السلام عليكم ورحمة الله وبركاته

شحالكم أعضاء وعضو آت
رجعت لكم مره ثانيه لان ماعندي احد اشكي له إلا انتم

تعبت مع زوجي أحاول أراضيه بأي طريقه حتى صرت ما اطلع ولا أروح مكان كله اهتم في بيتي وعيالي
وهو
المشكلة اللي بينا انه مايعجبه اي شي اسويه له وإذا سألته يزعل ويعصب يقول انتي المفروض ماتسألين شو خاطري فيه من نفسج تسوين
وإذا سويت من نفسي بعد يزعل وما يعجبه لدرجه انه مره قاللي انتي تسوين لي عكس اللي أبيه

ومره قاللي انتي ما منج فايده
والله ان الأهل يقولون نحن اول مره نشوف وحده تهتم بزوجها مثلج
وأخواته تقولن أخوي مشيج على الصراط المستقيم
أحسه يدور مشكله من ماشي
انا صرت مثل الآله يقولي روحي يمين أروح يمين وإذا شمال بعد أروح
أحس عمري شوي وبيجيني انهيار عصبي

قبل شوي رجع من برع متضايق جلست عنده في هدوء قلت له شو فيك
قال متضايق قلت له اقدر اعرف من شوو
قال بس جي
قلت له انت تعرف انا ما احب أشوفك زعلان ومتضايق خاطرك في شي اسوي لك إياه يريحك
قال المفروض من نفسج تسوين بدون ماتسألين قلت له لو كنت اقدر اعرف شو اللي فقلبك ماكنت سألتك
وكنت شلت الهم منك
بعدها دخلت بنتي قاللي انتي وبنتج طلعوا برع
نومت بنتي ورجعت له قلت له نمت قال لا أسترخي

بسته على راسه وقلت له أحبك فديتك ما عطاني سالفه ولا تجاوب منه
هني حسيت انه مو طايقني طلعت والحين جالسه بروحي في الصالة

صار لي معاه فتره طويله أحسه مايتقبل مني شي كأنه مجبور على الحياه معاي
سويت له كل شي
وإذا غلطت اعتذر له في نفس الوقت
والله اني ادعيله وأخاف الله فيه

دخيلكم تعبت أخاف أيجيني يوم وأقول خلاص تعبت واتركه
سامحوني لكن متضايقة وايد اكتب واصيح

اشوفه انتقادي و بزياده بس يمكن ضغوط

و لا تنسي انه الرجل انسحابي في حال الضغوط يجلس مع نفسه و يحاول يلاقي حل

لكن نحن النساء نبربر وقت لما نطبح في مشكله

و من خلال حديثنا و بربرتنا و تواصلنا نلقى حل بإذن الله

عموما لو قال انت المفروض تعرفي او تكتشفي

قوليله و الله انا موب قاعده وسط قلبك ❤

و خليكي وآثقه من نفسك اهم شي الثقه في النفس 👍

__________________
[img]http://im78.***********/FRd0Bi.jpeg[/img]

تسلمين حبيبتي عاشقة القهوة
انا تعبت معاه وايد
لدرجه صرت ما اثق في نفسي
نحن ساكنين بروحنا لما نزور اهله يقولي يلا روحي سويلي بسبوسه اوكيك بس عشان يراويهم ان حرمتي تطيعني
وانا بطيب خاطر اسوي له
لكن دايما مايعجبه ينتقد انا تعبانه وايد
لما اشوف خواتي وامي وكل اللي يقربولي مرتاحين مع ازواجهم اقعد اصيح
واقول انا شو سويت عشان امر بهالشي
ادور الصبر بس واحاول ابين اني سعيده بحياتي وان اموري طيبه
قدام الناس لكن كلهم يعرفون
واهلي اكثر عن مره سمعوه وهو يصرخ علي او على عياله
وانا اغطي عالموضووع

حاولي تعانديه باشياء بسيطة .. صيري معو شقية .. عاكسيه
..

يمكن هو بحب شرية حياتو يكون الها رأي و شخصية و افكار من عقلها

طيب هدي حالك يا قمر

اذا هو عيّار انتي فين ثقتك في نفسك !!

كل كلامه لآزم تسوين له ديليت ....

و بعدين بعطيك مثال

هو عاب كيكتك او بسبوستك ،،، فلما يطلبها مره ثانيه قولي و الله انا ما اعرف ؟!

مو انت تقول كيكتك فيها و فيها !!!

خليه ليما يتأدب و يحتار كيف يغير اسلوبه ؟؟

الظاهر انه ينتقد ليظهر ضيقته فيك

و انتي صدقتيه ؟! و تعتقدين فيك عيب او نقص !!

__________________
[img]http://im78.***********/FRd0Bi.jpeg[/img]

احس يباله حرمه قويه تقدر ترد عليه
وتبين له اغلاطه
انا عمري ماقلت له انت قصرت معاي لاني استحي اقول هالشي اذكر طيبه وانسى سيئاته

اخاف منه واخاف اعانده
صرت انسانه ضعيفه ما احس بطعم الحياه كأني فحفرة وما اقدر اطلع منها
هذي مشاعري اللي احس فيها

على فكرة انا ما اعرف الف وادور معاه في الكلام واسوي مشاكل لما يضايقني ويسوي لي مشاكل
اطلب الطلاق لاني ما اعرف اعبر عن الي في نفسي
ولا اقدر اطلب منه
لاني اعرف الانسان اللي يحب مايكدر حبيبه ويحب يسعده
لكن انا اشوف عمري اتعب معاه
كيف يحبني هالانسان احسه مايحبني جالس معاي عشان العيال

بتتعلمين تصيري قويه ان شاء الله

بس المهم انك تحبي تكوني قويه

مشاعرك خليها سحآب تمطر بالخير و محد يدوسها

و ليست ارض لاستقبال الطيب و الخبيث من الاعشاش و النباتات !!

و ليست ارضا يداس عليها !!

انتي تقرري مشاعرك و اسلوبك بمعزل عن الآخرين بإذن الله

بس قرري

!!

زوجك اكيد له ايجابيات ثانيه و لو ان هذي الامور تضايقك منه

بس افتكري الطيب

و لا تقولين ما يحبني

قولي يحبني و من حبه مالقى احد يضايقه غيري

لأني محبوبته !

و ما ننكر انك لا تستسلمي و تصدقي

مثلا قالك كيكتك مو حلوه و هو بآلع ثلاث ارباع الكيكه

قوليله ايه مو حلوه

اكيد من لما تمسها يدك تصير ايش حلآتها ،،،،

__________________
[img]http://im78.***********/FRd0Bi.jpeg[/img]

اقعدي معاه صراحه وقولي الي بخاطرك وانك مو راضيه على عدم الاحترام وبيني له انك بتاخذي موقف حازم ان قلل احترامه
وانتي لا شفتيه متضايقه لا تصيري حنانه وتحومي حوله عطيه مجاله

نصيحتي لك ارقيه .. وحافظي على قراءة سورة البقرة في منزلك
وسترين التغيير