ماشاء الله
ممكن تعطينا طريقه الحلى الاصفر والاحمر لو تكرمت

ماشالله عليك يا اخي المتفائل بالله
بصراحة شكل الاكل مغري..
دلني على مخيمكم عشان اذوق ابداعاتك هناك وناخذ بالمرة كورس..!! يمكن نحتاج خبراتك


بس تمنيتك سويت شي من كيد الرجال ..!!

تخيل لو انك سويت هالسفرة الحلوة وصحيت حبيبتك واخذتها لصالة الطعام
وجلستوا واكلتها بيدك ودلعتها اخر دلع..

وبعد ما تخلصوا تقولها بالحرف الواحد: وش رايك بهالدلع اطبخ لك واكلك و و و
اكيد بتمدحك..

قول لها اجل ابيك تسوين مثل ماسويت لك كل يوم ..!!


تعلموا استغلال المواقف وفنون قلب المواضيع في اتجاه ماتريدون تحقيقه


بس الصراحة الكبسة يمي يمي..!! اللهم اني صائم

__________________
ان انت اكرمت الكريم ملكته.. وان انت اكرمت اللئيم تمردَ!!

سلمت يمناك
الصورة مش واضحة , بس باين الطبق لذيييذ
زوجي أيضا له نفس بالطبخ
و لازم يتدخل في بعض الأطباق,
لأن الطبخ هوايته
..
و أنت من أين تعلمت الطبخ

,,
كنت أظن ببادئ الأمر أن ديدن زوجتك النوم و ترك الطبخ
لكن عندها عذر كان بأمكانك كتابته خلال الموضوع حتى لايلتبس علينا الأمر\
رزقكم الله بالذرية الصالحة

__________________

موضوعك ما ينفع ينقرا من غير الردود
اضهرت فيه جانب جيد ومفيد لكل الرجال ليعملوه مع زوجاتهم فتعود عليه بالنفع واحترام ومحبة الشريك الاخر
(( دخول الرجل الى المطبخ لا يفقد من شخصيته شيء بشرط ان يكون باعتدال وفي الوقت المناسب ))

تحضرني قصة من مصر ذكرت في احد الجرائد ان زوجة رفعت قضيه خلع على زوجها لانه دائما يطبخ الطعام لدرجة ان اولادهما اصبحو يحبون طبخ الاب ويكرهون طبخ الام

ولك مني ما وصيتني به
اللهم اني اسألك باحب الاسماء اليك واقربها زلفى لديك ، اسألك باسمك الاعظم الذي دعيت به اجبت واذا سؤلت به اعطيت ، اسالك بانك انت الله الفرد الاحد الذي لم يلد ولم يولد ولم يكن له كفوا احد ان ترزق المتفائل بالله الذرية الصالحة في هذه السنة يا كريم يا رزاق

ماشاءالله عليك تبارك الرحمن
باين من شكل الاكل ان الطبخة لذيذة
عليكم بالعافية

اسلوبك شيق ورائع

الفرد ليس من اسماء الله الحسنى ؟؟!!وبعدين وش فيها لو عممتي الدعا
ولا حتى قلتي ...ورجل اهبل يارب ..................ترى الدعاء ببلاش ...

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

ماشاء الله لاقوة الابالله
وش هالزين جوعتني وانا صايمه حلوجدا استمر اخوي
وعلى فكره الرجال اللي يطلعون بر وكشتات هذول احسن طباخين مثل اللي عندي ههههههه عليه طبخ ماشاء الله
والرجال فعلا نفسهم في الطبخ رهيييييييييييب

شكرا لك اخي على التنبية جعلة الله في ميزان حسناتك

يا ودود يا ودود، ياذا العرش المجيد، يا مبدئ يا معيد، يا فعالاً لما يريد، أسألك بنور وجهك الذي ملأ أركان عرشك، وأسألك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت، ان ترزق اخي المتفائل و رجل اهبل وكل من رغب بالذريه من ابناء المسلمين الذرية الصالحة في هذه السنه يا كريم يا رزاق
اللهم هبلي وهب لهم من لدنك ذرية طيبه انك انت الوهاب

