يحكوني.صديقاتي أغلبهم من الجنوب عن أشياء عجيبه ، بس سالفه الكي أول مرة أسمع فيها
يمه حرام عليهم. أهم شيء لا يكون تبقى آثار الكي وتشوهه.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

هههههههههههههههههههه اااه يا نورا مت ضحك ع العسل و الخربز
منجد تفاهات و حنا نضحك من قلب بس لا جا وقت الجد نسوي زيهم
فعلا اغلب الكلام اللي قالوه البنات مر علينا الخطوط اللي بالكف و الخروج
من البيت مع الصاعقة و لبس الاحمر يووووه يا كثر خزعبلاتنا حنا بالذات
اذكر وانا ورعة جدتي الله يرحمها لما ننام عندها في البر
تقول لا تعدون النجوم تطيح عليكم
و حنا من الخوف ما نطالع فيها ههههههههههههههه
الى يومك ذا لما نطلع الاستراحة و انسدح ما اقدر
أطالع السما أخاف بالغلط اعد النجوم ثم تطيح < خببلة
و الله ذكريات خزعبلات كثيير
خالتي للحين اذا رفت عينها تقول بيجيني ضيوف
و أبوي اذا حكت يده اليمين يقول بتجيني فلوس و اذا اليسار
بيجيني احد يبغى فلوس خخخخخخ
و الاعتقادات حقت الاربعين شي ثااااني تضحكين و انتي تسمعينها
الله يخليهم لنا بس .. متأكدة بيجي يوم ع خطاهم نسير
يسلم عمرك نورا

__________________

‏
الوعي هو الملاذ ..

أستغفر الله العظيم ؛
( الفردوس غايتي )

زين ان صديقاتك جنوبيات بالنسبة للأثر الا والله يبقى اثر

مثل حطة الإصبع بين الحواجب على قولة واحد من إخواني فلان
في راسه علامة الجودة الشياطين ماتقربه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

فردوس حتى احنا بالجنوب حكة اليد لها تفسير مثل تفسيركم
وكمان رمشة العين والشارب
الظاهر سامعين اللي يقول عيني ترف ومبشرني بغايب عساه ياعيوني من اللي تعزين ههههههه

وعندنا بعد اللي رجوله تحكه من باطن القدم تلاقيه يحكها ويقول
اح اح اح رجولي اكلتني ياترى من ياكل في ظهري الحين قصده
ان فيه شخص يغتابه

وكمان القمر لو صار فيه خسوف الناس ترو ح تصلي بالمساجد
والعجايز كل وحدة تعبي لها سطل مويه وتحط ظل القمر بين الماء علشان يبرد القمر ويرو ح الخسوف

وعندنا عجوز كل يديها اكسسوارات قصدي عقد اقمشة تلف في داخلها المرة والحلتيت اذا كنتم تعرفونه وتربطه بيدينها وعلى بطنها تقول الشياطين ماتحب ريحته ولا تقدر تقرب منها الشياطين

عزالله حتى الناس هربوا منها مو الشياطين وبس اللي هربت

نصحناها ماتسمعنا وتقول انتم ماتفهمون كل جداتنا كانوا كذا بس انتم طالعين متخلفين

المشكلة مربطة لعيال اولادها وهم صغار اطفال اعمارهم 4 و3سنوات .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هههههههههههههههههه ام سلطان ذكرتيني بجدتي يحليلها يوم ولدت ولدي
جيتها به بعد الاربعين عشانها ما تمشي يوم شافته قامت تسب و تسخط في أمي
تقول ولدك بيطلع خبيله عشان ما حطيت له الجنيهات ديك تعرفينها الي الأولين يربطونها
من بداية الشهر التاسع لين تلد الحامل و تكون كونت لمولودها حجاب يحفظه من الجن و الشياطين
يا أني انسدحت ضحك عندها تفاولت على ولدي ما اعجبها أني ما حطيت له حجاب و أني ما دهنته
بالخلطة حقتهم راحت تأكل في نفسها لو أني طيبة ما أخليك تستاثمين في الورع
حسستني انه ما عاد ينفع خلاص ههههههههههههههه الله يعطيها ع نيتها جدتي
يحليلهم و يحليل اعتقاداتهم الحمدالله اننا درسنا بس ولا كان تلقيني مثلهم اسوي اربعينية

__________________

‏
الوعي هو الملاذ ..

أستغفر الله العظيم ؛
( الفردوس غايتي )

فردوس ايه اعرفها الله يرحم جداتنا
وكمان عندنا اللي تعرس وتزور بيت اهل زوجها لأول مرة
يذبحون لها خروف عند باب البيت اول ماتحط رجلها وتدخل عتبة الباب يخلون العروسة تدعس بين الدم قال لك هاذي فدية علشان هيه ماتكون دخلتها عليهم قرادة
يعني مو خوف عليها ولاكن على انفسهم هههههههه

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

تذكرت سر الطفل يوم يطيح مدري وش بالضبط.
المهم يقولون المكان إلي تحطونه يصير الطفل يحبه يوم يكبر
وكنا نصدقهم ويوم أنولد أخذنا أنا وخالي. الله يرحمه السر وصارت هوشه بيننا
هو عناد بي بيحطه فوق بالنخله عشان يطلع يحب النخل و أنا أقول بروح أحطه بمدرسة أبوي
كان مدير مدرسة تحفيظ و أبغاه يحبها "" ياحليلي قليب من يوم أني صغيرة بس ماحد حاس بي.
المهم حطه خالي بالنخله ولا شفنا شيء أخوي آخر سنه له بالثانوي والحمدلله يحب المدرسه.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

يا حبيلكم يا بنات .. سواليفكم ما تنمل

نورا .. جمييييل طرحك ... احجز مقعد عندك ..
ولي عووووده مع حقائق الخزعبلات ...


الان نصي نوووووووم ....

شكلي ابحلم في خزعبلاتكم ،، يماااااي
الله يستر ..

__________________

احنا عندنا اذا رمشت عينك معناته بتشوفين احد ماشفتيه من زمان

واليد اليمين تاكلك معناته بتجيك فلوس واليسار احذ ياخذ منك فلوس معناته بتروح
لدرجه لما تالكني اليسار ماحكها عشان ماحذد ياخذ

وقدم رجلك اذا حسيتي بحكه بتروحين لاحد يعني تدخلين بيت احد

اوما النجوم مت عليك ضحك مستحيل طيح
بس يابنات بعضها تسير

هل ترانا نلتقي احنا عندنا سر المولود يرمونه بالبئر او في البحر

يقولون علشان يطلع يحفظ السر ومايبوح فيه لأحد او يدفنونه بحفرة عميقة

وكمان المولود لما يطلع من بطن امه يحطون على صدره قطعة سلاح او حجر
يقولون علشان يطلع شجاع وقوي قلبه مثل الصخر

عز الله بعضهم يطلع يخاف من الصرصور من زود الشجاعة




دفئ الله يسعدك حكي ايدك هههههههههه ترى انا بتسلف منك

لاتصدقين امزح معاك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله