الف ترليون زليون مبروك
روضه طمنيني سالم زين خوش واحد بيحطج بعيونه يحبج بدون شروط
تحسينه شاريج اهم شي
حنا ماتعرف القصه كامله
ولاتلوم العضوات بعضهم مو عارف شنو قوة العلاقه بينج وبين سالم
وانتي لما كنتي تسالينهم يتكلمون من النطاق الي يعرفون ةالعموميات الي شايفينها
انا اشوف اذا سالم شاريج وحاطج بعينه ومستعده يحارب العالم علشانج ومايبي وراج مصلحه
وبيخاف الله فيج ومايستخسر فيج شي
ابشري بالسعاده ان شاءالله
بس بسالج شلون تعرفتي على سالم كتتو تشتغلو سوى
ةالله يوفقج روضه

الاخت بيتا
الاخت رغده
الاخت مبتعثه
أشكرم خواتيه وبارك الله فيكم وعساها في موازين حسناتكم ..


اخت مبتعثه بغض الحديث بموضوع طريقه معرفتي على سالم وبعطيج رؤوس االأقلام تعرفت عليه يوم كنت مع زميلتي لانه عندها شغله بدائر اللي يعمل فيها سالم في بوظبي قبل مايحولونه لقسمهم بدبي ..

طيب طمنينا وش صار ع زيارتهم امس لكك

__________________
سبحان الله وبحمده

السلام والرحمه ..



الحمدلله اللي بفضله اتم الموضوع لي .. سالم كان اهني اليوم احداث واايده صارت ماادري من وين ابتدي الا بختصرهم عليكم ..


ابوي تفجا بموضوع زواج سالم الا انه قال راح يشاورني وعقب بيرد عليهم وطلب مهلة اسبوعين ويردون طبعن التفاصيل خذتها من حبيبي خليفه

بس قبل خلني اخبركم عن ابويه قعد معايا ومع اختيه الكبيره ومع الريم وريلها وخليفه وذياب وبنت اختي بعد ماقصرت كملت القعده يعني صرت انا اساس القعده كلها ..

قالي انه سالم متزوج وانه هاي حياتي وانه انا موب صغيره تعرفون نصايح اي اب لبنته قبل الزواج .. واختيه الكبيره تقول مانباه
ماتعرف اني اعرف بزواجه
قالت لا معرس شو نباه يوم عرس خله على وحده ابرك .. وروضه موب طايحه ومن هالكلام وانا ويهي صارت اشارات مرور يعني اقول اباه وعقب سالتني عادي عندج معرس قلتل موب مشكله الشرع محلل
قالت الله ياروضه كل اللي يدق الباب يباج تروغينه وقفت على سالم لايكون للحين تبينه قلتله انا ماادري عن شي لين ماخبرني ابويه وابويه يعرف اني اجذب على اختيه عشان امشي الموضوع وخليفه بعد ..

عقب ابوي قال لاختيه الكبيره بطرش ذياب ومنصور ينزلون جده ينشدون عن سالم واهلة ها شي لابد منه اختيه قالت ان شالله ياخذون اجازة وينزلون هاليومين .. عقب خليفه قال بسير معاهم ماعندي شي وبالمره باخذ عمره قلت على طول لاااه بسم الله عليك انت لا .. قلبي خليفه يروح لندن وقلبي يرقع هني بعد ينزل مع عيال اختي مااروم ..


قال روضه لاتمين جي حرام بسير وابويه قاله اقعد عند اختك واثنين بس يكفي ياخذون عمره ومنها يسالون عليه ..

ابويه يقول استخيري وفكري زين هاي حياتج قلتله ان شالله . ومن سار ابويه مسكتني اختي ام حمدان ولافجتني تمت على راسي شو تبينه يابنت الحلا معرس وحرمته بتلعوزج قلتله يعني اختج مااقدر عليها قلت انتي ترومين على قبيله موب على حرمه لكن مابالج العوزة ..
قلته بس سالم مابلقى شراته وطيب وفوق ها شاريني
قالت يوم شاريج ليش امه مايات تخطبج لايكون موب راضيه قلت والله ماعندي لكن بروحج سمعتي ابويه يقوله انه ام سالم مسويه عمليه بريلها على حسب كلام خال سالم ..


موب مهم عندي كل هالتفاصيل خبرت اختي المهم الريال شاريني وبعدين موب اول انسانه تتزوج متزوج
قالت ياروضه بكيفج انا نصحتج وهاي حياتج
ودخلت اليازي على خط قالت هي اماه خليها نباها تعرس عشان اسير اصمملي فستان اختي فلعتها بعلبه كلينكس قالت جبي انتي ..
اختي فوق الاربعين عمرها وتتصرف مثل الحريم الكبار مال اول هي اختي من ابوي موب من امي وابوي ..

بس فوق ها احبها ..
سالم مع ولد خاله ووعده يوديه دبي مول يعني ماراح يفضالي الا في الليل وهالاسبوع محلل رصيد اجازاته ..

والسموحه وعسى الايام تركض بسرعه وويملج عليا سالم ويصير كل شي بامر الله .. وتسهيله

ياااارب الله يوفقك ويسعدك

__________________
سبحان الله وبحمده

اشكرج اخت ريفان والله يوفقنا يميع

قرات موضوعك للتو يا روضه و استميحك عذرا فقد اهملت بعض الصفحات لطوله.
لا اعرف ما اقول؟؟؟
اتمنى لك التوفيق و ارجو ان لا تتغير مشاعرك بعد الزواج و تبقى متاججه كما هي الان
و لكن لي رجاء عندك
ارجوك ثم ارجوك ثم ارجوك لا تطلبي من سالم ان ينفصل عن زوجته حتى و ان كانا لا يعيشان الحب كما تشعران به الان
هناك شعور يسمى الالفه و الكثيير يكتفي به
دعي الامور لله يا عزيزتي روضه هو سيتدبر الامر و قد يحدث ما ليس بالحسبان
ختم الله عواقب امورنا بالخير

__________________
[img]http://im33.***********/edShu.gif[/img]

موفقه واستمري بالدعاء و الاستخاره و الصدقه

لا يابنت الحلال موب لهدرجه اتدخل في حياه بنت الناس .. اكبر مكسب لي هو سالم وقريب ان شالله اصير حلاله بعد مانخلص من الاشكاليات .. شو اباه اكثر من جي ؟؟

وان شالله المشآآعر ماتتغير بعد الزواج وتزيد المحبه ودامني راضيه بسالم على وضعه فرض علي اقبل الوضع مثل ماهو عليه ..
اشكرج اختي لحرصج على التذكير وربي يحفظج

اشكرج اختيه والله يجزيج الخير على التذكير