لست أنتِ الوحيدة التي تزوجت أختى الصغرى قبلها .. أعرف الكثيرات كذلك..
الغيرة تحدث شيء طبيعي .. أن تعترفي بها لكي تستطيعي معالجة نفسك وإراحة بالك..
سلامة أعصابك .. بس تعرفي انتِ تقولي أنها كانت تخطب كثيراً وأنتِ لا تخطبي
طيب الآن عندما تزوجت زالت هذه العثرة .. يعني بتنخطبي لأنه مافي أحد قدامهم غيرك وهم يكونوا حابين يناسبوا عيلتكم .. فهمتي علي؟

__________________
اللهم اجعلني من اوليائك الصالحين

والله يختي صادقة بس إذا بنسمع كلام الناس راح نتعب ..
تعرفي عجبتني وحدة قالت لي " هؤلاء أساءوا الأدب مع الله فكيف تريدينهم أن يتأدبوا معك "
لا تتعبي نفسياً ولا شي مافي شي يسوى والله .. أهم شي صحتك
تعرفي انا كانت فيا صفات مو حلوة كثير حساسية وتدقيق وزي كذا بس بعدين خليت قاعدتي في الحياة بعد رضا الله ..
أهم شي راحتي النفسية ..
آمييين الله يعوضنا في الجنة وقبلها في الدنيا مع ازواج صالحين .. ليس المهم متى تتزوج .. فالأهم من تتزوج .. بس تعرفي أنا حطيت لنفسي عمر افتراضي اني اتزوج بعد الثلاثين .. مو تشاؤم .. بس ابغى أعيش حياتي بدون ربطة مع زوج ما يستاهل.. يعني قدامي 6 سنوات هل حأعيشها في نكد وهم وغم ؟؟؟
لا طبعاً حأنبسط وأفرفش وأنجز حاجات كثييير .. أولها حفظ القرآن .. لو ختمت القرآن في دي الفترة حأكون سعيدة وحيكون تأخيري خير .. وفي دي الفترة ان تقدم أحد فلن اتنازل عن شروطي .. يعني لساعي شابة وقدامي العمر بيني وبينك وحدة قهرتني قالت لي لما اتناقشنا على الزواج وتأخيره انه تقل فرصة الانجاب بعد سن 35 وتزداد نسبة المنغولين فيها..
ما أخفيك زعلت شويا .. بس بعدين قلت في ناس في العشرينات وعندهم اطفال مصابين بنقص أكسجين او غيرها من الأمراض .. هذه كلها من أقدار ربي .. بعدين قلت طيب لو كنت انا عقيم ! لاسمح الله مو احسن استمتع بحياتي بدال ما اكتشف هذه الحقيقة وكل حياتي تكون بين المستشفيات .. يعني في الأخير الانجاب رزق من الله أيضاً.. وايش الأفضل اني اجيب عشرين واحد صايع ولا اقدر على تربيتهم ولا يساعدني زوجي لانه عديم المسؤولية من الأساس أم اتأنى في قرار الزواج علين ما يتقدم واحد مصحصح هذيك الساعة أقبل..
وطفل واحد او طفلين يكفوني لو جبتهم إذا ربي اراد .. وانا صغيرة كنت اقول ابغى اجيب 5 بنات و11 ولد ههههههههه بس بعدين عرفت ان التربية صعبة في هذا الزمن أهم شي تلقي زوج ناضج يقدر يساعدك على التربية مو حي الله أي واحد ونوافق عشان كلام الناس ونلبس فستان وننزف وبعدها نعض أصابع الندم..
احنا لو نبي نتزوج اي احد كان من زمان اتزوجنا لكننا نسعى في اختيار الشريك على حسب الخيارات المتاحة أمامنا ..
آمييين الله يسعدك انت بعد .. ويرزقك الزوج الصالح الطيب الحنون

__________________
اللهم اجعلني من اوليائك الصالحين

تعرفو جات في بالي فكرة عشان نحس بالراحة النفسية مؤقتا يعني ..
مثلاً إذا كان عمرك 23 لا تقولي خلال دي السنتين ابغى اتزوج قبل أن أصل لل 25
لا لا صدقيني حتتعبي .. وحتعيشي في نكد وقلق وحيبان عليكي هذا الشي والناس حيتصرفو معاكي على أساس الشي الواضح عليكي مهما أخفيتيه حيبان من حركات الجسد والنظرات يبااااااااااان وربي .. شوفي انا بحكم اني كاتبة فكان واضح هذا الشي على كتاباتي .. لحد ما اتكلمو عليا بعض الرفيقات الله يسامحهم .. عشان كذا لما الناس يردوحلك بكم كلمة على قولة الحجازيين هم يكلموكي على أساس أفكارك الداخلية .. والدليل انك انقهرتي ... لو هذا الشي مو هامك ما كنتي حتنقهري أبداً .. وعلى قدر ملامسة جرحك حيكون ألمك .. لذلك دائما طهري جرحك احرصي عليه كثيييرا خاصة قبل الذهاب للولائم دحين العيد وحتكون الاجتماعات كثيرة .. أنا بالنسبة لي كان دمار اني أروح فرح وحدة أصغر مني أحس الكل يطالع فيني لكن بعد ما غيرت أفكاري الداخلية ذهبت لعرس .. واستمتعت كثيراً ضحكت ولم يهمني اني أجلس في طاولة أنا أكبر واحدة فيها لم أتزوج .. بيني وبينكم حبيت ني أكون في وجه المدفع هههه يعني أفكر لو كنت متزوجة بنت خالي اللي أصغر مني على طول راح تحس بأحاسيسي هذه بس دحين في شي يواسيها اني اكبر منها وما اتزوجت .. شعوري اني اتسببت في سعادة انسان ريحني كثييير..
المهم نرجع للفكرة .. حطي في بالك أسوأ الاحتمالات كيف يعني؟ يعني.. إذا كان عمرك 23 قولي قدامي عمر حأستمتع فيه وانبسط إلى ال30
وإذا كان عمرك 30 قولي سن الثلاثينات أجمل عمر حأستمتع فيه قدر المستطاع إلى 37 .. وطبعا في دي الحالة شيلي من راسك فكرة ليش ماراح اتزوج إلا مطلق أو معدد .. مو لأن احنا فينا نقص لا بل لأنه لا يوجد أعزب تجاوز ال37 إلا إذا كان فيه مرض أو بلا .. أظن حتى انتي ما ترضي تتزوجي واحد أصغر منك.. وفي الأخير المعدد والمطلق رجل مثله مثل الأعزب ومثل اني لم أرضى في بداية عمري أن أتزوج أي أعزب فما راح أرضى الآن أن أتزوج أي مطلق وأي معدد فالعبرة بالرجل وليس بحالته الاجتماعية يوجد معدد ومطلق وأرمل.. أرجل من عازب ويوجد عازب يتزوجك ثم يتزوج عليكي ويقهرك أو يذلك أو يطلقك .. المهم بعد ما تسلمي أمرك ان قدامك عمر إلى 37 وراح اتزوج مطلق أو معدد قولي في نفسك حياتي دي اللي قبل الزواج ابغى انبسط فيها ..
مو تشاؤم صدقوني بس كذا الأريح لنا
"فكر في أسوأ الاحتمالات" هذه القاعدة قريتها من كتاب "ديل كارنيجي" دع القلق وأبدأ الحياة
بس تعرفوا حتى في الدعاء احنا مأمورين اننا ما نتعجل الإجابة ..
عشان كذا لا تقولي ما ابغا اوصل لل25 او ما ابغى أوصل ل30 أو ال37 ويكون باقيلك سنة او سنتين لا لا
حطيلك سنين أطول وكل ما توصليلها مددي .. كذا نفسياتنا يبغالها شوية حيلة عشان نتأقلم مع كافة الظروف ونعيش سعيدات ونتحمل كلام الناس .. ويبان أثر رضانا على وجهنا فمحد يقدر يتكلم وحتى لو اتكلمو تكون عندنا حصانة نفسية فما يأثر فينا الكلام ونقدر نرد عليه بمنطقية وما يجلس حسراات في نفسنا ..
احنا في رمضان وعارفين كيف لو جلستي تحسبي كم باقي على الفطور راح يطول الوقت وتزدادي جوع .. لكن لما تتناسي شي اسمه أكل وتنشغلي بحاجات ثانية وتسلمي انه لسى باقي وقت طويل ماراح تحسبيه بالملم وتتعبي ..
وإذا اتجاوزتي الأربعين في هذيك الحالة في خيارات كثيرة قدامنا من اللجوء للخطابة وما إلى ذلك حيكون مر عمر طويييل وتفكيرنا صار أنضج وعلاقتنا موسعة وأهل الخير كثيرين ..
والأهم من هذا وذاك انك تحافظي على دينك و تطوري نفسك في هذه الفترة تدرسي وتتوظفي وتتفوقي وتشاركي في أنشطة اجتماعية وخيرية .. وتنبسطي وتسعدي بمعنى الكلمة .. وتحافظي على روح العذراء في داخلك ما تحولي نفسك لعجوز يائسة محبطة .. ..
حرام عليكم احنا في أجمل فترة عمرية ... في سن الشاب بدون مسؤليات يا لله ما اروع ذلك وأجمله
شفتو السيدة خديجة رضي الله عنها اتزوجت وعمرها 45 من رجل عمره 25 هو الرسول صلى الله عليه وسلم .. صح اتأخرت في زمن الناس كانو يتزوجو في سن 9 سنوات والأرملة والمطلقة لا تلبث إلا ان تتزوج سريعاً .. لكنها حين تأنت .. وتأخر رزقها سعدت بأفضل زوج وحظيت بكونها أول من تسلم وخلد اسمها في التاريخ ..
وكانت امرأة صالحة لزوج يستحق ..
ونحن نحسبنا صالحات ولن نقبل إلا من يستحق .. وعلينا أن نبعد عن تفكيرنا أي شيء سلبي ...
حتى ان لم يتقدم لنا من يستحق سنتزوج في الجنة يا الله ما أسعدنا .
نحن بخير فاطمئنوا
اللهم اجمعنا في جنة الفردوس الأعلى.

