السلام عليكم ورحمة الله وبركاته انا عضوه جديده صارلي متزوجه 8 سنوات وعندي بعض الشاكل العويصه والمصيريه ان شاء الله ربي يفرجها ومتى ما قدرت اقولها لكم راح يكون لمنتداكم بس ابغى شوية تشجيع لانو اول مره اسجل بمنتدى شاكره لكم

الله يحييك و يخلي حبيبك لك

حقيقة انت في موقف صعب تريدين طفلة و هو لا يريد
يردد موضوع زواج ثاني و هو امر مزعج بطبيعة الحال للنساء

انا اعتقد ان الزوج لا يذكر موضوع الزواج الثاني الا لأنه جاد فعلا و ما يقوله هو بداية و ايحاء لك ايتها الزوجة

اي انها رسائل منه اليك بان تنتبهي باني لست راضي عنك ..

كم عمرك لانه بدري شوي على تلميح زوجك بالزواج الثاني

و حياك مرة ثانية

__________________

ماهو سبب رفضه إنجابك؟
وماهو سبب طلبه الزواج الثاني؟

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

أختي من خلال كلامك زوجك عاجل أم أجل بيتزوج
أتوقع رفضه للإنجاب بسبب أنه مايريد يكثر عيال وحاط الحسبه مثلا الأولى عدد عيالها محدد والثانيه
بالنسبه للطلاق هذا تخويف لا أكثر
والزوج ماله أي حق يمنع زوجته من الحمل إذا قادر ماديا
شوفي حبيبتي عمر الرجال مو مثل الحرمه هو في الستين والثمانين ويقدر يجيب عيال عمر الحرمه محدود يعني من تقريبا الأربعين أغلب الحريم توقف ماتجيب عيال
ماراح ينفعك بيجيب له عيال ويعيش حياته بعد ماراح عمرك
أنتي تكلمي معه قولي من حقك في الأطفال مثل ماله الحق في الزواج وممكن اصلا بحملك علي طول يتزوج لأن اغلب الرجال يتزوج لين حملت الزوجه
أعرف كلامي مرعب لك ويضايقك لكن أنتي لازم تفكرين في نفسك مثل أهو مايفكر في نفسه
وتكلمي معه في هالموضوع
وعلي فكره بالنسبه لحبوب الحمل أتوقع لين تركتيها ماراح تحملين علي طول حطي في بالك هالشي أعرف وحده إستخدمتها سنتين جلست ثمان سنوات ماحملت
عشان كذا إتركيها و نصيحه وأهتمي في نفسك سوي رياضه حافظي علي نفسك ومظهرك جددي شبابك
قصي شعرك وأصبغي غيري شكلك يعني دلعي نفسك وعيالك
حتي ينسى فكرت الزواج الثاني

و إضغطي عليه في المصاريف طبعا بدلع وبعد التغير عشان يدفع بنفس طيبه وإضافه لكذا
يراجع حساباته في الزواج الثاني واضح زوجك من النوع إلي يخطط والدليل موضوع العيال
وحتي لين قال الزواج الثاني عصبي وإظهري ضيقتك وأبكي مو تجلسين ساكته
وقولي لو تزوجت طلقني إلا أخر هالكلام عشان يخاف مو يتزوج وبس

الله يوفقك ويفرج همك ويسخر لك زوجك ويرزقك الذريه الصالحه

__________________

الله يجزاك خير هو من اول مولود وهو يقولي ماابي تحملي مره ثانيه وسبحان الله حملت بعد سنتان لان كنت اكل مضاد قوي والمضاد يبطل مفعول المانع عصب علي وزعل مني وما رضي الابعد اربعه شهور ثم شويه شويه رجع زي اول وما كان يفكر بالزواج الا بعد ما التزم وصاروا اصحابه كلهم من الملتزمين واغلبهم معددين فاصار يتكلم ان واحد عنده 3 حريم وفي بيت واحد وانه يتعاونوا على حفظ القران وانه عادي الواحد ياخذ ثانيه مادامه عادل وان التعدد سنه. ومن ها الكلام وانا والله مو مقصره معاه في كل شي حتى الوظيفه رفضتها علشانه والروحه لدار التحفيظ كمان مايبغى يقول احفظي بالبيت والطلعه والزيارات كلها مايبغاها اللهم روحة اهلي مره بالاسبوع وكل هذا يمنعني من الاطفال ثم يلمح بالزواج اه يالقهر.*

ما عليك من التهديد بالطلاق ... بس يهدد

ومثل ما التعدد مباح وهو شايفه سنة فتحديد النسل حراااااااااااااااااااااااااام ...
ما يجوز انه يحدد عدد معين من الاطفال ... يجوز أن ينظم النسل .. يعني كل سنتين طفل .. على حسب ما جا بالقرءان ان نفطم الطفل عند السنتين ... كل سنتين طفل ما دامك تحبي الأطفال ..
وخليني أشوفه تزوج بعد ما يصير عنده 10 اطفال

__________________

ماني فاهمه
كيف ملتزم ويمنع النسل وهو مقتدر ؟؟
شيء عجيب
سبحان الله ناخذ من الدين اللي يعجبنا واللي ما يعجبنا نتركه ..

قوليله تحديد النسل حرام دام انه ملتزم اكيد رح يفهم كلامك
وقوليله ما عندنا شي يمنعنا من انه ننجب اطفال زياده اذا الله اراد لا انتم فقراء ولا مرضى ولا عندكم اطفال كثير يعني مافي سبب يمنع ..

__________________

وعليكم السلام ورحمه الله وبركاته
حبيبتي انا ماني كويسه بالدين وممكن مخطئه بس اللي اعرفه انه الإنجاب حق لكل من الزوجين، وانه لا يجوز لزوجك ان يمنعكي من الانجاب
هل في مبرر له من منعك في الانجاب??إنتي حاولي تقنعيه بالسماح لك بالانجاب وناقش معه في الموضوع لمن يكون مزاجه كويس ورايق
لا تنسي الدعاء فاذا وافق فا الحمدلله اما اذا رفض لا اظن ان في حرج من عدم تعاطي حبوب منع الحمل

والله يوفقك

يعني اتوكل على الله واترك المانع والي كاتبه ربي يبيصير واذا تزوج خليه يعدد اربعه مره وحده وانا يخرجني من الحسبه انا ما اطيق يكلم الممرضه اذا مرضو اطفالي كيف تشاركني فيه وحده وقلتله هالكلام وعصب وطلع ومافتح الموضوع مره ثانيه لكن احسه انو يفكر فيه لا اله الا الله اللهم اجرني في مصيبتي واخلفلي خيراً منها. راح اعيش لنفسي واطفالي ادعولي ربي يرزقني الحمل عاجلاً غير اجل ( قاعده اقنع نفسي )

طيب مدام هو مصر انه يعدد
فأتوقع تحديد النسل ,,,لتوفير المال ,,
ياأختي احملي و انبسطي بأطفالك , بما أنه ما همه زعلك
الله يسرع من حملك و يكون حمل خفيف لطيف مؤنس لك
و تجيبي تووم بنات , يملو حياتك بساتين
حاولي انك تتأقلمي مع فكرة أنه راح يعدد حتى تصير عادية
يمكن خيرة لك من الله عز و جل ,,

,,,,
موفقة

__________________