ماشاء الله لا اله الا الله ..

تقدم حلو ورائع ..واتمنى انها تقصد كلامها ..وليس التسويف ..والتفكير خلال المده وتقلب الطاوله عليك وقتها ..

نحسن الظن ونقول لجين تبي تتفاعل ويانا ..

اخوي الفاضل ابو خليفه ..

الخطوه الي اتخذتها بالامس اكثر من رائعه ..
اثبتت للجين ان وراها رجل ..يحط شروط ويتخذ مده لتنفيذها ..
وماتقدر تتحكم فيه بالصراخ والصياح ..
هدوءك .. وتفكيرك الحكيم ..خططك الحازمه ..
تخلي لجين تفكر بجديه اكثر ..وتتنازل عن اسلوبها الطفولي السابق ..
لاتنسى ..قبل ماتنام تمسي عليها بكم كلمه ..تخليها ترتاح شوي ..
وبالصباح بعد مانمتو بسرير واحد ..بين لها انك اسعد انساااان بالكون ..ابتساامه تشق الوجه ..فرحه ..كلام حلو ..
متفائله انكم ماتكملو نص المده الا واحنا مسويين احتفال بالمنتدى ..

انا مستغربه لجين ماتغار لما تشوف هالعالم ماسكين ايدين بعض بالمولات ؟؟؟؟؟؟؟؟؟

__________________

تسلمين حبيبتي وان شاء يستفيد اخرنا ابو خليفه ويغير ربي حاله ويسعده مع من يحب

أختي العزيزه عزتي ديني يمنع
بارك الله فيك

__________________
دعاء المعجزات:حسبي الله سيؤتينا الله من فضله انى الى الله راغبه.
لوعلم الانسان كيف يدبر الله الامور لذابت القلوب من محبته عزوجل

والله وانت بعد ما غبت عن بالي يالغالي ولك برقبتي دين لو تطلب اللي تبيه حاضر
وما نسيتك بدعائي اموري تمام التمام حصل انتكاسات بسيطه لكن الحمدالله عرفت اتصرف
و بإذن واحد احد لو رزقني الله بولد ما اسميه الا احمد




توفيت !!!!!!!!
وش قصتكم موتوني قبل يومي


ظروف عملي








ايوه هذا الكلام اللي نبيه
اللحين خلاص واتفقتو على انك تعطيها مدة شهرين خطوتك ذي ممتازه
بخلال هالمده شغل مخك وخلك ذكي بتعاملك معها
حاول تتكلم معها وتخليها ترتاح لك قد ما تقدر
تليقف شوي ورح ارسم معها حتى لو كنت من جنبها
اطلب منها تعلمك الرسم واي ردة فعل لها حاول تتقبلها اليوم تهايط عليك وما يخصك
لا علقتها فيك ما عاد بتقوله
حفزها بأن قرارها صح بتقربك لها اسمعها ناقشها فهمها انت وش الصح ووش الغلط
اعيد وازيد اطلعو مع بعض بكثره
اذا تقدمت خطوه اعطها اكثر وبين لها انه بسبب تجاوبها وانها كل ما تعطيك بتعطيها
قلها كوني لي زي ما ابي اكون لك زي ما تبين واحسن
خلك انسان مبتسم رايق قد ما تقدر نكت وابسط عمرك وابسطها بما يرضي الله


ابو خليفه انت انفعالي بشكل كبير حتى بعض ردود الاعضاء تستفزك بسرعه ويبان على ردك
بطل انفعال على كل شي هاالجمله بقعد اكررها عليك بكل رد اكتبه لك
لان بمثل الوضع اللي انت تمر فيه بتلاقي صد وبانفعالك بتخرب على نفسك
وكذا ما ينفع تبيها تتغير وهذا من حقك وانت بعد يبي لك تعدل بطبعك لراحتك وراحتها

(اكثر الدعاء بسجودك بين الاذان والاقامه وعند نزول المطر ويوم الجمعه قيام الليل و الاستغفار والصلاه على النبي )
انتبه وانا اخوك اذا انتهت مشكلتك تترك اوتخفف من تقربك لله وهالكلام لكل من يقرا

