السلام عليكم ورحمة الله وصباحكم خير ياهل الخير //// اول اتشرف بان اكون من احد اعضاء هذا المنتدى وانشاء الله استفيد منكم وتستفيدون مني ----- عندي مشكله ورب الكعبه حتى اهلي ماقلت لهم صار لي اللحين شهر ونص وانا مخي محجر ونفسياتي زفت مره مره وابي شوركم وهداية الله ياخلق الله / مشكلتي مشكله بعرفكم بنفسي اول شي معاكم فهد من الجنوب عمري 30 سنه اعمل في مجال التجارة / سالفتي ياجماعة حلمي كان زي حلم اي شاب يتزوج ويكون اسره ويكمل نص دينه قبل تقريبا سنه وثلاث شهور الله وفقني وتزوجت وزوجتي من قبيلة ثانية بمعرفة اختي تشتغل اشرافيه تعليم وصادتها واهي في زيارة لاحد المدارس وبعد اسبوع جات علومها وكل شي وخبرتني عنها والله والله قلت اختي واكيد ماترضين لي الا الخير والله وفقني وتزوجت وطلعنا شهر عسل علا دبي مضت ايام وعدت شهور وفهمتها وفهمتني انا بطبيعتي انسان طيب والله حتى برا البيت ما احب المشاكل وفي نفس الوقت اقسم بالله مشكلتي ارحم بقوة ورب الكعبه ما امدح نفسي حتى لو انه شخص وسبب لي مشاكل وربي من بكره انسى طبعا زوجتي استغلت هاذي النقطه علي وربي كانت اهي الي تسبب المشاكل وانا اقول ياخي هاذي مسكينه والجد الجد وربي عشقتها من قلب طلباتها اوامر اقسم بالله بعض الاحيان اجي البيت واهي ماتسوي لنا وجبه والله ما اقول لها شي اسكت البنت لاحضتها تلكم باستمرار علا الجوال وطبعا تكلم وحده من اخواتها ورب الكعبه من عرفت اختها ماشفنا الخير كل اسرار البيت تخبر اختها طبعا اختها متزوجه وساكنه في تبوك وللاهميه زوجتي اكبر من اختها السوسه الله لايوفقها لادنيا ولا اخره قلت في نفسي مالها داعي امنعها من اختها عشان لاحظتها بعض الاحيان تزعل بدون سبب ولما اشوف جوالها اخر مكالمه اختها فرض لما تزعل بدون سبب اجي وجلس جنبها وشفيك ياحبي عسى ماشر تقول ليش ماتجيب ماتطلعني السوق ولا تسئل وشناقصني طبعا نسيت ما اقول لكم زوجتي موظفه معلمه اقسم بالله من يوم تزوجنا ماعمري حتى سئلتها كم راتبك ولا لي نظره فيه عندي خير الحمد الله ورب الكعبه مقاضيها اغلب الاوقات من جيبي زادت اتصالات اختها وزادت المشاكل جلست معها قلت اسمعي في خطوط حمراء في حياتنا تراك تجاوزتيها قلت لها اسراري وكل مايصير ما ابيها تطلع حتى لو امك اذا كنتي ماتبين المشاكل زعلت يومين ملاحظه يومين ورب الكعبه زي الصنم ماترد حتى لما اسلم ماترد راضتيها وجبت لها ورب الكعبه طقم ذهب وكلها لني اموت عليها ورب اغليها من قلب واغار عليها واهي ورب الكعبه فيها قوة وجه وتقول ترا عادي انا مغار عليك لنك مستحيل تلقى وحده مثلي اهي مغروره في نفسها ودايم تمدح نفسها وتمدح اخوانها ولما تسمعها تقول حشى ذولي مو من كوكب الارض مضت شهور وزادت المشاكل رحت لهلها وجلست معا عمتي وقلت لها بنت فلانها بتخرب بيتنا عشان اختها تملي راسها علي وهاذا شي وصل حدود غير معقوله قالت عمتي ابشر مايهمك رجعتها البيت البيت وربي حبها بقلبي بدا ينقص بس يوم انها حملت وجابت نور الدنيا عبودي وربي زاد حبها عبودي اللحين عمره ثلاث شهور وربي ياعالم تخيلو قالت تبي خدامه قلت لها عندك راتب ادفعي نص وانا نص عندي ديون علا المؤسسه لازم توقفين معاي وربي من مشاكلها اهملت اشغالي وزاد افلاسي قالت من زينك اللحين تبيني ادفع نص ليش لايكون تبي تكوش علا راتبي قلت تبطين عظم انتي وراتبك اجل اقسم بالله ماتعرفين الخدامه لا من فلوسك ولافلوسي وراحت بيت اهلها اللحين قبل شهر ونص واكتشفت انها حامل وعبودي انحرمت من شوفته لحد اللحين ورب الكعبه ياناس شهر ونص واتصل فيها اجي بيتهم اشوف عبودي واهي طنش ماترد علا جوالي ولاتجي عندي لما اجي لولدي اشوفه ورب الكعبه صارت فيني حاله نفسيه عشان اولدي الي اختفى مني واللحين قررت اطلقها هي اللحين بشهرين ونص بدايت الحمل وربي كرهتها ارسلت لها رساله قلت اجس نبضها امس قلت خلاص بطلق وكل واحد بطريق وربي ياعلم طنش ولاترد من حوالي شهرين .... ابي جواب مقنع الله يوفقكم وربي كرهتها والله معا كل اذان فجر ادعي عليها وسلامتكم*

اخي اظهار الحب لزوجتك شي جميل جداولكن بهذا الشكل الملل غلط خصوصا انه. زوجتك
مع احترامي فيها نوع من الغباء كونها تستغل حبك بشكل سلبي
وحده ثانيه فطنه كانت حافظت على هالنعمه وخلت حياتها
جنه!!
سبحان الله بعض النساء غبيات تعتبر هاذي المشاعر ضعف وتبدأ
تستغلها ابشع استغلال ويكون هدفها السيطره على زوجها اللي من وجهة نظرها
سهل وضعيف مع انه المفروض يصير العكس
تعيش هذا الحب وهاذي العاطفه مثل الاميره وتبادل مشاعر زوجها
بالحب ايضا تاخذ حب وتعطي حب حتا تمتلك قلب زوجها وروحه
لكن على قولتهم تزن على خراب عشها !!


المهم
هي عارفه انه الطلاق لايجوز ولن يحدث لانها حامل!!
فتهديدك حاليا ماراح يجيب نتيجه!!


اللي عليك الحين لاتتصل فيها تجاهلها خلاص هالفتره
خلها تحس بفقدك
طبيعيا واللي اتوقعه بعد تطنيشك لها راح تبدأ تتصل فيك
او اتدور لها اي عذر عشان تكلمك او تشوفك لما تزور ولدك!!


الحل مبدئيا تجاهلها اشوي


والله يسخرها لك

__________________
اللهم احفظ لي زوجي وسخره لي واحفظ لي اولادي

اول شيئ لازم زوجتك ترجع البيت كلم ابوها اى احدكبير زوجتك عشان انك تراضيها كل مره صارت تعاند يعنى لازم انت تراضى مره وهى تراضى مره بعدين ياخوى ان ابغض الحلال عندالله الطلاق يمكن نفسيتها تعبانه علشان الحمل والولاده وحاول اجلس معاها جلسه رومانسيه اشرحلها انت وش تبى منها بلظبط والله احنا الحريم اذا الرجال تكلم معانا بأسلوب حلو والله ان الوحده تفكر فى كلامو اكثر من يتكلم معاها بعصبيه الله ييسر امرك ويهدى زوجتك وويألف بينك وبينها يارب ويهديها لك ويهديك لها

اخي في الله ضامي غلاك
اتق الله في ردك
على طوول طلق!!
هذا هو الحل بنظرك !!
مافكرت بالاطفال المساكين!!
لاحول ولا قوة الا بالله

