ارجع بس ماحد له كلمه علي ..
كنت رافعه قضية خلع واهلي يبغوني اتنازل واجلس معلقه لحد مايطلق من نفسه..

المهم ..

انا انصحك ماترجعين له.. وفيه فرق بين لما ترجعين له او تاخذين معدد ..
يمكن المعدد يحبك اكثر منه ويدلعك اكثر ..

وبعدين لو تطلقتي هو مجبور يصرف على عيالك يعني لاتحاتينهم وتقدرين تسجلين بالشوونه والجمعيه يصرفون عليك 1400 ويمكن اكثر حسب عدد عيالك.. والجمعيه يعطونك للكهرباء والاكل والمدرسه ..
والحضانه بتكون معك لانك ماتزوجتي ولو فكرتي تتزوجين هذيك الساعه اقلبي الحضانه لامك
امك الحين ماراح توافق عشانها ماتبيك تتطلقين بس لو تطلقتي بترضى بالحضانه عشانها تبيك تتزوجين ولاتجلسين مطلقه
فـ هي تحاول تضغط عليك عشان ماتطلقين ..
وترى المعلقه لها مصروف ولعيالها من الشوونه لمده سنتين

الملاك يونا

الحمدلله ع السلامه قلبي والف مبررووووك البنوته تتربى بعزك

انتي زوجك اارحم من زوجي لانه يحاول يرجعك لكن زوجي ابدا مايتصل الا اذا تهاوش مع ابوه جانا وقال ارجعي لعيالك
وقبلها ابوه يتصل علي ويقولي ارجعي بيجيكم زوجك

ومره يقولي انا اكلمك الحين وولدي فلان يتهاوش مع زوجك علشان يرجعك.... اجل وش بقى؟


مسالة مو راجعه هذي مقتنعه فيها لكن الاطفال الوالده الله يسامحها رافضه الحضانه الان وبعدين انا جاء على بالي زي اللي قلتي لكنها قالت خذيها من قصيرها ماراح اخذهم الان او بعدين
قلت تتعوودين عليهم وتاخذينهم بعدين ورفضت

وفي شي مهم ان اهل زوجي يقدرون يثبتون ان امي مريضه وياخذون اولادي
هذا اللي مضيق خلقي

ابي اتخلص منه يطلعون لي الاطفال عائق.

ابوي يقول ارجعك بعد الاربعين وبشهود وشروط اذا وافق ينفذ الشروط وياخذك ما وافق ذاك الحين تروحين للمحكمه

طبعا اخوي يرفض اروح للمحكمه الا اذا اذن له ابوي

الله يعيني انا الان توني ادخل التاسع.....

حياتي لاتحاتين .. انتي فكري تبين تجلسين معهم مطلقه مع عيالك ؟ او ترجعين لزوجك وهو مايبغاك ومذلوله ..؟
تقدرين تجلسين عند اهلك والحضانة لك لحد مايبلغون السن اللي المفروض ابوهم ياخذهم .. وساعتها شوفي نصيبك لان حتى امك ماتقدر تاخذ حضانتهم .. لكن في حال تبين تتزوجين على طول تضطرين تدبرين لك احد يحضنهم..

جربي وافقي على شرط ابوك .. قولي له يرجعني بشروطي ولو ماوافق على الشروط نروح المحكمه وتطلقوني منه..

وانا اقترح انك ماترجعين له وتجلسين عند اهلك وتربين عيالك يمكن يحن قلبه ويندم ويرجعك من نفسه
وبالنسبه لامك وعيالك صدقيني مستحيل تعترف لك .. لو عاشت مع عيالك وحبتهم بيعورها قلبها عليهم يروحون عند مرة ابو ..
ولو خذت حضانتهم بس بالاسم انتي اكيد بتزورينهم اغلب الوقت وتهتمين فيهم ..وزوجك ماهو حولك ( اللي رح يصير طليقك)
بس بكل الحالات استخيري .. وخلي ابوك يحلها ولو ماوافقو مثل ماقلت لك اخر حل المحكمه وخلي اخوك يعطيك كلمة ..
انه اذا ماوافق زوجك عالشروط يروح للمحكمه ويعرف ان ابوك موافق..

