مرحباً بالجميع /

الأمر صعب عليها الآن ..دعوها الآن ولا تكتبوا شيء كي لاتغضب أكثر ..ارفقوا بها قليلاً ..

ريحوها من الردود قليلاً ..

أعتذر روضة على المداخلة ..

ارتاحي واشكي حزنكِ وحرقتكِ لله لا للبشر ...فيه ساعة إجابة الآن العصر ..ادعي أن يبرد الله على قلبكِ ..

الواقع هكذا ياحبيبة سلميها لله ..ترتاحي

مسح الله قلبكِ وهدأ بالكِ ..

حبيبتي سر كلامك صحيح .. لكن يهمنا أمر روضة
ونريدها أن تكون أكثر إدارة للأزمات التي تمر بها
لا تشحنها .. لا ترى الحق لنفسها فقط ..

__________________

الرجاء عدم الخروج عن صلب الموضوع والإلتفات لتراشق الكلمات والإتهامات
بعيدا عن فحوى الموضوع وإلا سوف أضطر آسفة لإغلاق الموضوع
البند
20 ـ النقد غير الموضوعي الذي يوجه لذوات الأعضاء, أو التعرض لهم بالتجريح أو الجمل الاستفزازية والتهكمية.

الإشراف

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

اشكرج عزيزتي رمست الوالد وكل الخير ان شالله بيصير

اششكرج على حرصج اخت اوراق

روضة ياقلبي
كل مرحلة من مراحل حياة اﻹنسان لها احتياجات سواءا جنسية أو نفسية أو اجتماعية
وهذه اﻹحتياجات تحتاج إلى ارواء واشباع،
هذه فطرة الله التي فطر الناس عليها ولا تبديل لخلق الله
يعني مو بس المراهق هو اللي له احتياجات لا ياروضة كل مرحلة لها احتياج،،
مو معنى اﻹنسان كبر خلاص نلغي مشاعره وكأننا نقول له إنت انتهيت ومالك حق تستمتع بمتع الحياة،

بحكي لك قصتين مختلفتين
اﻷولى:
لي زميلة بالعمل أمها متوفاة من خمس سنوات،،راح والدها خطب وشاف الشوفة الشرعية ثم بلغ
أبناؤه،،،، بنته اللي هي زميلتي بالعمل قومت الدنيا ماقعدتها،، سبحان الله نفس موقفك ونفس
كلامك ونفس ردة فعلك،،،وقد ما أقنعناها وفهمناها مافي أي فايدة معاها،،
"للعلم زميلتي متزوجة بس أغلب الوقت عند والدها عشان ترعاه وتاركة بيتها"
النتيجة أبوها اضطر ينهي مشروع الزواج،،وصار كل أسبوعين مسافر للمغرب..وتكالبت عليه
اﻷمراض ،، واﻷبناء منشغلون بحياتهم وظروفهم ومحد جنبه،،،حتى بنته اللي عارضت زواجه اضطرت
تسافر مع زوجها وتنتقل معاه... ومازال اﻷب وحيد محروم من حقه في الحياة.

الثانية:
هم جيراننا ماتت أمهم الله يرحمها،،، عاش اﻷب وحيد بدون زوجة،،يمكن سنة، لكن أبناؤه ماتركوه وحيد هم من خطبوا له وزوجوه،،،مع العلم عنده بنتين في البيت كانوا قايمات برعاية والدهم،،،
لكن مع هذا زوجوه..

اللي أبي أوصله لك محد يحل محل أحد ولا أحد ياخذ مكان أحد،،
كل شخص له حلاوته ومزيته في حياتنا،،
الزوجة لها منزلتها واﻷبناء لهم مكانتهم ووجودهم جميعا يشبع احتياجات اﻹنسان..
ونقص احدهم يكون اﻹنسان ناقص ويحتاج الشي الناقص.
اﻹنسان عنده طاقة ولازم يصرفها في المكان الصحيح،
شوفي ياروضة اللي ماخلفوا كم يتمنون اﻹنجاب مهما كبروا،،، انسجام الزوجين مع بعض
ما أغناهم عن رغبة وجود اﻷطفال بحياتهم..ويظلوا يدوروا عن كل وسائل اﻹنجاب ليشبعوا حاجتهم الفطرية.
أتمنى تتقبلين مني ومانزعلين.ترى كلنا نريد الفايدة والخير لك.

