الله يتولاك ويحفظك بحفظه ويكفيك شر كل ذي شر...والله ماالوم تذبذبك ياروح لان المرأة مهما كانت قويه الا ماتحتاج حواليها رجال يكفيها نذالة بعض الذكور اللي مايخافوا ربنا ...اللهم دبرها باحسن تديبر واحفظها واطفالها من كل من اراد بها سوءا...الله ييسر امرك يا روح استودعناك الله انت واطفالك...وطمنيني عليك ياروح..وثقي اني والاخوات اللي يحبوك ندثرك بدعواتنا..

__________________
سبحان الله وبحمده..سبحان الله العظيم

قلوبنا معك

وطمنينا على اللي حيصير معاك اليوم

الله يكتب لك اللي فيه الخير والصالح

"روح" هذه خطوة سليمة
نعلم ان المحامي سيكلفك مالا تفضلين ادخاره بسبب ظروفك ولكنه افضل مرشد في وضعك
لديك ثلاثة اطفال (الله يحميهم) لا تريدين خسارتهم بسبب مراوغة زوجك وبعض الموظفين.
المحامي سيكون خير عون لك بعد الله.
دعواتي لك، ان يفرج الله همك ويقر عينك باولادك وينزل السكينة على قلبك.

المستشار الاسري تقصدين ؟؟
هل يحق له أن يشهد ويكشف الأمور التي حدثت خلال جلسات الاستشارة ؟؟
أليس من المفروض ان تكون الاستشارة سرية وخاصة ؟؟

أنا اللي قصدته :
هل تقبل برجوعه في حياتها لخدمتها هي وأبناءها فقط؟.. أم أن يعود بصفته زوجا لها عليه مسؤوليات كأي زوج آخر .؟
لاحظي ، هناك فرق بين عبارة ( يقوم بواجباته ومسؤولياته ) وعبارة ( ليقوم بخدمتنا وقضاء حوائجنا) ..


صحيح روح ..
أنت تتحملين جزء من مسؤولية تكون شخصيته ..
فقد كنت (ومازلت) تعاملينه كأنه طفل وأنت امه ..
أردت اصلاح سوء تربية ومعاملة أهله له .. ولكن طريقتك كانت خاطئة جدا للأسف فقد أصبحت شخصيته أسوأ ..
وهنا لا مجال للعتاب لأن ماحدث حدث وأنتهى ..
ولا ينفع البكاء على اللبن المسكوب ..
ركزي في القادم ..
ولو عدت له وكان خيرا وصلاحا لنا حديث آخر حول كيفية التعامل معه..

قلت للمحامي الشي هذا
اني انا اخلاقي ماتسمح لي؛ اني أغدر ب زوجي ..
لاني انا الي طلبت منه يروح للمستشار و يقول له كل شي عشان يساعدنا المستشار ..

قال لي المحامي :
شوفي .. هو يا ابيض يا اسود ..
و قال من مصلحة الاطفال يكونوا معاك و هو غير مؤهل لتربيتهم
هو ما يبغى الاطفال؛ لكن بيستخدمهم ك ورقة ضغط عشان يحصل على المال مني

و قال ما اقول لزوجي مين هو الشاهد ..
بس اقول للقاضي عندي شهود ..

سواء المستشار او الشيوخ المصلحين الي هو أقر امامهم ..

.
.

بعدين شهادتهم مو عشان ( تعزيره او اي اذى عليه ) ..
فقط لاسقاط حق الحضانة عنه ..

لانه يهدد ما يجلسوا معاك لو تزوجتي غيري ..

.
.

و قلت لاختي نفس كلامك ام الدانة

قالت لي زوجك غدر فيك طوال فترة حياتكم عشان وساخته
مافيها شي لو مرة تعامليه بنفس سلاحه عشان مصلحة الاطفال

ام الدانة

انا جربت كل الطرق للتعامل معه ..
رجعنا من بريطانيا و القيت عليه كل المسئوليات ..

و اكتشفت بعدين محادثاته مع واحدة فقط قبل عامين ..
و الي يقولوا كشفتيه قبل عامين ..

انا ما عرفت حقيقته فعلا ( غير الان ) .. و فهمت كل تفاصيل الي صار قبل عامين
غير الان

و هو تعدل خلال السنتين هذه لدرجة كبييييرة .. و اثبت جديته
و كان واقف معايا و مع الاطفال ..

حتى العلاقات من التواريخ تبع المحادثات
واضح انه انقطع عنها .. و رجع لها من شهرين قبل اكتشف الدليل
انا كشفته و حسيت لكن ماعندي كان اثبات

و يقول لي انت عشان كل مرة تفكريني ..

أقصد: باعتباره مستشار نفسي من أهم أخلاقيات مهنته الحفاظ على خصوصية الاستشارات والجلسات بينه وبيكنم، هل يجوز للمحكمة القبول بالاستشهاد به وكشف مادار بينكم في الجلسات الاستشارية؟؟

مسكينة المرأة في مجتمعنا..الزواج أحيانا يكون سجن لنا.. قيد.. لا نستطيع الفكاك منه.. لا أحد ينفعنا بعد والدنا إلا الله.. كثيرا ما أفكر في الخلاص منه في حياة والداي وعزهم.. لكن هذا القرا صعب جدا.. مع أن لا شيء يشفع له.. سوى حبه لأطفاله الثلاثة.. لا أدر.. بكيت عندنا قرأت مشاركاتك الأخيرة.. تحرش الرجال بك.. ما هذه الحيوانية اللتي في البشر.. ما هذا الانحراف!!
أليس لك أخ يا أختي?? يوقف معك في هذه الظروف?? زوج أخت??? يقوم بكل هذه الإجراءات والتفاصيل عنك.. أود نصحك برمي قلبك جانبا.. فأنا أم.. وعندي مثلك ثلاثة.. وفي اليوم أحترق عشرات المرات.. لأني مضطرة لحياة.. خوفا على طفلاتي.. من مستقبل مجهول.. لو كان زوج يشكي من زوجته بأنه يششك فيها.. فقط شك.. لنثحه الأغلب بالطلاق.. لأنه لن يستطيع احتمال الشك..
ولماذا نحن علينا أن نتحمل كل سيء.. الإساءة.. البخل.. الجفاف العاطفي.. الإهمال.. لمجرد أنه يحمل لقب ذكر!!!!!!!
لا تنزعجي مني حبيبتي.. فوالله أحبك جدا..

ام الدانة

هذا مستشار اجتماعي و ليس نفسي

و زوجي راح يقسم بالقران و يحلف انه ماعنده اي علاقات
و اني كذابة ..

و القاضي بس يبغى يعرف (صح و لا غلط) ..
عشان يشوف مصلحة الاطفال فين تكون !

القاضي ما يبغى يعرف التفاصيل ..
فقط .. هل صحيح اقام علاقات جنسية غير شرعية و لا لا ؟