السلام عليكم ورحمة الله وبركاته

الايام الاولى من الطلاق يحب المطلق او المطلقه ان يختلي بنفسه
يتصفح دفتر الذكريات
يحاسب نفسه , يلومها احيانا , واحيانا يدافع عنها
يعيش حالة من الذهول فطالما كان يتوقع ان الطلاق هو نهاية لكثير من الالام والصعاب
فكان هو بداية الالم الحقيقي
وطريق طويل من المشاق والصعاب _حتى ولو كان مقتنع به ويعرف انه لابد منه -

في هذا البحر المتلاطم من الهموم يوفق البعض الى التعلق بالله ودعائه والاقبال عليه
او يقوي نفسه فيخرج الى الناس ويحاول كتم الالم ويعيش حياته كما هي
وبعضهم يغرق في اي شيء يخرجه من واقعه المر ولو كان فيه معصية لمولاه او ضياع لعقله او لسمعته نعوذ بالله من ذلك ,,,
من الاشياء التي كنت اتسلى بها الروايات العاطفيه و بعض الاناشيد الحزينه وكنت ابكي كثيرا اذا سمعتها
اكثر شيء اثر في قصيدة لسالم سيار (قالت احبك قلت كذابه انتي قالت وربي قلت امنت بالله )
وانشوده للمنشد المتالق ابو حسن القحطاني ( احبك من صميم القلب )
وانشودة ( ارحلي دامك نويتي ترحلين >>> حزينه جدا)
نسمع منكم وش كنتم تسوون ووش كنتم تسمعون ,,,

سبب كتابة الموضوع مع اني توي خاطب ان قريبة لي قالت قابلت طليقتك وكانت تسال عنك وعن احوالك
فثارت شجوني ونسيت وعدي لكم ان انسى الماضي
ياالهي كن معي ,,,

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

أخوي أرجع لها وانسي خطبتك
صدقني مافيه أحلي من الحبيب لو تزوجت بتتذكرها ونادر ماتنسي
تذكرت وحده من قريباتي تحب شخص وتقول أبيه لو معاق المهم أعيش معه
قلنا عادي قالت إيه عادي المهم هالإنسان قدامي
الحب شي كبير ويمكن إلي جربو وعاشو قصه حب وبعدين تزوجو ناس ثانين يعرفون كلامي صح
ويعرفون وشلون ليلة زواجك تتمنين هالشخص زوجك وكيف الحسره أن الحقيقه أنه مو أهو الله يوفق الكل في حياته
الله يدلك علي إلي فيه خير
لكن أقتل كل هالمشاعرر قبل زواجك من الأخرئ
وكن واضح مع نفسك ومع زوجتك

__________________

اخي.. ليش كذا

اسأل الله العظيم ان يجبر كسرها وكسرك..

الحقيقه انه من الصعب التراجع امام اناس دخلت بيتهم.. وهذه من شيمة الرجال..

لكن الزواج من اخرى وقلبك لازال معلق بالاولى هذا فيه ظلم كثبير للزوجه الثانية..

ان كان هناك مجال.. للتراجع من غير احراج فارجع للاولي.. والا فليس هناك من داع للتذكر والتوجع..


" الله لايحطني في موقف كذا.. وان كانت المؤشرات تبين اني سوف اخطو خطواتك مجبرا .. والله المستعان..

^

بالعكس أخوي هذا الصح وهاذي نصايح الرجاجيل وبأسلوب ثاني يقولونها عند ترجيع المطلقه
ويخلون الرجال ندمان طول عمره
صدق من قال مايحس بالنار إلا رجل واطيها

أنا أقوله الرجال والحرمه قبل الزواج يكونون واضحين إلي متعلقه بأحد لاتتزوج لما تنساه
والرجال كذالك والرجال قبل في هالنصيحه لأنه في ذمته حرمه ولو صار شي أهي أكثر من بيخسر وراح تتعذب

من جد بتتزوج خيارين

أنساها ولاتتذكر ولاشي ولاتفكر أصلا فيها وتزوج الثانيه والله يهينك
الثاني أترك هاذي وأرجع للأولي
أو لاتتزوج حتي تشوف نفسك مستعد نفسيا ولاعندك ذكريات أبدا

__________________

ما أقول إلا الله يعوض طليقتك باللي أفضل منك
والله يعوض "خطيبتك" ما عقدتك عليها وتفكر بغيرها
هالقريبة "العقربة" ما تدري إنك خطبت ؟ وعلى وشك تعقد ؟

أفضل شيء تعمله الآن إنك تأخر ملكتك شوي لوقت تحس إنك خلاص
نسيتك طليقتك وتبغى تكمل مع خطيبتك أو العكس ..
بس على هالحال راح تظلم نفسك وتظلم الثنتين معاك ..

أما اللي يقولك صعب تسيب الناس وأنت دخلت بيتهم
أقولك صعب تقدم على شيء وأنت حاس أنك بتظلم بنت الناس فيه
تتركها الآن وهي "بكر" أفضل من أن تتركها وهي "مطلقة"

..

