السلام عليكم أعضاء هذا المنتدى الجميل محتاجه مشورتكم بموضع حساس اختي ملكت لها أسبوعين بعد ماسالو اهلي عنه وهو من برى جماعتنا المشكلة هو للحين ماتصل ولا زارها رغم إنّو عادي عندهم لأكن هو أبد ماحاول انه يتواصل معها وهي متضايقة تقول لازم أقابله اقل شي مره لانها مانعرف شي عنه أبدا غير اللي سالو عنه إِيش رأيكم اخليها تنتظر ولا تسكت ولايش تسوي شورو علينا .......

(تم التعديل ليتناسب مع المضمون)

هل اتفقتوا على موعد الزواج؟

إذا الاجابة نعم فكم بقي على الموعد؟

اذا اهلك يبغوها ترجع مطلقه يرموها عليه

ارجعو اسألو من جديد مارح شي لاتنسي إنه فرق في مجتمعنا بين ثيب وبكر لذلك كلمو أحد يسأل عنه خالك عمك احد تثقو فيه..

لاتورطو أختكم بعدم السؤال عنه

وسالفة انه مايدق مالها دخل باخلاقه لانه بعضهم يستحي او شي لدلك السؤال عنه أهم من التعرف عليه لانه مارح يظهر لها عيوبه

وخليها تدعي ربها اذا خير يقدمه واذا شر يبعده

طبعا تسكت
اهم شي الثقل
ومصيره بيكلمها

صعب تسكت والاصعب تبادر
الحل الوسط إن كان لديك إخوة من سنه يختلطون به يعزمونه يروحون ويجون معاه ويعرفون وشهو من لحية وش معدنه بين الرجال

رد : محتاجة مشورتهم خاصه اخواني الأعضاء
هل اتفقتوا على موعد الزواج؟

إذا الاجابة نعم فكم بقي على الموعد ......لاماتفقو باقي بس يقولو قريب خلا الشهرين القادمين

ممكن ماعنده اسلوب في السوالف لان فيه ناس كثير مثله واذا سألناه ليش ماتكلمها يقول ماعرف وش اقول لها ويخاف يجيب العيد في السواليف

وعليكم السلام ورحمة الله وبركاته

ياجماعة لاتحملون الموضوع اكبر من حجمة
انا اشوف انه عادي جداً .. يمكن الرجال خجول وحياوي

غير كذا يمكن لانه برا الجماعة مايدري انو عادي عندكم!!
يمكن عندة ظروف صحية او شخصية!! ماتدرون

حنا مثلاً مستحيل تكلمها والا تشوفها الا ليلة عرسك غير كذا احلم
ادري انكم تشوفونها غلط او نوع من انواع التحجر لكن حنا كذا وشنسوي!!

__________________
استغفر الله واتوب إليه

شي طبيعي بعض الخاطبين ما يشوف زوجته إلا ليلة الزواج وتلقى بين فترة الخطوبة والزواج أكثر من شهرين

وبعضهم أول ما يتملك زيارات ومكالمات الناس تختلف

مصيره يكلمها وين راح يروح يعني و هي زوجته