مرحباً أختي

أنتِ ليست مشكلتك العمارة بحد ذاتها
وإنما مشكلتك هو قهرك منه وإحساسك بأنه مستغني عنك

لذلك ... أصبحتِ تركزين على موضوع العمارة وطريقة إسترجاعها حتى تشعريه بضعفه وأنه لولا أنتِ ملكتيه العمارة ماكان له أن يستقوي ويبدء لإتباع رغباته

مع العلم... أن العنصر الأقوى المحرك لك هو... غيرتك الداخليه وشعورك بأنه أنفصل عنك عاطفياً حتى لو كان ظاهرياً يحترمك ويقدرك ويجيب طلباتك وهذا في حد ذاته يراه هو إنه إعتراف منه بالجميل نحو ما فعلتيه معاه وأنه قائم بحقوقك .



أعانك الله

اخي الرسمي
أليس هذا بحد ذاته يكفي !!!!
ملايين الأسئلة بداخلي لما فعلت كذا !!!! وتريد الإجابة وهذا من حقي
لما الخداع والخيانة لما كل هذا وماهو المقابل
ليس المعني ان أشعره بالضعف ،،، لا والله ،،، بقدر ماهو ندم مني مقابل خيانته وردة فعل طبيعية
اتجاه من أسديت له معروف فقابله بالنكران
هذا المشاعر والاحسايس تحرك سلوكنا تلقائيا لان الطبيعي عندما يقع الظلم على الانسان يشعر بالألم والقهر فكيف بمن كان هو السبب في ظلم نفسه ،،،،لك ان تتخيل هذا الشعور عندما يقع عليك ظلم لم تكن سبب فيه فكيف لو كنت انت السبب في هذا الظلم نفسك ،،، تصبح خسرتك خسارتين وآلمك المين وقهرك قاهرين ،،كل شيء يتضاعف أمامك لانك كنت سبب في هذا الظلم

ردة فعلك طبيعيه جداً حبيبتي لإنسان سوي ويفكر بشكل صحيح....ولاتلتفتين للانتقادات السلبيه..لو تعرضو لما تعرضتي له لربما اصابهم الجنون وتخبطو ..واصلي التفكير بايجابيه واخرجي من مشكلتك رابحه ...وسينصرك الله باذن الله

تسلمين ياقلبي الله يرفع من معنوياتك ولا يكدر خاطرك

فعلا الوكالة راح تفيدك ان شااء الله ..
لكن الوكالة العامة معناتها على كل شي يخص زوجك .!
واما الخاصه ف مثلا بتكون على البيت فقط "يعني يحق لك التصرف فيه وهذا اللي بيكون نص الوكالة "
وهو يقدر يسويها لحاله من دون حضورك ..

والله اعلم

معك حق تنقهرين
اسالي ربك ينصرك ويرد لك مالك وزوجك
اعانك الله وثبتك

وهل زوجها بتلك السذاجه حتى يوافق يعطيها توكيل عام او حتى خاص على امواله!!
اللي احتال لين كتبت العمارة باسمه بيجي بكل بساطه يعطيها توكيل! قولوا شي معقول..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

الله يكون بعونك ويصبرك ويربط على قلبك
فعلا انت بموقف لا تحسدين عليه لكن

اللي فهمته انك كتبت العمارة له بكامل ارادتك بدون اجبار منه

وكونك اكتشفت لاحقا انه ما يستحق ما يبيح لك تكونين نسخة منه وتخططين لخداعه
والانتقام منه والرجوع بالعطية

اختي استفتي شيخ لا يعميك الشيطان

اختي ايش اخر اخبار التحريات ومتى ساعة الصفر ؟

ماشاءالله تبارك الله أعجبت كثير بقوة شخصيتس والقدرة على ضبط النفس والأعصاب
اللي تمرين فيه أمر مهوب سهل
بعد الصبر والتضحية قوبلتي بالنكران والخديعة والخيانة

