على أول درب يا خذني على فرقاك ،
تغانمت العمر … وأغريت : ترحالي !

وسجيت القدم عنك ... بدون إدراك ،
وغبت … وذكرياتك في طرف بالي !

عسى الله يحرمك من دمعتك وبكاك ،
ليامن جيت في بالك … وأنا سالي !

وعسى الله ما يجيب بغفلتي ذكراك ،
ليا من صرت بين الناس ... ولحالي !

أنا ادري إني اكره هجرك ... ولولاك ،
ما علقّت القصيد .. بصوت : موّالي !

ولكن : المفارق … لو : مهو برضاك ،
أشوفه .. أفضل : الموجود وأشوالي !

وإذا على : الغرام ، اللي بقى ويّاك ،
تنسيك : الليالي .. ( يا بعد حالي ) !

أبفقد بسمتك ... وحجاجك الضحّاك ،
( وأبحتاجك ) … ليا ملّيت : غربالي !

وأبظما : للسهر / وأشتآق / وأتمناك ،
وأبندم ... كل : ما طيفك ... تهيالي !

وبأدري إن : السعادة .. فيك وبلياك ،
وبأدري إن : الحزن … مجرّد ليالي !

إلين إلين / احس إني : بديت أنساك ،
وإلين : أنساك … ( والأيام تحلالي ) !

ومع الأيام … لا شفتك : هنا وهناك ،
ما راح : أتذكرك … لو تجلس قبالي !