بسم الله الرحمن الرحيم
السلام عليكم ورحمة الله وبركاته

اخيتي وحبيبتي في الله مالك الا ربك سبحانه وتعالى ادعيه والحي بالدعاء واكثري من الاستغفار
وبقول لك شي انا قلت لزوجي عن سالفتك
قال ان كان محافظ على صلاته ولاعنده خرابيط بالسعوديه
فهو يمكن يسافر يتزوج والله اعلم يقولي انه كثير يعرفهم ملتزمين ويخافون الله يروحون يتزوجون بنية الطلاق يجلس معها اسبوع اسبوعين ويطلقها ويجي

سبحاان الله الين الحين ماافهمت شي

حبيبتي انتي وش تحافظين عليه وايش الشي اللي متمسكه فيه
مااحد منا اتهم زوجك انتي اللي اتهمتيه وجبتي كذا دليل عليه
وطلبتي راينا وحكمنا من واقع كلامك

شخص يخونك يحتقرك يهينك يهددك بالطلاق
وكل هذا لانه مو برجاال لان الرجل الحقيقي مايستخدم قوته علي حرمه

قسم بالله افكر فيك وجدا متضايقه عشااانك
وانقهرت يوم قلتي احبه المفروض هو اللي يحبك

والله لو صرتي حازمه معه ومو شرط تطلبي الطلاق انه ليجلس عندك ويحمد ربه ع النعمه

اذا بيسافر يعلمك وين رايح وليه
مو علي كيفه يحزم شنطته ويمشي انتي مو رجل كرسي انتي زوجته
يختي كاان قبل لايسافر شديتي معه وقلتي اعرف ليه رايح ووين ومتي جاااي
وحسستيه انك فااهمه وانه لو لعب بذيله بتخبرين اهلك وانه بيندم

الخياانه تقهر ولا هو حر بنفسه عشاان يسوي كذا
اللي يبي الحريم لايلمس بنات الحماايل

هذا اذا هو راعي حرام وان كانت الدعوه زواج مااكثر ربي من بناتنا يتزوج ويعدل ويحمد ربه


لاتزعلين مني بس انقهرت من خوفك تري والله الرجال اللي يغلط اجبن من البزر لانفختي عليه


الله يستر عليك وان كان راعي بلاوي يكشف لك امره ويتوب ويصير طيب معاك
ويسهل ولادتك ويرزقك بر عيالك ياكريم

يعطيكي العافية
بس زوجي ماتوقع انه يتزوج لانه دولة مو مسلمة اللي يروح لها

وفعلا انا موكلة امري لله
بس الوحدة تحتاج تتكلم وتشاور
بالذات وضعي لاني ماقدر اتكلم عن زوجي
واشوه سمعته عند الناس اللي يعرفونه
انتم ماتعرفونه عشان كذا اتكلمت عنه

واشكرك من قلبي

مشكورة وحدانية

انا مابغى اطلق لاني مو حابة اتورط بتربية اطفالي لحالي مرة صعبة

مو حبا فيه لشخصه ...