توجيهنا كلنا مابيفيدك اذا ما لجئت لله

الله يوفقك لما يحب ويرضى

اللهم اصلح حال كل الازواج واهدهم يا الله

__________________

	بسم الله الرحمن الرحيم اللهم اهدي زوجي الى طريقك المستقيم

اخي ابو خليفة
ماشاء الله الامور سايرا في طريق الانفراج ولجين الله يهديها بتتجاوب عن قبل ووالدها بيلعب دور مهم في حل مشكلتكم
خذ من نصايح الاخ نايف والاخ البليغ والاخت بيتى2ومن تدخل بخير من الاعضاء
احنا مقدرين ان احتياجك انك تعيش حياة زوجية طبيعية تفتقدها بتاثر على اعصابك وتخليك بحالة توتر وعدم ارتياح
لاكن كل هذا بيتغير
بس اكسب ود زوجتك وتقرب لها شو شوي لغاية ماتشعر بالامان معاك
بس غير من سلوكك الي يبعدها عنك
بالتوفيق

__________________
[IMG]http://im28.***********/2012-07-31/1343755411601.gif[/IMG]

الأخ الكريم/ أبو خليفة
-أنت تسير بشكل جيد لكن استمر على إظهار الجدية معها مع لين بسيط.. وأكثر من الدعاء.
-قل على سبيل المثال (يا من ألنت الحديد في يد نبيك داوود عليه الصلاة والسلام ألن لي زوجتي).
:::
الأخ الكريم/ نايف
أسأل الله لك التوفيق مع زوجتك.. وتذكرني دوماً في دعائك.. والتسمية اجعله "حاتم" وليس أحمد.

الله يعينك صراحه

جزاك الله خير أخي الكريم ...

سؤالي : إظهار لين مع الجديه ,, هذا أسلوب أحاول أمشي وياها فيه ولكن بديت أحس أنها تضعني بمواقف لا أستطيع فيها الرد وصعب أكون حزتها بين لين وشده ( متاكد ما فهمتني ) بعطيك موقف استوا اليوم من بينا ولغاية لحين مقهور ودي اعرف شلون تعامل وياها فيه أو اتجاهله

عندك اليوم تغدينا ويا أبوها ,, المهم يلس يسألها شو بخاطرج محتاجه شيء ,, تخيل تصدمني وتطلب موبايل ,, حسيت حزتها كانها تقول أتحداك ترفض جدام أبوي ,, كنت اتمنى بس يسالها ليش فين جهازج بس هو الله يهديه ما عنده هالمبدأ وياها طلباتها مجابه من غير نقاش ,, كانت تطلب الموبايل وعيونها صوبي ,, ما عرفت أتصرف حزتها وهي تدري اني حالف أنها ما تشتري جهاز ,, طبعا طلب لها موبايل ويابه لها ,, واحنا بسياره كانت تستفزني تفتح الجهاز ,, بس كنت ساكت ومتجاهلها ولا كاني سامعها ,, طلعنا وتمشيت وياها ,, وقلت لها شو رايج نسير ونشتري اشياء تخص رسم ,, وكانت مستانسه ,,, توقعت منها تفتح الموضوع تعتذر ولا شيء ولكن أبدا كانت متجاهله ..

بس انا من داخلي حسيت مب قادر اتخذ قرار هل اعاقبها واسحب الموبايل عنها عشان تتعلم ما تخالف رأي ,, ولا امرر الموضوع يعني بالهموقف ما قدرت لا استخدم أسلوب الحزم ولا لين بصارحه ..

__________________

الحمد لله على كل حال

الله يجزاك خير أخي الكريم ما يهزك ...

ما فهمت بضبط من شو تحذر ,, أذا كان مقصدك الشروط ,, فانا علقتها على طوفه بالحجره بلوحه كبيره عشان ما تنساها ...

__________________

الحمد لله على كل حال