16-07-2012, 09:05 AM
|
المشاركة الأصلية كتبت بواسطة أبو خليفه....
كلامج سليم وعقب الكلام اللي انكتب هني البارحه من صبح اليوم تواصلت ويا مؤسسة تنميه الاسريه اذا تعرفينها وهم قالوا بيساعدوني لان عندهم مستشارين أسريين ,, |
16-07-2012, 09:16 AM
|
المشاركة الأصلية كتبت بواسطة لكل شي حد
اخواتي اول شي هدوا اعماركم شوي... كلامكم يزيد النار حطب...
الدراسه: لجين وضحت انها باختيارها وقفت دراسه و بعدين خطبها خالد و من حقه كزوج يضع شروطه.... هي تزوجت و عمرها 22 يعني كتنت تقدر تكمل دراستها قبل الزواج بس هي ما بدت الخطوه و طبيعي كزوج او حتى خاطب انه ما يوافق انها تسافر للدراسه برع خاصة ان دولتنا فيها الحمدلله من الجامعات الطيبه.... الغشوه: ما اعرف ليش حسيت انهم من سكان بوظبي اوالعين و هناك الغشوه تعتبر تقليد عادي.... يعني تشوف المتغشيه و الغير متغشيه... و واضح ان اهلهم فيهم جذى و جذى يعني ما بيكون شي غريب... و اذا على التعود فهالشي يقدرون يتفاهمون عليه التحدث مع ناس اغراب: كل طبقه اجتماعيه لها نظرتها الخاصه سواء صح او غلط... و اي عائله لها قوانينها و شروطها.... ليش لجين بس اللي تشتكي و حسست الكل ان عائلتها فصلتها عن المجتمع بينما هي نفسها ما تحب التجمعات.. يمكن هي انطوائيه على ناس و ناس لا.... الحق الشرعي: الزواج اساسه الاستمتاع فإذا ما حصل اذاً لا زواج من الاساس... و ان يصبر الرجل لين ما تعتدل زوجته و بعدين تعطيه الحق الشرعي امر غريب... لين متى الصبر؟؟؟ هل يلام اذا نفد صبره.... طبعا لا.... اي متزوجه تعرف وضع الرجل يوم يكون في قمة رغبته و مع هذا زوجته ترفض تعطيه.... كيف يكون متوتر و عصبي.... لانه مب قادر يرتاح.... اعتقد هذي عاد ما يبالها شرح.... وضع انه عصبي و يتنرفز فهذا طبيعي جدا في حالته... الطلاق: اظن ان خالد ما طلق لجين لاسباب معينه و برتبهم حسب ما انا اشوفهم مهمين و احتمال راايي يكون غلط ( بنت عمه- يحبها- خواته متزوجين اخوانها- قدر يصبر عن الحق الشرعي بزواجه مرتين).... لجين هل تعتقدين ان هذي بس عيوبج.... فكري عدل في عيوب ثانيه... ابيج تفكرين في عيوبج عدل... على فكره شخصيتج مب وايد ضعيفه يعني يوم تصممين على شي تقدرين تحصلينه.... اللي صاير الحين ان خالد مب ابوج و ما راح يسوي كل شي تبينه لان الحياه الزوجيه مب مثل الحياه مع ابوج.... في اللحظه اللي بتوقفين فيها مقارنات بين حياتج السابقه كبنت في بيت ابوها و بين حياتج الحاليه كإمرأه متزوجه.... وقتها بس يا لجين بتفكرين صح.... انت قادره تتخذين قراراتج لوحدج و الدليل اشيا كثيره قررتيها و نفذتيها.... يعني ان نلوم عائلتج على وضعج ما احسه صح... في كلام ثاني ابي اقوله لج بس ابي اشوف العيوب الثانيه اللي تشوفيها فيج.. نقطه مهمه يا لجين: انتي رديتي على احد الاخوان انج تاكلين و تقعدين و تسولفين مع خالد.... لجين اختي... خالد مب صديق... خالد زوج.... و الزوج يبا استمتاع في الفراش.... مب بس وحده تاكل و تسولف معاه.... و قلتي خالد قال بيصبر و انه عطاج مهله شهرين و المهله تنتهي اول شوال.... بس حابه اذكرج ان ابوج عطاج مهلة شهر بس علشان تصيرين زوجه حقيقيه تعرف حقوق زوجها و تعطيه حقوقه يعني حسب اتفاقكم مع الوالدانتوا جريب نهاية المده.... بس خالد طيب و مدد لج شهر زياده و مع هذا كلامج يوحي انج متفضله عليه باليلسه معاه و النومه معاه على سرير واحد و اتمنى ان يكون شعوري غلط... وايد رجال يغلطون في الايام الاولى بس هذا ما يعني ان الوحده تصك على عمرها الباب و ما ترضى زوجها يلمسها.... انتي تقدرين تضغطين على نفسج و تعطينه حقه الشرعي و الدليل ان في مره من المرات بعد شكاوي خالد المستمره لاهلج و يمكن بعد ما وصل الامر للطلاق عطيتيه... > عطيتيه حقه مقابل حفله ومهر جديد اذا انا مو غلطان .. تبين كل ليلة حفله ومهر؟