__________________
اللهم اجعلني من اوليائك الصالحين

لولو خديجة رضي الله عنها كانت مطلقه مرتين ...

بس اللى تبغى تشيل الفكرة من راسها و الضيق النفسي بسيييطة
تقنع نفسها انو مو شرط اقدارنا تتشابه يعنى فلانة تزوجت مو شرط تتزوج الثانية
فلانه صابها مرض مو شرط الثانية كمان و هكذااا

الدنيا ابتلاءات و راح تنتهي سررريعا زي رمضان هههه
مايدرى الانسان متى يموت و ينتهى عمره سوا تزوح او ماتزوج
هذى امور فرعية و لكن الامور الاصلية كلنا نشترك فيها و راح نمر فيها
ربنا يرحمنا "

احيانا اخجل من ربي سبحانه و اشعر انى سخيفة لانى بشر علمى على قدى
و ربي يدبر امرى برحمته و حكمته """
الناس اللى تتكلم مهو اعلم و لا ارحم من ربنا هم بعد سخيييفين
و عندهم اقدار مهو راضين عنها """

الحياة قدر سوا خير او شر """"
كثييير زعلت على اشياء و عرفت بعدين ان فواتها خييير و راحة
و نبقى نتعلم كل يوم """" و ربنا ان شاء الله ما يغضب على جهلنا

لم أقف على مراجع علمية لعدد مرات طلاقها لكن المعروف أن الرسول صلى الله عليه وسلم لم يتزوج بكراً سوى عائشة رضي الله عنها .. فيتبين أنها كانت ثيب ورغم ذلك تزوجت خير البشرية .. يعني ممكن رزقك يأتي متأخراً ويكون هو أفضل شيء .. مو شرط اتزوج في 18 ويكون زواجي ناجح وممتاز لا ..
أهم شي ما نضيع عمرنا في الفاضي والحسرة .. وزقنا حنستوفيه كامل..
أي والله كلامك عين العقل .. الناس اللي تتكلم سخيفة وبشر فهمهم قاصر ولا يدركوا الحكمة من الأمور ..
ربنا هو الوحيد اللي عارف الأصلح لنا .. واحنا راضيين بكل ما كتبلنا إياه ..
رضينا يارب .. فلا تسخط علينا ..

__________________
اللهم اجعلني من اوليائك الصالحين

آمين يارب وياك وجميع البنوتات

مشاء الله كلامك درر

اهم شي 5 بنات 11 ولد ههههههه
تدري انا كنت اقول نأسس فريق كرة قدم هههه
لكن الاهم مين نتزوج؟ وكيف نربي؟

أستأذنك لولو أنسخ كلامك وأقرأه بين فترة وفترة عشان يزيد نشاطي

__________________
اللهم انك عفو كريم تحب العفو فاعف عنا

لا يا حبيبتي لا بنخطب ولا غيره هلأ فكل ما بتيجي اختي الصغيرة بحس بالحسرة والقهر على حالي....اخ شو بدنا نعمل

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة

تسلمين على كلامك الحلو .. وأفرحني أن كلامي يزيد نشاط أحدهم ..
رفيقتي كوني بخير دائماً .. وريحي بالك .. ولا تتعبي نفسيتك لشي مهو بيدك ..
بل بيد ملكوت السماوات والأرض .. أسأله بكرمه وفضله أن يرزقك ما تتمنين وأكثر.

__________________
اللهم اجعلني من اوليائك الصالحين

مو شرط تنخطبين كثير ومايصير نصيب صدقيني حيتعب نفسيتك أكثر هذا الشي ..
حلو يكون اول خاطب لك هو زوجك .. لأن كثرة الخطوبات تتعب النفسية والله أعلم بما يصلح لك وما لا يصلح
موضوع أختك أرجووووكي حاولي تعالجي نفسك قبل ما يتفاقم الأمر .. هذه الشعور سبق وقلتلك أنه طبيعي انك تتحسري لما تشوفيها لكن لما تطاوعي نفسك فيها راح تتعبي كثيييييير وحيبان عليكي .. وحتزيدي حسرة وألم ..
سؤال: هل تريدي ان تتغيري فعلاً أم أنه معرف فحسب؟

__________________
اللهم اجعلني من اوليائك الصالحين

كلام جميل جدا الرزق بيد الله ان الله على كل شيء قدير
واذا اراد شيئا ان يقول له كن فيكون والزواج رزق من الله تعالى اللهم ارزقنا ولا تحرمنا يا زوج جميع بنات المسلمين بازواج صالحين يا رب