يا حبيبة ..

الخطا يصحح بقدر حجمه ..
هجر شهر ونص يخلي بخاطر الانسان شي مو هين
يبي لك شهر ونص ثانيات عشان ترجعينه زي اول :
اقصد .. محاولاتك لازم تستمر وبكل الاشكال
فترة معينة (ان شالله ما تطول ) عشان يقتنع انك
فعلا ندمانة .. وتبين علاقتك فيه ترجع

الصدق بكلامك وتصرفاتك .. يوفر عليك الشي الكثير
ويقنعه انك فعلا حاسة بغلطتك ..
ابسط طريقة توضحين فيها صدق ندمك
هي الاستمرار في محاولة ارضاءه ..
لاباس حبيبتي .. ما راح تخسرين شي ابدا
انتي ما تهينين نفسك بهالشي ... بالعكس بتكبرين
بعينه .. بس واصلي محاولاتك ..
وان شالله تجين لنا باخبار حلوة

__________________



احيانا يجب ان نفقد ذواتنا كاملة لكي نستعيدها كاملة ...

إن استمريتي بنفس تفكيرك السطحي ستندمين !!!

عودي إلى غرفتك الآن وليس غدا

وافعلي ما نصحك به الأعضاء


عادة الأعضاء يقفون مع الطرف الشاكي .. لكن وقوفهم هنا ضدك يعني أن خطئك واضح ومفروغ منه , وليس هناك مجال لمجاملتك

الأعضاء نصحوك لأنهم يريدون النصيحة ولا عدوات شخصية تجعلهم يرغبون التشفي بك

أرجوك استمعي لهم وغيري طريقة تفكيرك , وضروري جدا أن تدرسي نفسية الرجال من خلال كتاب الرجال من المريخ والنساء من الزهرة

اهلين با الموجودين
يا ناااااس مقهوووووووره حاااااسه اني بنفجر من تصرفااااااااااته رافع ضغطي
والي يقولون الي سويتيه تركتي سريرك شهر ونص ما كنت اول بغرفتي وعلى سريري واذا زعل والله لو يقعد شهرين ما يحرك فيه شي انسان غريب و زعووووول تعبت منه عجزت افهمه

يداك اوكتا و فوك نفخ


تحملي الله يعينك


هو عنيد و كوني الين منه

اظهري له ضعفك ، كوني قويه بضعفك

قومي بواجباتك تجاهه و أدي حقوقه كامله

اثبتي له ندمك على هجرك اياه و ليصدر منك عن قناعه

انتي لازلت غير مقتنعه بخطئك و اكيد انك تحاولين ترضينه بدون نفس


بس عشان تنتهي هالسالفه و تفتكين


ما ينفع كذا .. ترا يبان ع الوجه يا خيتي اذا كنا نسوي حاجة بدون اقتناع

اهم شي الان انك تحاولين تتوددي و تتقربي بأسلوب يحبه و يرغبه منك


و انتي ساكتة .. ترا الصمت يعبر بعض مرات عن الندم الحقيقي


عطيه حقه و اهتمي فيه ع اكمل وجه و بالتأكيد بيلين


باذن الله .. بس لا تيأسين انتبهي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

يااختي الاعضاء عطوك حلول ومااناي مقتنعه فيها ونفس الشي ماتغير وضعك
طبقي اللي قالوه الاعضاء وتنازلي واضغطي ع نفسك كم يوم وبتشوفين النتيجه
وتدعين لهم لان اوضاعك تمام.

اي تمام الله يهديك قبل شوي متهاوشين تخيلي عندي مناااااااسبه مهمه جدا جدا وقريبه وكذا مزاج قال لي لا روحي مره ثانيه اي مره ثانيه
طيب ابي الطلبات هذي ثلاث ارباع الطلبات ما تجي ما يجيب الا الي يبيه
مكالماتي ما يرد علي الا بعد مليون مكالمه ويمكن ما يرد حتى على المره المليون لا ويهدد شوفي ان رحتي
والله مليت اسئل السؤال ما يرد لازم اكرر السؤال 4 او 5 مرات علشان يرد واذا رد قال مدري سلااااااامات يا شيخ

اقصد اذا طبقتي اللي نصحوك به الاعضاء تصير اوضاعك
تمام،،،
يااختي زعلكم طول وانتي هجرتيه مده طويله تحملي كم يوم ارجعي لغرفتك واهتمي بنفسك وبجمالك واناقتك
واحرصي ع العطور في كل وقت وغيري فيهن
وقومي بواجباته كامله ولاتعاندين اذا رفض تطلعين
اقتنعي واسكتي لين يفرجها ربي ويصلح مابينكم.

بصراحة فنان في رفع الضغط

ما توقعت الوضع بالطريقه هاذي ياخيتي

انتي باين عليك عصبيه و هو مقهور منك و بنفس الوقت عنيد و بارد


و النوع هذا ينفع معاه اظهار الندم و بشدة

لا تتكلمين معاه ولا كلمة و عامليه كأنه ملك

ولا تتصلين فيه ابدا و لا تسألينه

عطيه فرصه لحاله كم يوم بدون صوتك وكأنك مو موجودة


والله ما بيطول بيحن صدقيني

الله يحنن قلبه عليك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

خلاص اتركيه لاتكررين اسالتك

عامليه بتجاهل واعملي له ماكنتي تعملينه قبل الزعل

لكن بدون ملاطفه يعني برسمية

لين يرضى من نفسه

ومرة ثانية لاتطلعين من غرفتك لو مهما يصير

ليه تتركين سريرك المريح

ورجعي غرفتك

مارح يقول عنك شي لانك بترجعين بثقل ورسميه

في التعامل معه