كلامي مره ملخبط بس عساك تفهمينه .. ويارب يحفظ لك جنينك وتولدين بالسلامه

الملاك يونا شروط اهلي كثيره ولو وافق عليها معناته بيحافظ على بيته

اهلي يحاولون اوافق ع المرحله هذي اللي هي بعد الاربعين ويقولون مافي ذل اذا وافق ع شروطنا لاننا اتمكنا منه وعدلنا ميلانه وبكذا حافظنا ع كرامتك ونفسيتك واطفالك وقتها انتي حببيه فيك ع راحتك

شروط اهلي هي
-بيت زي زوجته او يعدل البيت الحالي يبني دورة مياه جديدة وخزانة مويه لي وغرفة للاطفال ويسكر شبابيك امه واهله ويحط الاثاث والتكييف والاجهزة الناقصة
-رضاوة لي ب10000 بمناسبة زواجه علي
-يصرف ويعدل بيني وبين زوجته
-يلتزم بالمراجعات اللي بعقد النكاح ومو يتذمر ويعاير فيهم
-يقدرني ويعاملني باحسان


هذي شروطهم اذا وافق الاخ زوجي بيرجعوني واذا لا فالمحكمه هي اللي تقرر ترجيع او طلاق


المستشار يقولي ارجعي ونبدا من الصفر علشان تكسبينه
يعني انا لو رجعت مثلا برجع سنة تجريبي خخخخ وانا لا ارى لا اسمع لا اتكلم وبنفذ خطة المستشار اول باول لاني راح اكون متواصله مع المركز الاسري وماشيه معهم بالخطوات حبه حبه


هذا اذا رجعت لاني الحين قاعده اعيد التفكير مره ثانيه


الملاك يونا وضحيلي حاجه ذكرتيها اللي هو السن اللي يقدر ابوهم ياخذهم وامي ماتقدر تاخذ حظانتهم؟ اللي اعرفه ان البنت ياخذها لكن الولد يخير


وشي جدا طبيعي كبنت بسن 22 انها راح تتزوج لو اطلقت لاني توني صغيره يعني اعيش عازبه بهالسن صعبة


ومشكوووره حبيبتي الله يفرج علينا

كان الله فى عونك
بس بقولك فكري فى عيالك
مو شايفه انه لازم تضحى عشانهم!!!!!!!!!!!!
وعارفه ان الوضع بيكون صعب عليكي ولكن هذا حال الدنيا وبلأخص قلب الام تقدم مصلحه اطفاله على مصلحتها الشخصيه
تدرين فرضا لا قدر الله وتم الطلاق انتي ما تعرفين وش رح يكون حالك مع زوجات اخوانك
ابوك وامك مارح يكونوا معك طول الله العمر الله يحفظهم لك ويطول بعمرهم
وش يضمن لك ان احد بيتقدم لك
فكرى يالغلا واستخيري الله قبل كل شيء
واذا قررتي العوده لازم يكون لك شروطك الخاصه بك
وايضا حاولى تجنبي الاخطاء التى وقعتي فيها وتتعلمي منها الحياه تجارب
الله يكتب لك مافيه خير لك
طمنينا عنك

