ههههه والله فكرة نومه عندنا كم يوم بالأسبوع لووحده حلووة شلون ما جات براسي .. بس المدام كذا يمكن تنط وما تحط !!

على العموم قييد الدراسة .. ولو إني قايلة بقوله تعالوا عندنا وماني حاطة شروط . بقفل فمي واشوف اش يصير ..

بس فكرتك حلووة ولها أبعاد وفوائد كثييرة 😅

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

الله والأنثى !!! خليني ساكتة بس .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

فرح
هل صدر من زوجة أبوك ما يزعج ؟
وهل ممكن ينحل الأمر بداية بجلسات في البيت + بخرجات بينك وبين زوجة أبوك مطاعم مولات ... الخ تجربي صحبتها وعشرتها وتفهمي طبيعتها وتتكلمي معاها عن اللي تحبيه واللي ما تحبيه ؟
وهل معقول حرصك على البيت يخليك تضحي بقرب أبوك ؟

قسم الوالدة ماختلفنا عليه
ولكن باقي البيت ليش ما تكون الأمور بالاتفاق

مستغربة انفعالك الزائد عليها
وضحي سب تضايقك منها فرح

__________________
الحمدلله الذي بنعمته تتم الصالحات

استغفري ربج بس
لا تتكلمين عن وحدة غايبة ما تقدر تدافع عن نفسها بتعالي وفوقيه
واستصغار واستنقاص لها ..
حطي الله جدام عينج بكل كلمة تكتبيها
واوزنيها بميزان ضميرج...
اي نعم انثى ولها احتياجات ابوج يلبيها
وابوج رجل له احتياجات زوجته تلبيه


انتي شايفة من مرت ابوج شيء شين ؟!!!

طيب اذا جات بدون شروط

لكن ابوك فرضا غير اثاث البيت هل بتتكلمين ؟

واذا هي جات وبدت تتعامل كصاحبة للبيت او خليني اقول زيها
زيكم وحدها اكثر من غرفتها
هل بتتكلمين وتتسببين لابوك مشاكل ؟

جهزي نفسك لكل الاحتمالات ،

لا يا حبيبتي ما بتروحون ضيوف
بتروحون لبيت ابوك ولكم فيه زي مالها بتاخذين راحتك على الاخر

لكن عكسها هي لو جات فبيتكم الحالي !

ولا تفولين حقها انتهى .. ماتدرين لو هي تشرط بيت مستقل اصلا ما يحتاج تشرط
هذا الاسلام كفله لها

التحديث اللي حصل لحياتنا هو اللي مسبب لي إزعاج !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

أعتقد أبوي ما يدل محلات الأثاث وين أخر عهده فيها أيام كنا صغار .. من كبرنا والإختيار علينا إحنا البنات مع أمي وهو عليه الدفع .. وهالنظام بيستمر !!

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

بعدج مصممة تتكلمين وكأنج طفلة!!

انتو الخاسر الأكبر؟!!

لا يا عزيزتي .. الخاسر الأكبر أو حتى الفائز الأكبر هو صاحب العلاقة المباشر .... أبوج .. لا إنتي ولا اخوانج .... لأن الموضوع يمسه هو بشكل رئيسي .. وهو اللي يحدد مدى احتياجه للزواج.

والتضحية يا عزيزتي مب المفروض إنها تكون على إطلاقها .. أو طول العمر.

كل وضع وله ظروفه ومتطلباته .. ومقدار التضحية المناسب له.

ومع ذلك أذكرج إن أبوج كان مستعد ـ يضحي ـ ويتم معاكم وإنتو اللي طلّعتوه من البيت.


وإذا كانت التضحية مطلقة مثل ما تقولين.. فليش مليتي واستثقلتي مسؤولية اختج؟

ليش ما تكملين جميلج وتتمين معاها لين تتطمنين على مستقبلها وحياتها؟!!

مهما كان هي أختج .. من لحمج ودمج .. وما دامت ضعيفة وساذجة ومأكول عشاها .. فالأولى إنج ما تخلينها بروحها وتروحين تشوفين نفسج وحياتج ومستقبلج!

هالوضع انفرض عليكم كلكم .. وقدر الله وما شاء فعل .... خلاص كيّفي حياتج معاه .. لأنج في النهاية قادرة تسيطرين على مجريات حياتج واختياراتج إنتي .. لكن مالج حكم على حياة واختيارات غيرج.


وإلا الأب بس هو اللي المفروض يضحي؟!!!!




واضح من البداية يا فرح.

والمشكلة إن هالإزعاج اللي تحسين به خلاج تتصرفين وتتكلمين بطريقة مؤذية!




على كل حال.

أنا قلت لج إني كنت في مكانج في يوم من الأيام .. وكانت عندي نفس المخاوف والمشاعر السلبية .. والاستنكار لفكرة إن أبوي يبا يتزوج عقب أمي.

لكن الحين عقب ما أبوي مات .. وعقب ما تزوجت وصار عندي عيال .. وفهمت أمور ما كنت فاهمتها .. أقدر أقول لج إني ندمت على هالمشاعر السلبية .. وعلى إني استنكرت عليه في يوم من الأيام حق من حقوقه .. وإني اضطريته إنه يراضيني ويستسمح مني على زواجه وكأنه مذنب!


الله يطول في عمر أبوكم .. وعسى عيونكم ما تبجيه.

__________________


اللهم طِيبَ الأثر .. وحُسْنَ الرحيل.

لا حبيبتي مو متأكده ,, لكن من واجبش تتعبين من تعب ابوش

مو وكأنش تقولين يستاهل شو الي جبره على الشقى .. ابوش يا فرح قصر في حقكم

قسى عليكم ؟ شو عذرش ؟ قعدتي سألتيه شو مضايقك ليش نحفان .. مو لازم سالفة البيت خليها على جنب

__________________
وهل من مصير اخر ؟