__________________

ياااااا الله قلبت علينا الذكريات والمواجع انا عمري مافكرت اني راااح اكون مطلقه باليوم من الايام كنت اسمع مشاكل الحريم واضحك من قلبي كنت اقول تخرب بيتها عشان طلعه او سفريه او عفش جديد ..........الخ من امور الدنيا وكنت حاطه البالي ان زوجي راااح اسعده ولااثقل عليه بالمصاريف ورااح الصبر على كل شي ربنا ماكتب لنا نكمل مع بعض عشت معاه 15 سنه بالحلوها ومرها اتخطبت وعمري17 سنه اتزوجت وعمري19 سنه كان حياتي ودنيتي كان الهواء الي اتنفسه غيرت اشياء كثيره من نفسي عشان خاطر عيونه وتنازلتتتتتتتتتت كثير وفي النهايه اطلقت انا عارفه ان طلقتواكانت مجرد تتأديب ليه وهو ماحسب العده صح فانتهت عدتي وصار مايقدر يرجعني غير بعقد جديد شعوري وقت الطلاق حسيت نفسي ضااايعه شعووور بالمررارة بالحزن شعور انك فقدت شي عزيز على قلبك كنت اسال نفسي معقوله مااراح اشوفه او اسمع صوتته كيف راح اعيش من غيره كنت اشوف اولادي واذكره دائما افتكر بيتي كنت اطلع الجوال اوشوف صوره ورساليله وقت النوم اتخيله بجنبي واقعد اتكلم معاه واضحك وافتكر انه سراااب ووهم وابكي كنت ابكي بكاااء مرييير
بس الحمد لله ربنا ساعدني اول شي مسحت الصور والرسايل كلها تقربت من الله اكثر اهتميت بالصحتي كثير دخلت نادي رياضي اهتميت باولادي وكنت ادعي الله ينزع حبه من قلبي صح الموضوع في البدايه صعب بس بالاراده والدعاء ربنا يساعد الانسان واللللللللللان اقولهاااااا صريحه نسيتك ياطليييييقيييي ليس لك وجود في قلبي ولله الحمد والشكر
اتصدق من يوم ماتطلقت استحي اقول اسمه احس انه مو من حقي
الاااان خرج من قلبي خرووووج نهائي ولايمكن يرجع في يوم من الايام
واتمنى لك حياة سعيدة

__________________
ريم نواف سابقا

شكــــــــــــــــــــــــــــــــــــــرا للجميع ام عمر, ملامح قمر , هشام ,

ارجعها ؟؟؟ مااظن!!!
عادي اهون عن الخطبة بس لو فيه سبب مقنع ..

ريم نواف ماشاء الله واسال الله يتمم خطبتك وزواجك على خير ويهنيك بعيالك .....

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

تصدقون بالله انا اتعب نفسيا لما اقرا موضوع زي موضوع الاخ ليش كذا الله يكون بعونك اخوي اذا لسه تفكر فيها وتحبها فانت لسه عالبروالله يقدملك اللي فيه الخير

الله ييسر امرك ويكتب لك الخير فيه..
ذكرتني بصديقتي مر على زواجها سنوات وطلبت الطلاق والحت عليه ورفض زوجها, وراحت خلعته وفوقها ثلاثين الف..ويوم خلعها الشيخ جلست تبكي .. ياحبيلها هانت نفسها عليها مو لانها ندمانه..وبعدين إذا اذكرها ونجلس نضحك
* وضعك طبيعي لان للحين عندك مساحه كبيره بصدرك مااشغلتها..وصدقني بس تتعلق بخطيبتك راح تنسى طليقتك بسرعه ,لانهـ ببساطه مااافيه عشره..
نصيحه لاتفكر بحاجه راحت وانتهت...ادفن ماضيك وطبطب على تربتهـ ...
**أرجع لطلبك كيف قضيت ايام مابعد الطلاق..بالنسبه لي كان حاجه متوقعه وعارفه اخر المطاف..بس اللي محيرني كان سببين..:
متى راح يصير..!!
ومين راح يكون اطول نفس من الثاني..!!
كانت مشاعري عاديه لابكيت ولافرحت..تمنيت ابوي حي واطيح بحضنه..شغلت انشوده فرشي التراب بكيت عليه, لاني فقدت شئ كاان عظيم بحياتي وجدار متين..مستحيل احد يسد مكانه..

اول بس تضيق فيني الدنيا ادق وافضفض على الغاليه جعلي مااذوق حزنها..بس الحين برحمه ربي وتفضله علي اتوضا وافرش سجادتي واناآآجي ربي حبيبي ..وارجع ادق ع الغاليه واقول انا طيبه وبخير لاتشيلين همي ياميمتي..
على طاري الاناشيد والقصائد , احب كثير اسمع لحامد زيد((الجهره))...

__________________
لاتنتظر الوفاء ممن يجهل ابجديهـ العطـــاء
...اللي ستر عيبهـ عن الناس بهدوم..!!
وش يسترهـ لاصار عيبهـ كلامهـ...

تسلم اخوي على الدعوه
استغرب حنينك لطليقتك لسبب مافي عشره بينكم انت تحن لكلام الحب والغزل وان احد يهتم فيك يعني تحن للحب والعشق والرسايل الزوااج غير حياه
ثانيه حذوقكم الدنيا حلوها ومرها وشوف اول مشكله حصلت بينكم قالت طلقـــــــــــــــــني انت تقدر تعيش مع زوجه كلمه الطلاق عندها اسهل من اي شي......هذا قرارك وانت اعرف واحد بنفسك

__________________
ريم نواف سابقا