يا حركات .... يا شيييييف >

بصرااحه كبسة عليها الكلاااام , الحمدلله اني مفطرة
ولا كان علوم ..
متفائل , يا حليلك احس انك ودك تطبخ مو كله لله ف لله صح
تدري ان الأجور مضاعفة برمضان حظك بالاجر والله
تدري ليت فيه منك اثنين واحد عندكم والثاني فبيتنا
اخوي امس تأخر الوقت وانا مشغولة بالمعجنات قلت له يااخي بدل الطقطقة ع الايباد
خذ اللقيمات ساعدني فيها ... ولا كأني تكلمت يالله من فضلك
شكلي بسوي زي حرمتك بسحبها نومة لقبل الاذان بساعه واشوف وش يصير معهم بكرة خخخخ

يعطيك العافية متفائل ع هالسفرة ومن طبخه لطبخه يارب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

وابل الندى
الله يديم عليج الصحة يارب ، وجزاج الله خير على هالدعوة الطيبة.

الدانة 26
تقبل الله طاعتج ، وعمرة مقبولة إن شاء الله ، وماتنلامين بيت الله شوفتة اتريح النفس.

ام بدر وسمية
مرحباً ملايين ، حياج الله

الحب يكبر
ليش تطلعين اذا ماعجبج الموضوع!! بالعكس عبري عن شعورج وشاركي عادي
بالأخير ترى كلها حروف تنقال وبعدين تنسي ، اما عن انبساطك بالموضوع
ف والله قلت اونسكم معاي باللي سويتة وجيت ادور المدح عندكم (احب المدح) هههههه
ومنها بعد انشجع الرجال ، ونحفز النساء ، ونعلمهم بعض الاجواء الحلوة.
شاكرلج وجودج وياليت اشوفج بكل مواضيعي حتى لو حبيتي اتخانقيني عاااادي هههه

ومضة امل
جزاج ربي من فضله ونعمية على الدعوة الطيبة ، ونبي بالمرات الجاية اتورينا كبستج.

وجدت نفسي وربي
هلا و غلا بالطيبة
اشرايج بأخوج امانة؟؟ امدحيني تراني ادور المدح
والحركات هاذي اصلاً من غير نفس بعد (بدأ يدخل الغرور) ولاتشوفيني بالحمسات وخصوصاً المعاليق(جبود وجلاوي) ، وتراني اعجن واخبز هههههههه هله هله بالمدح عاد.

توفي وفيصل
تنسيق عاد لا ادورين عندي ههههههه
كافي اني طبخت لها وفطرتها !! هاذي تغطي على التنسيق

الطريقة
اخذت الدجاج ونظفتة عدل وحطيتة بالقدر ، وقصيت فوقة بصل وثوم وحطيت شوية كركم وشوية بزار وكزبرة ودارسين(قرفة) ، وحطيت زيت الطبخ فوقة ، وشغلت النار علية وخليتة يعرق شوية مع البهارات لين راحت ازفرتة ، وبعدين حطيت الموية والملح(اكرة الملح) وخليت الدجاج مع بهاراتة يطبخون عدل ، وبعدين شلت الدجاج وسكبت ماي الدجاج على الرز ، واخذت الدجاجة بعد مانشفت وقصصتها وحطيت لها صوص (جاهز) يعطية نكهة وطعم وقليتة.

والمرق
تحطون بالقدر بصل مقصوص وشوية ثوم وشوية زيت وتحمسونة وتحطون بعدين طماط معصور ومعجون طماط وتخلطونهم وتحوسونهم مع بعض وتحطون بزار(البهارات) وشوية كركم مع القرفة ، وتحطون الخضار اللي انتم تحبونها وتقلبون كل هذا على بعضة ، وبعدين تحطون المووية والملح واتركوها تغلي.

وبالهنا والشفا.

__________________
استغفر الله واتوب إليه