من رأيي انك ترجعي فهو بالنهاية أبو عيالك ويستحقون منك محاولة الاصلاح
ويمكن زواجه الثاني يكون فاتحة خير عليك وربي يصلح بينكم
من رأيي ارجعي و لكن بدون ضعف وتنازلات وانما بنفس صافية و عزيمة قوية على الاصلاح مع المرشدين الاسريين
وخليك واثقة من نفسك و عيشي حياتك الزوجية بدون التركيز الكلي على زوجك وتصرفاته وخاصة انه لن يكون متفرغ وانما سينشغل بجزء من وقته لبيته الثاني ...ومن جانبك أنت انشغلي بأطفالك وبيتك و بالاهتمام بنفسك وبعلاقتك بربك وبعلاقاتك الاجتماعية
وتأكدي زواجه الثاني سيغيره بإذن الله للأفضل ولكن كوني حكيمة وصبورة

الولد يخير والبنت بسن 7 سنين اعتقد ياخذها بس بعض المحاكم يخلونها مع الام للمصلحه عشان القصص اللي تصير والجرايم بحق الاطفال ...
وتقدرين تكسبين حضانة اطفالك علطول لو عندك ادله على عدم مسؤوليته وفساده..

وبالنسبة لشروط اهلك حلوه بس اهم شي ماتتنازلون عن اي شرط فيهم ..
وزوجك لازم يعدل حتى في التمشيات والمستشفى وغيره وغيره ,,, واي شرط تحسين انك تبغينه اكتبيه.,.
عالاقل بهالحاله اهلك مايلومونك ااذا زوجك رفض الشروط او مانفذها..

سلمى

وهل حياتي مع زوجي هي الامان!!!
انا عارفه ان حياني عازبه ومع اطفالي فيها صعوبات ومتاعب..لكن بترك هالخيار هو الخيار الاخير ...

وبالنسبه للأطفال هم اللي كاسريني الان ومتعبين تفكيري وهم السبب الوحيد اللي يخليني افكر اني افكر ارجع لزوجي رغم عدم محاولته لارجاعي وكأني متزوجه ابوه مو هو...!

لو رجعت فاالحلول اللي عندي نفدت وخلاص مافي حل الا اتباع خطوات المركز الاسري وربي يوفقني

اما اخطائي فما انكر ان لي اخطاء كبشر لكن مو ذيك اللي تخلي زوجي يعمل هالعمله ويتزوج

يعني اخطائي بذكرها وهي
- اسأله تبيني والا لا سالته ثلاث مرات ومسكها علي يقول دايمن تزعجني بهالسؤال!!!

-طلب الطلاق وبكثره ليش! لاني عارفه اني بوصل لهالمرحله وهو مقصر ماديا ومعنويا ودايم التهديد بتزوج عليك والا احب وحده...

-الخطا الثالث واعتبره حساس هو انه كل ماتزوج رجل ع زوجته جاني مبسووووط ويتبسم ولاحظت هالشي كثييير واسكت اخر مره كانت بشهر 2الماضي وصارت مشاده بيننا وكان يخبرني انه بيتزوج وكان جاد وصراحه طفح الكيل وقلت له انا احب خطيبي السابق




الثانيه

طبعا ماراح اتنازل كافي اني تنازلت زمان ومانفعني شي وصبرت على فقره وسوء معاشرته وكافئني اول ماجاله الراتب وخذ قرض اتزوج وبسرعه

مدري يمكن ارجع وانا ناسيته يعني مايهمني زيه زي اي رجل غريب لكن اهم شي حقوقي ويعدل بيني وبينها ويعطيني ليلتي ويومي ديكور قدام الناس وله مني المعامله الحسنه
واحتمال كبير ارجع سنه تجريب اذا اعجبني الوضع وهو تغير بستمر اذا لا فمظطره انهي هالزواج ولله ما اخذ ولله ما اعطى

اما زواجه ما اظن يتعدل ارى انه بيجاول يقهرني خاصة لو كانت رجعتي قبل لا يتزوج الان هو ماجل زواجه الى متى ما ادري


الملاك يونا
ماعندي ادله هو سيء من ناحيتي مو من ناحية الاطفال اجيب ادله انه سيء معي اما الاطفال فما فيه


ويعطيكم العافيه جميعا