ولله ان موضوعتس هو اللي دفعني للتسجيل في المنتدى
أبغى أكون داعمه لتس في قضيتس

لا تسمعين الآي قول انتس انتي من عطيتيه وهذا زوجتس ابو عيالتس هذا كله كلام الجبان الحاقد
ليش دايم في مجتمعنا ان ألحرمه هي اللي تتحمل أغلاط زوجها اذا رفضت تعطيه قالو زوجتس واجبتس تعطينه وتساعدينه ابو عيالتس وين العشره ومدري ايش
واذا عطته وأنكر وجحد وخان قالو محد ضربتس على يدتس وقال عطيه انتي بكامل قواتس العقلية عطيتي وانتي الملامه
ام اذا صارت المره قويه وحفظت نفسه ومآلها وأعطته حقه بما يرضي الله ولله ان الرجال يعمل لها الف حساب ولا يفكر يضرها لانه يعرف أنها قويه بشخصيتها ومآلها

ولنا في ذلك قصص وعبر من مجتمعنا المصون

وشوفي يقلبي وحده من صاحباتي لها ورث من والدها وتزوجت رجل اقل من المتوسط أحبته وهو للاسف خدعها بالحب بعد زواج 8 سنوات وثلاث اطفال هي اللي شرت البيت بأكثر من 3 مليون والسيارة 200 الف
وكلها للاسف باسمه
خدعها بكلمة انا وانتي واحد وعيب تسجل الفواتير الكهرب والماء وغيره باسمتس خليها باسمي
وهي من حبها وتشوفه بقلبها مهوب بعقلها صدقت ان الرجال يغليها أكثر من نفسه مثل ماكان يقول
مجرد ما سافرت مع أهلها مدت 5 أيام رجعت للبيت وهو فيه مع زوجته من جنسيه عربيه بزعمه بيحطها أمام الأمر الوقع بكت وانهارت وطلعت من البيت ومن حقارته حط العروس الجديده في الغرفه حقتها وغير مفاتيح البيت بعد ما حاولت ترجع تأخذ باقي أغراضها
كان يردد أنها بترجع غصب ومذلوله وبتندم وان مافيه احد يوقف معها الوقح كن الحق معه
والخطاء منها كانت تقول بعد أبوي مالي إلا انت ومحد ياقف معي إلا انت لانها ماتوقعت إخوانها بيقوفون معها خاصه أنهم كلن في حاله
لكن البنت بعد ماقالت لاخوانه كلامه ان مالتس احد ومافيه من يوقف معتس تحطينهم على يمناتس وقفو وقفت رجل واحد وهم ماشاءالله مادين واجتماعين ما عليهم في مدة شهرين خذو البيت والسيارة وهو دخل السجن مدة 10 أيام حتى تنازل لانه مامعه حق الفلوس اللي ماخذها منها
واللي ساعدهم وقفو محامي شاطر والبنت كانت محتفظه بكعوب الشيكات اللي تحوله الفلوس
وعظ أصابع الندم يقول اللي تبي بسويه بطلق الجديده وبعطيها كل شي بس ترجع ولا تطلق انا احبها
حبه برص النذل توه الحين يحبها
تكلمها امه تقول ولدي يبكي ومتغيره نفسيته ويبيتس ويبي عياله
وينه منها وهي داخله المستشفى في انهيار من الصدمه يوم طلع من المولد بلا حمص ذكر الحب
الله لايرده أشباه الرجال اللي مثله وللأسف في مجتمعنا مثل النمل يأخذ البنت وهو حاط عينه على راتبها

اختي خوذي حقتس بالحيله مثل ماهو سوء معتس واذا ماقدرتي بالمحكمة
صاحبتي اول ماشكت زوجها الكل قام يعيب أنها تشكي زوجها في المحكمة وهي أبد يا جبل مايهزك ريح وبعد مأخذت حقها الكل قام يطبل لها ويمدحها وبنت ارجال اللي رجعت حقها

توكلي على رب العالمين وما يضيع حق ورآه مطالب
وأخس رجل اللي يحط عينه على فلوس مره وععععععع قطع