الله يعوضك خير أختي ..
قصتك فيها من الألم .. والحزن .. ما ذكرني بقصتي ..
أنا صار لي سنتين .. وأحيانا .. أحزن وأكتئب .. وأتذكر الألم والصدمه وكأنها حدثت بالأمس ..
لكن في الأوقات التي اقترب فيها من الله ..
والله ثم والله ..اني أحمد الله أن أبتلاني بمثل ما اُبتليت ..
الله خلصني .. من رجل .. هو فقط ذكر بعيد كل البعد عن معاني الرجوله ..
والله ايضا خلصك .. أفرحي .. لأن الله أحبك .. وصرفه عنك ..
وأسمعي لقول نبينا الكريم ..
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له ..
صحيح .. الوضع مؤلم .. لكن ليس بمؤلم .. مثل من فقدت أحد ابنائها ..
أو بمثل من فقد صحته وأصبح يعيش على اسطوانات الاكسجين .. او تحت تأثير الادوية .. أن نسيها في يوم .. أعتلت صحته لعدة أيام ..
أفرحي .. وعلقي قلبك .. بالله ..
أدعي الله .. فالله يحب سماعك تدعين .. وأبتسمي .. وتصدقي .. وبري بوالديك .. وصلي رحمك .. وأقرئي ورد منتظم من القرأن واذا استطعتي ابدئي الحفظ .. وأفعلي كل خير تستطعين القيام به .. وانويها تقربا الى الله ..
والله ثم والله .. ستجدين طعم السعاده في بلائك .. وستعلمين كم أنتي محظوظة..

ملاحظه .. لا تكلفي نفسك فوق طاقتها .. خذي الامور بروية .. وبتوكل على الله ...


يارب فرج كربها .. وأزل همها وغمها ...وارضى عنها .. وأملئ قلبها بالرضى .. يا حي يا قيوم ..

الحمدلله أنك تطلقتي منه
غيرك مدبسة بزوج كطليقك لاتستطيع الخلاص وليس وراها أهل تعتمد عليهم
وضعك افضل من كثيرات
والله أنك في نعمة تطلقي منه وخلصتي
وطفلتك هدية من الله
حفظها لك

يا قلبي حاسه فيك لانه سبب طلاقي خيانة زوجي وصدمتي فيه عندما كشفت انه يخونني
صار معي انهيار عصبي واهلي اخذوني على المستشفى واعطوني ابر مهدئه وبدو يصيرلي سنه مطلقه وصدري وقلبي يؤلمني
طليقي كمل جميلته وخطب حسبي الله ونعم الوكيل الله يأخذ حقي منه

__________________
رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ
لا إله إلا أنت سبحانك إني كنت من الظالمين
اللهم اكفني بحلالك عن حرامك وأغنني بفضلك عمن سواك

ماشالله عليك انا اشهد انك بنت رجال..لاتلتفتين للماضي ابداً ..خلاص اخذتي درس منه وراح..هم لهم رب يمهل ولايهمل لاتخافين عليهم بيجيهم اللي يبيكهم دم..اتمنى ان زوج الخاينه يكتشف سواياها عشان تتادب،،انتي حبيبتي انشغلي بمستقبلك دراستك ،وظيفتك، بنتك ،وان شاءالله ربي يعوضك بالرجل الصالح اللي تستاهلينه ويستاهلك

اللهم آمين
حاولت بس موقادره أنسى
لو تناسيت بنته تذكرني فيه..!
شكرا على ردك ونصيحتك اختي
اللهم آمين
بالنسبه للنفقه طلب منه اخوي 500 ريال شهريا وطنش وقبل فتره طلبت من أخته تكلمه يساعدني بمصروفها وكمان ماردت علي
بيعاقبني بالبنت اللي مالها ذنب بس لاني طلبت الطلاق وفضحته عند اهله
قلت لإخواني برفع قضيه نفقه عليه ورفضوا قالوا لاتفضحينا بالمحاكم رزقها على الله
حسبي الله على كل اب مايحس بالمسئوليه ولايهتم بااطفاله
جزاك الله خير اختي

اللهم آمين
عارفه مايستاهلني بس حزينه على نفسي وعلى بنتي
رافضين أخواني المحاكم
شكراً على ردك ومشاركتك
اللهم آمين
جزاك الله خير على الدعوه اللي تشرح الصدر
ماابي اظلمه مااتوقع وصلت للزنا وماعندي دليل
بس شفت أرقام البنات فقط ورجعت له جهازه من الصدمه

امين يارب
شكرا لك ع ردك واهتمامك

لاتخافين حبيبتي بيجي يوم وبيعض اصابعه ندم وقهر
لاتدعين عليهم ادعي لنفسك
ربي ييسر امورك ويحفظ لك بنتك
دائماً الطمع يضيع
وياكثر الي تاخذه العزه بفعله وينسى نفسه ويظلم
وربي حاسه فيك
الحياة ماتوقف عليه
وانصحك بعد
لاتملين قلبك حقد وغضب
خلي قلبك راضي مطمئن
ولا تلومين نفسك ع شيء
خلي دعوتك حسبي الله وكفى
بثقه ورضى تامه
فرج الله همك وكربك وانا والجميع

