الحمدلله بخير
اشغل نفسي بالدوام وباجراءات البعثه
جايني حنين للاطفال بشكل مو طبيعي الله يرزقني ويعوضني
الله يعافيكم ويجزيكم خير جد صرتو اكثر من اهل واخوان تدعون لي وتحاتوني
اللهم اجعلها خيره
مانكر نعم ربي علي وظيفه وعائله وصحه
المشكله اني للحين الوم نفسي شلون سمحت لنفسي افشل شلون ماعرفت اكسب الزوج
هو استطاع يهز ثقتي بنفسي مو بس هز ثقتي الا عصفها عصف خلاني احس اني فاشله
ماعرفت احافظ على بيتي اشوف الناس تعيش حياتها وتمر بمشاكل وماتتطلق واقول بنفسي اكيد هم احسن مني بنات ام 17 ماتطلقوا وانتي الكبيره الناضجه تطلقتي من بياخذك الحين ياشايب يامعدد يابتقعدين
ادري ان الله قادر وباب الرزق عنده مو عند الناس
لكن هذا الحديث يجيني بين فتره وفتره حديث نفس
نصيحتي للرجال اذا المره حافظه بيتك وانت متاكد انك لاطلعت تارك وراك زوجه صالحه بتحفظك بسرك وعلانيتك تراها والله نعمه عظيمه المغريات الحين كبيره شات وبيبي وغيره وغيره والله المره ضعيفه دامها صالحه ليه تطلقها ليه ترجعها لاهلها كنها سوت جريمه ماحبيتها ماعجبتك اصبر يمكنها خيره يمكن تحب وحده وتجيب مصيبه لبيتك ويمكن هلي ماحبيتها بالبدايه ربي يزرع حبها بقلبك ولا تجيب لك عيال ترفع فيهم راسك بين الناس محد يدري وين الخيره فيه
الحمدلله حاجه مرتين ودي بالحج بس الظروف هالمره مو مناسبه الله يكتب لي حجه يارب

متفائلة خير ادعو الله أن يمن عليك بالصبر
..و انا ايضا...تقريبا لدي نفس ظروفك..مطلقة منذ سنة و بالي مشتت..و افكر بطليقي..و أتخيله و اتذكر حياتنا و جلساتنا كانها شريط فلم..و الوم نفسي رغم اني مظلومة.....يارب اصرف عنا هذا..و اشغلنا بذكرك..آمين..دعواتك لي

__________________
أنا نسمة قوية تهد الجبال..أنا نسيم الربيع يدغدغ وجهك الآن..أنا رفات حركتها قدرة الله..فانظر حولك علك تجد أثرا لي في التراب

كنوز ليه تلومي نفسك

كم صارلك تطلقتي ؟ بصراحة ردكي ما قبل الأخير أوجعني أحسك مضلومة ورجعتي لي ذكرياتي مع طليقتي لي صارلي تقريبا 3 سنين مطلقين الله يكون في عونك في الحقيقة هي مسألة وقت وتخف

أتذكر مواقف أقول لماذا مارست الكبرياء فيها ..ياليتني قلت له كذا...ياليت عملت كذا....رغم أن الخطأ الكبير و سوء المعاملة كان صادرا منه هو.....الطلااااااااااق متعببببببببببب والله...الله يعينا و يكتب لنا الزوج الصالح و العلم النافع...

__________________
أنا نسمة قوية تهد الجبال..أنا نسيم الربيع يدغدغ وجهك الآن..أنا رفات حركتها قدرة الله..فانظر حولك علك تجد أثرا لي في التراب

كنوز البحر الطلاق متعب لكنه أيضا مريح بعد مرور الوقت أتذكر أن السنة الأولى من الطلاق كانت عصيبة بمعنى الكلمة وخصوصا عندما تكون في الغربة ولا أنيس يوسيك تحس بطعم القهر والظلم بعيدا عن أهلك لكن مع مرور الوقت نتناسى هذا ما عشته أنا وأنتي ا أختي ما دمت أنك لم تظلميه فهذا شئ حسن

اسال نفسي دائما
اذا قابلت احد يملك قوه عند المصيبه ولا ينسل خيط الامل من بين يديه

هـل سأكون كمآ هو عند اي مصيبه تواجهني ؟

اتمنى املك القوه والامل والتفاؤل ..

وماشاء الله ربي يزيدك ..

وشكرا على ردك الوافي على سؤالي عن حالك ..

اذا انتي شهرين قال لكي ما شفت منها الا كل خير لكنه مؤ مرتاح وغير متقبلك أنا سنة وثلاث شهور بعد ما صبرت علي. أشياء كثيرة وبعد هذي المدة يقول لي ما فيه سكن والفه وطالقني ظلم حسبي الله عليه

السلام عليكم ورحمة الله تعالى وبركاته

أختي مفائلة خير
ليه محسستني ان المطلقة ناقصة ومهي مثل باقي الحريم ؟؟ بالعكس المطلقة مثلها مثل اي بنت ، ومن حقها تختار حياتها وطريقها وزوجها وتحط المواصفات اللي تبيها بعد!! ، عندي اخت مطلقه ومعاها بنت وولد ومن تطلقت والعرسان عليها كثير وفيه منهم شباب مو متزوجين!! بس هي اختارت تربي اعيالها وتسخر نفسها لهم ولمستقبلهم ، ولاتنسين ان النبي علية الصلاة والسلام تزوج مطلقات!! ف شوفي كيف الله عوض المطلقات بالنبي!!

الطلاق وانا واخوج له سياسة او معادلة محد فاهمها لحد الحين!!
الله سن الطلاق عشان يفصل الطيب عن الخبيث والخبيث عن الطيب!!
عشان يجزي الطيب بالطيب والخبيث بخبيث!! إستحالة طيب وخبيث يستمرون مع بعض!!
لأن ربنا اكد شيء في القرآن وقال (الطيبون للطيبات والخبيثون للخبيثات)

وبعدين مش كل المطلقين الرجال مو زينيين عشان تخافين منهم!! فيه منهم اللي ماتوفق بسبب زوجة ماعندها دراية بأبسط حقوق زوجها عليها ، وفيه منهم اللي ماقدر يتأقلم مع سوء سلوك زوجتة ، وفيه منهم اللي ماقدر يصبر على هدر كرامتة قدام زوجتة واهلها (مثل حالتي) ، والامثلة كثير...

خلي إيمانك بالله قوي ، واذا انتي طيبة ابشري بالطيب ، ونصيبك تبين تاخذينة إليين ترضين لأنك تحت رحمة رب مايظلم احد.

موفقة.

__________________
استغفر الله واتوب إليه

المتفائل عذرا على تطفلي
ماهو سبب طلاق اختك
وهل هي سعيده بعد طلاقها