شصار عشان كل هذا !!!!!

لمتى يا عضو لمتى أجامل وأضحك في وجوههم ولا كأنه ولدهم مسوي شي

لازم ينهز كيانه لازم يفوق

بس ولدي الصغير ماتحمل بعده اموت

ابغى تدلوني على التصرف الصح اللي محاندم عليه بدون مجاملات

انا قراراتي الحين بتكون مو محسوبة احتاح راي سديد

في الشرع ونظرة المجتمع ولدهم ما سوا شيء غلط يا عمري
محد بيقول عنه غلطان ..
سلمي عليهم عادي
ولا توسعين دائرة مشكلتكم
خلها بينج وبينه وتصرفي ايضاً بينج وبينه
لا تدخلين احد او طرف غير
لان بعدها اذا بغيتوا تردون وضعكم تمام ما بتقدرون بسهولة

القرارات التي تتخذ في لحظة غضب , وتكون كردة فعل قرارات خطورتها اكثر من نفعها وغالبا خاطئة
لا تستعجلي في اي قرار

خلاص يا قلبي ولا يهمك ..
من حقك هالاسبوعين تقطعين علاقتك فيه تماما .. خل يعرف ان تهديده ما راح يمر مرور الكرام ..
لكن بعيد عن اهله واهلك .. ادبيه لانه يستاهل يتأدب .. لكن بينك وبينه ..
انصحك بقوه تغيبي عنه وتتركيه يضرب اخماس في اسداس .. بس بعد ما تسلمي على امه وابوه وتجلسي معاهم .. اعتذري انك بتروحي تسلمي على اهلك وخذي اولادك معك ..

لا تحرقي كل اوراقك في لحظة غظب .. قدر الله واستحالت الحياه بينكم ساعتها اتركي له كل شي ..
انت راقيه .. ظل كما انت لاخر لحظه ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

احكيلنا الموقف

نحن خارج الاطار

وبالتالي يمكن نشوف شي غاب عن نظرك

تأدبه على شنو ؟
بعدين محد بيوقف في صفها
بينظرون لها انها غيرانه من زواجه
وهذا مو حلو في حقها
تقدر تزعل وهي بمكانها من غير ما تبهذل عيالها

حبيبي اختي .. سمي بالرحمن والوضوء يطفئ الغضب بإذن الله
وصلي على النبي وبعدها بتعرفين تقررين

هذا رأيي ايضاً

وطمنينا عليج

هو ليه هدد بالطلاق

هذي اول مره يهددها بالطلاق ..
اذا غابت عنه بدون اي تواصل .. راح يعرف ان التهديد هذا مرده عليه هو ..
وبعدين هي مو خسرانه شي من اول نقولها محتاجه مساحه خاصه تفكر فيها بدون تأثير منه .. وهذا الله جابها لعندها ..
كلها اسبوعين تهدأ فيها وبترجع باذن الله بذهن الصافي ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