المشكلة جايبها من محل اكرهه واكره خامته
وبعضها فساتين والفساتين ما احسها مناسبة لعمر بنتي

لكن حسوي زيك والله يستر ما ياخذها عادة هوا يقضيلها

اشتري دماغك حبيبتي

بكرة بيكون أحسن ان شاء الله

ميرتي أنا ماراح أعلق على أي شيء من اللي ذكرت عشان لاأكون مخببة زوجة على زوجها ... لكن أرجوك ولا حتى تفكري تفكير تروحي بعثة مع واحد بنوعية زوجك تغور الدراسة في ستين دهية إذا عارفة اني حخسر كرامتي وأعصابي وصحتي يعني أظن لو تحطي على فمك لزقة ماتتكلمي برضه ماراح تسلمي ,,, الله يعينك ويفرج عنك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

الامر خرج من يدي باقي اقل من شهر ع رحلتنا
وعارفه اني لازم اروح مهما كذبت ع نفسي
ﻷن لنا سنة مقدمين عليها !
وعارفة ان رفضي كان شوية ويجلطه ﻷنه متأخر مرة !
لكن حبيت اعطيه قرصة على التهديد !!
اتمنى يعرف اني قادرة جدا على النكد !
واتمنى فعلا إنه انقرص مهمها كانت تخطيطاته!!

يمكن تتساءلون ليه قدمتي من البدايةوهذا زوجك !

لكن احنا ما استقرينا الا من سنة
قبل يجني كل خميس وجمعة وما شوف منه الا الوجه الحلو !
واول ما استقرينا قدمت وما توقعت انه كذا

غير انه تعب كثير باحراءاتها ودفع كثير زي 18 الف !
واحنا مستوانا مو عالي مرة متوسط .
فصعبان علي انكر هذا كله

وهو ما سار منفر الا من كم شهر

مدري انا قدرتي ع التحمل والصبر قلت !

هل فيه طريقة اعالج فيها نوبات غضبه
ابغاه اكثر تماسك
واكثر احتوى للمواقف !

فكرت بالدورات لكن ما يحبها

هذا مفتاحه وجربي
اسكتي وبعدين في وقت ثاني ناقشيه

__________________
وهل من مصير اخر ؟

يا حبيبة قلبي مو بسرزوجك فيه هالحالة عدد لا يستهان به عندهم بحال الغضب اسكتي اسمعي وطنشي وانتي ماشية ،، انا قبل زواجي على بالي هالصفة مجرد طبيعة تنتقل بالعائلة فقط ولكن اتضح ان لاا ! هاذي شخصية متطبعة ببعض الرجال اذا مو اغلبهم ... اخواني ، ازواج خواتي، وزوجي طبعا والجميع لا تربطهم علاقة اهل!

عليك بالصبر وهو عطاك الزبدة ،، اذا انا معصب سكتي عني فخلص طنشيه وسكتي ساعات السكوت من ذهب وبالعكس مريح للاعصاب ويحميك من فلتات اللسان بالنهاية هو اللي يانبه ضميره ويراضيك ..

موضوع الدورات ما عتقد ينفع الرجال ممكن مضغوط حاليا وبمجرد يشوفك هادئة مع الايام راح يتعلم منك شوي شوي ... يحتاج لتمارين اليوغا بالبيت او المساج هالشي يهدأ الواحد ويخفف توتره وعصبيته وهاذي بتجربتي على نفسي ..

سالفة انه يتعود يشتري للكتكوتة فلا تخافين اغلب الرجال مايجي لهم مزاج لسوالفنه ههههههه وحتى لو جاب ماعليه تعالي له بحب ورومنسية واطلبيه تشترين من السوق واذا وصلتي اخذي اللي تبغينه واما اللي اشتراه مافي مشكلة تلبسين طفلتك لو مرة وحده عن خاطره وبعدها تقدرين تتصدقين فيه دامه جديد لان حرام ناس محتاجة ...

ربي يسعدكم ويوفقكم ويسخركم لبعض ان شاء الله ،، وماعليه حاليا انتوا قاعدين تستقرون فمن جذي كل واحد يكتشف طبيعه الثاني على بلاطه ويحتاج يتكيف مع الثاني ،،

ايوا حبيبتي

أنا مشكلتي بسبب عصبيته !
يعصب ليه تناقشين
كيف بتمشي الحياة بدون مناقشة وتهوره وقت عصبيته اظنها نادرة
تخيلي مرة كنا مسافرين
وشاف طيارة وهو مجنون سفر وهذا عيب ثاني !
قالي لما اشوف الطيارة ارتاح
انا قمت امزح معه
واقوله شكل عمتي رمت سرك بطيارة
وكنا نضحك ومبسوطين رايحين للبحر

بعدين قلت دامه فايق خليني اوضح وجهي نظري بسفرياته
وبجيبها بشكل عام !!
قلت بس اشوف كثرة السفر للزوج عيب
اما خلاني اكممممل
الا الرجال طرطع انتي بتعلميني العيب !
قلتله افهم مني وخليني اكمل اقصد عيب بالزوج يعني سلبيه
مو عيب يعني قلة ادب ؟
المهم كمل عليا الاسطوانة
ومسك خط مدينتنا راجع !!
طبعا كنت ساكته وقت تهزيئه !
لكن ما سلمت من تهوره
اخر شيء سويت نفسي نايمة !


يعني ايش الحل اكون ساكته ما نفتح مواضيع ما نهرج !

زوجك مايبغى تنتقديه بشي
تجنبي توجيه الملاحظات والانتقادات بشكل مباشر
والله يعينك
اي مكان ابتعاثكم