وانا مو خايفة اللحين ولا شي

بس متضايقة افكر بالمستقبل
لنه لمن يرجع يكون باقي شوي على ولادتي

وانا مالي خلق اروح الولادة وانا متنكدة ومتضايقة

انا صرفت نظر عن الطلاق
لاني بكون ام واب لاطفالي وهو بيروح بنبسط ويعيش حياته

وصعبة كمان لمن يرجع استقبله بالاحضان

وهو سافر واحنا بينا فتور

السلام عليكم
مر تقريبا اسبوع من سفر زوجي وانا احاول ان اكون متماسكة من اجل صغاري

وانجح يوم وفي يوم اخر لاانجح انهار وبشدة

انتظر دعمكم لي

بسم الله الرحمن الرحيم

السلام عليكم ورحمة الله وبركاته

والله انك على بالي الله يفرج لنا ولك

حبيبتي واخيتي في الله نصيحه من قلب وحده تبي لك الخير
ادعي ابكي بين يدي ربك والاستغفار لايفارق لسانك دائما والله راح تشوفين شي يفرحك
ولاتسمعين لوسوسة ابليس استعيذي بالله منه ومن وساوسه ولاتلتفتين لكلام بعض الناس فتهدمين بيتك واهتمي بعمرك وبصحتك لاتجعلي همك زوجك وبس اجعلي همك رضى ربك وبس لان احنا نطيع ازواجنا لاجل ان يرضى الله فانتي احسني لزوجك وارضيه لاجل من خلقك وخلقه وامرك بطاعته فهمتي حبيبتي يعني حطي بين عيونك اهم حاجه يرضى ربي عني صدقين ترتاحين احنا مشكلتنا نسوي ونسوي لازواجنا اذا كانو حلوين معنا والعكس اذا كانو العكس مانحط في بالنا ابد اننا احنا نعاملهم بما يرضي الله عنا وانهم طريق الى الجنه كما جاء في حديث الرسول صلى الله عليه وسلم فيما معناه اذا صلت المراة خمسها وصامت شهرها وصانت فرجها واطاعت زوجها قيل لها ادخلي من اي ابواب الجنة شئت

اسال الله لي ولك ولكل مسلم ومسلمه الاخلاص في القول والعمل
وماراح انساك من دعاي الله يقبل مني ومنك والمسلمين اجمعين

يا اختي وش تبين فيه وش المشكله اذا تطلقتي ليه الذل والمهانه هذي لو زوجك يستاهل قلنا معليش بس شين وقوي عين

وانتي تلاحقينه ملاحق يا اختي عادي عيشي حياتك بدونه والله لو تعيشين طول عمرك في بيت اهلك اهم شي صحتك

كيف تعيشين مع واحد مايخاف الله ويزني وش تبين بعد وش تنتظرين والله لو هو شك فيك مجرد شك كان طلقك وفضحك عن الناس وانتي داريه عن علاقاته الجنسيه وساكته

هذا واحد ماتأمنينه على نفسك وعلى بناتك والله لو انا مكانك اني لا افضحه عند اهلي واهله واخليه يطلقني ورجله فوق رقبته

استغفر الله كل شي ممكن تتهاوني فيه الا الزنا والعلاقات المحرمه خافي على نفسك من الامراض بكره اذا جاب لك مرض راح تقولين ياليت

خليك مصره على رايك وطنشيه مع اني ما اعتقد لانك ضعيفه الشخصيه وكرامتك لا تهمك

الحرمه قالت انو زوجها خاين

ويكفي البلاوي الي شافتها في الشنطه

ويكفي عدم احترامه لها

وكنها عنده ولا شي

ويتغلى عليها ولا يفكر فيها

يبغى يسافر ياخذ زوجته معه

مو على طول سفريات ولشرق اسياء يعني الي يروح هناك يروح عشان الحريم

والحرمه ادرى بزوجها محد قذف زوجها ولا اتهمناه بالزنى زوجته هي الي قالت

لكن ما اقول الا حسبي الله على كل رجل يقف مع الرجل ضد المرأه

مره واحد كاتب انه شاك في زوجته انها تكلم واحد وكل الرجال قالو طلقهااااااااااااااااااااااااااا

وهو مجرد شك انها تكلم مجرد كلام

وهذي زوجها خاين ويزني ولا يحترمها ويذلها وشايف نفسه عليها وتقولون زوجك مافيه شي اصبري عليه

تصبر لين يجيب لها الامراض وتروح حياتها عشان واحد مايستاهل


حسبي الله على الظلم

والله عاد ياصاحب المزاج السنع مب انت لي تحدد مزاجي
وبعدين انا ماقذفته بالزنا ولو بس تبي تشب فيني ويعجبك الهجوم
صاحبة المووضوع تقول له علاقات وهي بنفسها اكتشفت هالشى ..يعني ماجبت شى من عندي
وشدراك ان بس الزنا هي لي تغضب الله؟؟ عاد مكالمات وعلاقات غير شرعية نصير كول ولا شسالفة
يعني اذا صار في زنا وقتها نقلب الدنيا
ياعزيزي الي متزوج وله علاقات مع غير زوجاته هذا مايرضي الله
وش تفسيرك يوم دقت عليه بالشقة وردت عليها وحدة؟
ولا الي لقته بشنطة سفره وكثر سفرياته
غير كل هذا تهديده لها بالطلاق كل شوي
وطبعا انا قلت لها خليك متمسكة بالطلاق تهديد له فقط ماقلت لها سويها
وانا مقدرة ان عندها عيال وتبي تحمي بيتها الله يجزاها خير
بس لكل شى حدود بهالدنيا وهي زوجة والله كرمها ليش تذل نفسها
نبيها بس تسوي ردة فعل حتى يتوقف عن تصرفاته الغبية

وثاني مرة لاعاد تدخل بمزاجي عشان لا تعكره خلينا بصدد الموضوع

I think my words clear