انانيه منكم انكم تعارضو زواج ابوك بعد وفاة الوالده الله يرحمها بسنين
زوجك لا يتدخل في مواضيعكم العائليه لانه عند اول خناقه بينكم رح يذلك بالكلام عن ماحدث في عائلتكم مثل ما حدث معك في اخر خناقه لما تلقظ على ابوك واخوانك وقال ما وراك رجال والخ الخ

__________________

1) أنا رجل وأعرف كيف يفكر والدك وكيف حلل الموضوع.
2) والدك –عافاه الله- لا ينحصر فكره في زاوية معينة ألمحتِ لها لأسباب منها العمرية، والجسدية وغيرها.
3) والدك يود بوجود أنيسٍ بقربه يأنس به في حياته المتبقية فأنتم أولاده لن تمكثوا لديه طوال العمر.
4) والدك يرغب بمن تقوم بشؤونه وحاجاته؛ فالبشر لهم حاجات مختلفة متنوعة حسب العمر.

مشكورين على النصيحه

تكلمنا في الموضوع وخبرته اني ماباها ومابا اجوفها في البيت وخل يجوفلها بيت تسكن فيه قالي كلام وايد عنها وانا ادري مجرد مديح عشان نتقبلها بصدر رحب لكن اهم شي وجهة نظري وصلتله بشكل واضح

في البدايه قال ليش ماتبيني اييبها البيت الحرمه حافظه 12 جزء وفاتحه دار تحفيظ القران ووووو من هالكلام قلتله يوم بتموت حرمتك عملها بيروح معاها يعني تحفظ ماتحفظ لنفسها
واظني يلسه في البيت بوسطنا ماله معنى انت طول هالفتره برى البيت راد معاك وحده اسمحليا هاي باجر بتخرب بيتنا وبتشل وبتحط بكيفها والبيت مايباله اثنين يديرونه يكفي واحد

وانا موجوده .. قالي انتي بنتي ياروضه وهاي تراها زوجتي .. قلته تزوجت خلاص انتهينا واجب عليك تسكنها بعيد عنا


انا ماباها ولا ابا اجوفها حتى خليفه مايباها شو بعد لي انطولها وهي قصيره


تم يقولي الحرمه الحين بتخلص امورها هناك بتببع المعهد مال تحفيظ القران والدينها متوفين ماعندها عيال مطلقه من عشر سنين لا ماتييب عيال ماعندها غير اخوانها وعايشه معاهم بحكم اشغالهم في بانكوك

واحد عنده مطعم والثاني في العقارات وهالمراه دوم اجوفها عند اخوها تساعده في المطعم وتغسل وسمحه طيبه


قلتله ساعدها تصدق عليها بس ماتتزوجها
قالي والله ياروضه تعاملها طيب وانها حشيمه


اصلن ليش ابويه بيقولي عكس الكلام طبعن بيسمعني كلام طيب عشان اقول

الله زين والله مبروووك مبرووك هه طبيعي يطلعها بالزين

المهم قلتله االلي عندي خليفه بياخذ حجره امي وهي مالها مكان هني بتسكن وين يقولي هاي حجر فاضيه قلتله حجر خواتيه موب معقوله يعني

قلتله ابويا خلها بعيد منها نرتاح وانت ترتاح.. قالي على العموم فكري ياروضه جدامنا وقت

وانتهينا من الحديث
خليفه يقول صدق بتعطيني حجره امي قلتله اكيد ها وقتك والحجره لك قالي مايصير تسكن الحرمه في حجره اللي تحت فاضيه

قلتله لا طبعن اليوم بتسكن في الحجره اللي تحت باجر بتروغك من البيت هاييل مايفكرون الا في مصلحتهم

قالي صدقج تراني موب ولدها ..


المهم ابويه وضحتله موقفي وتكلمت بهدوء والله يجدم اللي فيه الخير

الحمدلله رب العالمين ..

المهم تحاورتي معه بهدوء ياروضة الحبيبة ...

أنا أعلم قلبكِ الكبير ياروضة الذي يتسع !! أثق بكِ كثيراً ..

ستمر هذه الأزمة كباقي الأزمات بإذن الله .

والدكِ يحبكِ ياروضة ..الله يرضى عليكِ اسعدي من أجله ولو مجاملة الآن لاتنظري إليه بعين العتب واللوم ..

أعلم صعب ..لكن عشان خاطري فكري به بعقل بعقل تذكري ماذا فعل لأجل هذه الروضة وماذا قدم لها ولأخوتها ...

أسأل الله لكِ راحة البال ..