اختي الكريمة اشراقة
الحياة الزوجية تحتاج لشعرة معاوية , حينما يشد طرف يرخي الاخر وهكذا
في نظري المسألة تحتاج منك فقط الى تغيير طريقة التفكير والتعامل مع الوضع الجديد
التأقلم والتعايش يعني القدرة على التعامل مع المستجدات بالتوافق وليس بالندية والمسابقة
من ضمن الأساليب
حينما ترفضين امر ما
طريقة الرفض تختلف ممكن تكون مقبولة وممكن تعتبر شن حربا جديدة وفرق بين من يقول للأسف لا استطيع ومن يقول ( ابعد هناك ماني رايق لك ) كلها رفض لكن الأسلوب يختلف
المرأة الذكية هي التي تعرف كيف تسخر زوجها ليحقق لها ماتريد بالأسلوب المناسب
المحافظة على كيان الأسرة يحتاج لتضحيات حقيقية وليست تنظيرية ولا هامشية
افرضي على زوجك أن يكون تفاهمكما بالهدوء , واخبريه بأنه حينما يناقشك بعصبية فلن تردي لأنك لا تستطيعين مجاراته في العصبية , هذه نقطة مهمة جداا للتفاهم وقبلها اختيار الوقت المناسب للتفاهم والجو المناسب
كنت حينما اريد التفاهم مع طليقتي في موضوع مهم انتظر ان تتعافى من التعب والا تكون جائعة او يشغل فكرها مشكلة تتعلق بأولادها او اهلها , فاستخدمي هذا الاسلوب لأنه يعطي موضوع المناقشة مكانته المناسبة واهميته التي يستحقها
لا تصعدي الموضوع الان , فزوجك منفعل , امتصي انفعاله , ولا تدخلي اي طرف حاليا في الموضوع
ومتيقن بأن كلامه مجرد تصعيد وتهديد لكنه لا يدرك ابعاده ولا يريده في قرارة نفسه فلا تكوني عونا لنفسه الامارة بالسوء لتصعيد الموقف
نصيحتي ردي عليه بهدوء واسمعي منه حتى يقول كل ماااالديه ثم ناقشي معه نقطة واحدة بهدوووء تااام ولو لاحظتي بأنه انفعل اصمتي واخبريه بأنه اذا انفعل فلن ينفع النقاش ولا تقولين هذا كتوجيه ,,لا ,, بل بلباقة تامة ولأنك حريصة على ان تخرجوا بنتيجة
تذكري في قرارة نفسك بأنه يريد الاستقرار في كلا البيتين وانتي كذلك تريدين الاستقرار لكن لتجدوا منطقة مشتركة بينكم تحقق الاستقرار لكما
اسأل الله بمنه وكرمه أن يهديء بالكم ويصلح شأنكم ويجمع بينكم بالخير
ملحوظة
الاخوان منك ومن الاخرى لابد أن يتعارفوا فبادري بهذه الخطوة

الله يكرمك ويبارك فيكي وفي وقتك ويعوضك عن اول يومين من اجازتك الرمضانية اللي ضاعت في القيل والقال بخير

اختي اشراقة اظنه آن الأوان لأني تفتحي قلبك لنا وتخبريني بالسر

ماهو الشيء الذي يرضيكي؟

لاتقولي ماأعرف، بحبشي مزبوط واعطيني الاجابة الله يسعدك

طيب كان قلتي من الصبح دا الكلام

اوكي الحمد لله انك قلتيه

طيب متى تستعدي؟

ولماذا لاتطلبي مقابل كل بند؟

لكل إنسان طاقة وأنا نفذت طاقتي
أخي لا أستطيع أكلمه أسمع له بهدوء وامتص غضبه وهو مستمر يغلط علي
جاء الوقت اللي أخذ فيه موقف قوي وخلاص ما عاد أرضى بالغلط

أول كنت ناوية أدخل الوالد، الحين قررت أهدأ ولا أدخل أحد من طرفي وبصراحة ماعندي أي رغبة للمبادرة !

بالنسبة لتعارف الأخوان فلا أستطيع أن أبادر، هو الأب وهو المسؤول عن هذه الفوضى

اذا هو قام بهذا فلن أعترض لكن ﻻ اريد أعطيه الضوء الأخضر

اشراقه وشهو الغلط ؟؟!
هل هو سي التعامل سليط اللسان عديم المسؤوليه ؟؟!
هل تعامله في مجمله بزواج اوبدون هكذا ؟!


ذكرتي الامور اللي يبغاها منك .. ما شاء الله عليك واعيه وفاهمه بالضبط طلباته ..

طيب وانت اش تبغي منه .. .. اكتبيها بالترتيب ..

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

ايه والله ضاعت يومين ثمينة محسوبة عليا

لذلك قلت أبغى أريح نفسي حتى لو مانحل الموضوع
بس أبغى اتهنى برمضان وبجمعة أهلي
وعندي رغبة قوية أقفل الموضوع بس أحس عيب شاركتوني في أزمتي ويستجد جديد وما أشارككم...

أخي لا أريد أن يطلقها ولا يطردوها أهله طبعا
ايش ذنبها بنت الناس !
لو ما تزوجها كان تزوج غيرها
أقسم بالله جات أيام نسيت انها زوجة زوجي ولما كان يهجرها أقول له حرام !
اتخيل شعورها واحط نفسي مكانها..

اللي يريحني وابغاه انه ما يضغط عليا اضحك له كل شوي لما يشوفها ولا يجي من عندها يتركني أعيش حياتي بالتقلبات المزاجية، وترا فهمته ولا حياة لمن تنادي

أنا ولله الحمد أشعور بهدوء وراحة واطمئنان الآن
لأني أعلم ما سويت الشي اللي يستحق كل هالتصعيد
وبكرة بأروح الحرم واستمتع بالشهر الفضيل بكل ما فيه

مو سليط لسان، يسب
بس ما يوزن كلامه من يوم عرفته يجرح ويسم البدن كلامه، سيء التصرف وعصبي جداااا

يا أملي نهايتها يقول ما فيني ايجابيات!!

اشراقة

كلام وقت الغضب .. لا تاخذي بكلامه

توقيع :
آنسة منشن .. ^_^

هههههههه حبيبتي

اشراقه حبيبتي .. لو ماهو يتقرب منك ويحاول يرضيك كل ما شافك عبستي كان صدقيني جاك انهيااار حقيقي ..
انت شخصيتك ما تتحمل التطنيش منه .. شوفي اش يصير فيك اذا تجاهلك .. فما بالك يشوفك تعبانه ويعيش حياته يضحك ويتسلى ولا يعبرك ..
بصراحه طلبك غير منطقي ومو في صالحك ...

اللي المفروض تسعين له هو كيف اتعايش مع تصرفاته هذي .. كيف اوصل لمرحله ما عاد يأثر فيني اللي اشوفه ..

اسعي لتغيير نظرتك واحساسك ..
لا تسعي لتغييره هو .. .

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