اللهم آمين
يسعدك ربي

اللهم آمين
شكرا على مشاركتك ونصيحتك

انا ماابكي عليه!!
ابكي على حظي!!
ابكي على بنتي اللي انحرمت من ابوها ومن جو الاسره اللي تعيشه مثل كل طفل بين أم وأب!!
ابكي على اللي سببه لي!!
حطمني ودمر حياتي وانحسب علي زواج وانا ماتهنيت
من بيتقدم لوحده عمرها بالثلاثين ومطلقه وعندها بنت يامعدد يربي زوجته فيها أو كبير بالعمر
لو ماعندي طفل منه ممكن المصيبه اهون علي وانساه وابدأ حياة جديده
بس عندي بنت ربطتني فيه طول العمر
حسبي الله ونعم الوكيل
شكرا عزيزتي على ردك واهتمامك

فعلا نعمه تستحق الشكر
الحمد لله
اللهم آمين
جزاك الله خير اختي

اللهم آمين
صدقت اختي
الحمد لله على نعمه العافيه والصحه
الله يعوضني ويعوضك ويعوض كل مطلقه الأزواج الصالحين ياحي ياقيوم
آمين يارب
والحمد لله اهلي وقفوا معي وايدوني على قراري
بس البنت كاسره ظهري
الله يكون بالعون
شكراً لك على مشاركتك
اللهم آمين
الله يعوضك خير ويجبر كسرك وينصرك على طليقك


أتمنى والله
بس هي عايشه حياتها وامس أنجبت طفلها الرابع من زوجها المخدوع
عندي برنت كامل عنها وسبق هددتها اول زواجي بالمعلومات اللي عندي وماخافت اني أفضحها مستقويه فيه ومطمئنه معه وبالعكس تمادت وابعدته عني اكثر بس ربي أقوى منهم والله يفرحني بنصرني عاجلا غير اجل
اللهم آمين
بس انا مظلومه ومن حقي ادعي عليهم
البنات اللي غيرها مايعرفوا انه متزوج ومادعيت عليهن
بس هي تعرف أنه متزوج وعنده طفله وهي كمان متزوجه وعندها اطفال وهددتها اني افضحها عند زوجها ولازالت مستمره معه وماخافت من ربي
شكرا لك على نصيحتك

الله يعوضك عزيزي خيرا منه
ولا تندمي على ايامك معه اعتبريها سبب لوجود ابنتك في حياتك فاستمتعي بوجودها
والله يمهل ولا يهمل وطريق الخطأ بعمره ما استمر
اسال الله ان يرزقك ما تتمنين من حيث لا تحتسبين
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حسبي الله ونعم الوكيل ، الله يجبر كسر قلبك
ويآخذ حقك منه بالدنيا قبل الاخره

ياحبيبتي لاتقولي مين بيآخذ مطلقه و بالثلاثين ، ربك كريم تري
ماتدري ربي يكرمك بعازب ويحطك بعيونه ، تفائلي واحسني الظن بالله
والخير دائمآ يتركه لنا ربي بآخر شي ،
وهالطلفه بتكون البلسم لحياتك ، الله يعوضك فيها يارب
وبنتك مو اول بنت تنحرم من جو الاسره ، لاتحزني عشان يتضاعف لك الاجر والعوض من الله

خذيلك لفه بقسم المتزوجات وشوفي المشاكل ، شوفي الي عايشات مع ازواج الوحده تفكر الف مره باليوم تتطلق وترتاح منه وترتاح نفسيتها بس ؟؟
هذا ان عشتي معه بتموتي قهر ، ويمكن يجيب لك مرض
قولي لنفسك ( من ترك شي لله عوضه الله بآحسن منه ) وانتي تركيته انكارآ لاآفعاله

كثير حبيبتي انفصلو بسبب الخيانه ؟ وبعضهم بس مكالمات ؟؟ كيف لو وصل الامر مثل زوجك ؟؟
انتي شجااااااعه ماشاء الله تبارك الله ، لاتقبلي الغلط بحياتك مهما كانت النتائج
بس تتخلصي من تآثير الانفصال وتسترد مشاعرك هدوئها خططي وفكري لنفسك وبنتك
لو ماتوضفتي دوري وضيفه وتوضفي
ومو بس كذا ؟ ادخلي دورات تطوير ذات ؟ تجميل ؟ تطوعي بعمل خيري بجمعيه للايتام ؟
اختلطي بالناس وكوووني صداقات وعيشي حياتك ودللي نفسك وبنتك


ولاتقولي ابكي علي حظي ، حظك حلو الي مارضيتي لنفسك هالحياه
الطلاق وقع وانتهي خلص ، فكري باليوم الي بعده ، ايش بتسوي ؟ ايش مخططه ؟
خذي عمره مع بنتك لو يسمح وضعك ، وامسحي علي صدرك بماء زمزم وكرري ( اللهم اشرح صدري ويسر امري واجعل لي من كل ضيق مخرجآ)
واطلعي من الحرم راضيه قانعه بقدر الله لك ، وشوفي الخير بإذن الله من ربي
لاتطولي الوقوف علي الي صار ، لاانه صار وانتهي ، لاتهلكي نفسك بيدك ؟ تستاهلي الخير كله
الله يعوضك يارب عوض الصابرين

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014