< يعني الامر مب بالدرجه المخيفه اللي تصورينها هني يا لجين... لجين.... انتي تحطين اعذار لكل شي.. في السابق قلتي مشكلة امج و تبيت تشوفين امج و بعدين قلتي خالد سوا شي في العلاقه الخاصه في بداية الزواج.... طيب شو العذر الجديد يا لجين؟؟؟ هل بتاخذين من اعذار البنات اللي عطوج اياها و تقولين اهلي مانعيني و اهلي هم السبب؟؟ لجين اول ما تطلعين من القوقعه اللي انتي معيشه نفسج فيها بإرادتج راح بتقدرين تعيشين صح... *بالنسبه لعيوب خالد اللي ذكرتيها: عصبيته: حلها بيدج و هو الحق الشرعي يصارخ و ما يسكت الا اذا رديتي: جاوبي على طول و ما راح يوصل لمرحلة الصراخ يسال و يتكلم كثير: يحاول يسولف معاج يسهر برع: وحده في جناحها طووول الوقت.... يقعد في البيت شو يسوي؟ يطالع الطوفه؟؟ و هذا ما يعني ان خالد مب غلطان... خالد لو سمحت قلل سهر برع يتكلم عن امه وايد: طبيعي اي شخص يتكلم عن امه.... انتي متحسسه و تبين الكل يمشي على شورج و ما تبين اي شخص اييب طاري امه قدامج.... لجين انتي تعودتي في بيت ابوج على نعم و حاضر و ان شا الله و من عيوني.... و تزوجتي و لقيتي شخص يطالب بحقوقه كااامله كزوج من الجلوس مع بعض و الحق الشرعي و الاكل و الطاعه..... و انتي ما تعودتي حد يقول لج لا... فرقي بين كونج بنت و كونج زوجه و بتعرفين الغلط وين... خالد مب ملاك و فيه اخطاء بعد... بس وين دورج كزوجه في الحديث معاه عن الاخطاء و الوصول للمرسى بسلام؟؟ |
16-07-2012, 09:16 AM
16-07-2012, 09:18 AM
16-07-2012, 09:33 AM
|
المشاركة الأصلية كتبت بواسطة الفردوس غايتي
في البداية و قبل ما أقرى مشاركات لجين الأولى في المنتدى
كنت أتوقع ان السالفة فلم هندي , أو لجين تعبانة نفسية وفوقها تتوهم , أو خالد المظلوم المسكين لكن الحين .. أقول أن لجين المظلومة الكبيرة فهالسالفة و فعلا (( بشر الصابرين )) إذا تبين نصيحتي يا لجين إطلعي من هالمنتدى اللي فيه خالد , يكفي متحكم فيك وردي على منو ولا تردين لا منو , انتي محتاجة تتكلمي بطلاقة و هالشي مارح يصير وخالد موجود لأنو ما يعجبه بسبب غيرته التافهة اللي ما تخدمك بأي شكل من الأشكال ,فقط تخدمه هو و أهوائه الشخصية تواصلي مع رجل الرجال و انتي تعرفي كيف تلاقيه هو الوحيد اللي نقدر نقول إن شالله , بيساعدك في حل بعض مشاكلك بعد الله خالد يحبك .. بس الحقيقة ان حبه لك ما نفعك بل بالعكس رجعك لورى معليش ابو خليفة لا تزعل من الصراحة انت خليتها عندك لوحة >> أناني كبيييير الله يسامحك احتكرتها لك و منعتها من كل شي حتى ابسط الامور اللي ممكن تبدل لجين الحزينة إلى لجين السعيدة ., لكن عاجبك أنها تظل لوحه لكن تذكر أن ربي فوق و ما ينسى عبيده أنقهرت عليها كأخت مسلمة لي و تألمت لوضعها لا أم , لا أب , الصدر الحنون الجدة و توفت الله يرحمها و زوج ..يفتح الله |
16-07-2012, 09:36 AM
|
المشاركة الأصلية كتبت بواسطة فاكهة الشتاء
مستشار الحب من يكون ؟ |
16-07-2012, 09:37 AM
16-07-2012, 09:41 AM
|
المشاركة الأصلية كتبت بواسطة فاكهة الشتاء
أقصد ما هي صلتك في بوخليفة ؟
|
16-07-2012, 09:55 AM
|
المشاركة الأصلية كتبت بواسطة الأمير 737
اسمحيلي اعلق ع اخر جملة كتبتيها ( زوج يفتح الله)
واحد زوجته حلاله وممنوع منها .. وبيكمل 3 سنوات على الحال ومع ذلك صابر عليها ويفحط يبي يعالج مشكلتها , غيرة بيطلق من اول سنه, ووالا بيتزوج عليها.. وماتبونه يعصب!! .. ماتبونه يتزوج بالسر!! <وان كنت شخصيا اتحفظ على زواجات مثل كذا> هذا كله مايعتبر مراعاة لحالتها ؟؟ ما يعتبر رحمه لها؟؟ متعود قبل الزواج تصحيه امه من النوم .... بعد الزواج تصير الخدامه اللي تصحيه !! ومع ذلك ما اعترض ياكل بروحه يجلس في البيت بروحه ينام بروحه (المدام في جناحها او المرسم ) !!!! السفر ... ماتبي تسافر معه ماصارت والله ....عزوبي ومحسوب على المتزوجين! هذا غير مسألة الانجاب.. وكلها ما اعترض عليها.. يبي الحق الشرعي , الشي اللي متزوج عشااانه فقططططط وكل هذا يفتح الله!! |
16-07-2012, 10:16 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