__________________
اللهم احفظ لي زوجي وسخره لي واحفظ لي اولادي

اول مرة أشوف ناس تطلب الطلاق عشان ما جاب لها خدامة؟؟؟؟
معليش انت و زوجتك غريبين

انت قادر تدفع حق الخدامة ومش عاوز

وهي عايزة تشتغل و مش عايزة تتدفع حق الشغالة؟؟؟

أسباب جدا تافه لطلب الطلاق ،،، اي واحد فيكم ممكن يحل المشلكة،،، لأنو أصلا ما في مشكلة

بس البيوت الخليجية مليانة بأطفال مهملين بسبب طلاق الأم و الأب

والله انا أستغرب و أستعجب

اخي الكريم مثل ماقالت الاخت غدوية الان زوجتك بفترة حمل ووحام اكيد ومو وقته تهددها بالطلاق ولا زوجة ثانية

انت الان مسخر وقتك حتى تدعي عليها طيب ليه ماتستبدل هالدعاوي بوقت صلاة الفجر بدعاوي حلوة
وانه ربي يصلح حالكم ويجمعكم على خير ويكفيكم شر كل ذي شر

انا مقدرة يااخي الكريم انك اعطيت واعطيت ومالقيت مقابل بس لابد تعمل حسابك انه انتو مازلتو في بداية الحياة الزوجية ودائما اول 5 سنوات هي اصعب مرحلة في هذه الحياة الزوجية لانها مرحلة استكشاف وتعرف

انت حاول تهدي النفوس وتلزم الاستغفار وتقرا في مهارات التعامل مع النساء وطريقة تفكيرهم ( انصح بكتاب الرجال من المريخ والنساء من الزهرة )

اخي الكريم ارجوك لاجل اطفالك حاول ان تصلح الامور

لااقول لك كن ضعيفا بل اقول لك حاول تحتوي زوجتك وتفهمها بهدوء انه البيوت اسرار و اللي بينكم اسمى وارفع من المال
بينكم حياة مشتركة واطفال والاهم من ذلك بينكم حب لابد تتعاهدو برعايته سويا

اخي الكريم الناجحين يفكرو في( الحلول ) اما غيرهم فيفكرو في ( المشكلة )

حاول ان تبحث عن اشخاص ذوي تأثير على زوجتك لتعود لك ومن ثم حينما تعود احتويها وكن لها الاب والاخ والصديق
والعشيق وعلمها ان الحياة الزوجية لها خصوصية وليس من حق كائن من يكون ان يتدخل بين زوجين

واكسب ثقتها حتى لاتتهمك برغبتك في مالها

والله يجمع مابينكم على خير

عزيزي هون عليك..
لاتخلي الهموم تشتتك.. ركز

المشكله انك حبيت.. يضرب الحب شو بيذل ..!!
ولكن المشكله الاعظم انك كشفت اوجه هذا الحب بشكل باهت
وخليت المسكينه تطمع فيك وتشوف نفسها عليك..
اي وحدة بمكانها رح تسوي كذا الا الذكيه اللي تعرف وش معنى كلمة زوج
زوجتك واضح انها ذكية بس خليها تعرف معنى كلمة زوج


الحل:
هذي زوجتك ولازم تاخذ بيدها وتصلحها.. الطلاق مو حل
مثل تربيتك لولدك لازم تقسى عليه لمصلحته في المستقبل
طنششش.. ركز بتجارتك وخلك ذيب
روح شوف ولدك وسلم عليه وجيب له اللي يبي
وخلك بشوش ترى اهلها مالهم ذنب..!!
خلها بلاك لست بجوالك دام الاتصالات والرسائل ماجابت نتيجة
طلع اشاعه من بعيد وغير مباشرة انك بتتزوج بنت ثانيه
واحسن شي لو سمعت هي هذه الاشاعه في مدرستها من احدى المعلمات
خلها تعرف انك تسافر برا وترفه عن نفسك.. بالذات لو جا خبر سفراتك من اخوها
صدقني امور كثيرة رح تتغير اذا كنت حازم فهمت اذا كنت حازم مو رهييييف
اي محاولات للصلح لابد تكون واضحه ومشروطة والا كل واحد في طريقه( من الحزم مو جد)

__________________
ان انت اكرمت الكريم ملكته.. وان انت اكرمت اللئيم تمردَ!!

الله يعينك ويساعدك ويووفقك لكل خير يارب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