بكتب كذا شي ذكرتها في رد سابق لي

لا نمطه شمالي متأكدة مية بالمية، لأني حملت الكتاب اونلاين وشفت
بس ماعرفت النمط الفرعي أو بالأصح ما طلعته
كنت اتوقعه شمالي شرقي بس بديت أشك

الشمالي عادة شخص جاف ولا يظهر مشاعره الا نادرا ويعبر عن حبه باﻷفعال... حضرت دورة وفعلا مش فقط تحسنت علاقتي بزوجي ايضا بمن حولي

خلال ال 7 سنوات اللي عشتها معه قبل زواجه كان جاف جدا جدا
مرة واحد فقط جاب لي ورد، ومرتين خلال ال 7 سنوات قال لي أحبك
بعد زواجه اللي صار يتكلم عن مشاعره بهذه الطريقة وانقلب واحد ثاني ما أعرفه

انقلب لانه حس انه هالمتطلبات الزوجة الاخرى أطالبه بها ف عقله أمره ان الاولى هيه إشراقه ،.! ف طلعه عليج و لا ننسى انه تأنيب الضمير مترجم بهالطريقه بعد .،

تعرفين اراهن ب مليون انه زوجج في اول زواجج تحسنت علاقته بأمه وخواته لانه اللي طلبتيه منه فعليا شاف انه الام أولى به ...

و كذيه يعني لا يجيك ابليس و يقولج علمته فلأنه !
اراهن ان تعبان ل درجة انه مش فاضي يفكر شو يقدم ل فلانه

__________________

اذا نمطه شماليه... حسسيه انه الكره بملعبه.. استخدمي كلمات اقدر حرصك.... يعجبني تخطيطك... أثق فيك وفي تقديرك لﻷمور
هذا النوع من العبارات لها تأثير السحر اكثر من كلمات الحب

جاني ابليس زي ما قلتي وقلت ما طلعت الرومنسية سبحان الله الا بعد ما تزوج ! عشان كذا ما كان لها أي معنى عندي ﻻني اتفاجئت بالشخصية الجديدة

بس بعدين استوعبت انه حاسس بتأنيب الضمير وانهم فعلا مهم متفقين في الطباع وأشياء ثانية، فحس بالفرق ..

صحيح قرأت هالشي واستخدمه كثير

وهو انسان يحب المدح مع انه يظهر عكس ذلك

فأنا دايماً لما أبغى أدلعه اناديه "ماي هيرو" ، " ماي مان" عشان يحس انه شي مهم

الشي اﻵخر ابدي بنفسك... يعني حبيبي اقدر بشده حرصك على محبتنا واسترنا بس احتاج منك.... وجهة نظري بأن لاتقدميها كشروط وكنقاط ( الشمالي يمقت الشروط وفرض الرأي بطريقه مباشره) بل ضعيها ضعيها على شكل مخطط فيه 4 نقاط اساسية ... احتاج منك... استطيع ان اقدم... وجهزي مخطط له ودعيه يكمله ولا تتطرقي للمواقف القديمه ولا تناقشيه... هدفك ان تعيدي صياغة علاقتكم بطريقة مريحه للطرفين

همسه لك عزيزتي.... هوه تزوج... ﻷنه امر هوه اختاره ليس لعيب او تقصير منك... ارفض عبارة تزوج علي... فأنا مستقله عنه قهو تزوج لنفسه... اقدر غيرتك واحساسك بس حاولي تكوني عزل نفسي

نسخت كلامك عندي في النوتز ومرة أفدتيني الله يسعدك

ولو تذكرتي شي ثاني مهم لا تبخلي عليا الله يرضى عليك

انا ما أقول تزوج علي الا هنا يمكن في المنتدى
واللي خلاني أبطل اقولها بصراحة، هو
اول سنة كان يتضايق لما يسمعها مني و يقولي لا تقولي تزوجت "علي" مرة تقهر ولا ارضاها عليك

مع اني ما صدقته !
بس حسيت فعلا احتراما لنفسي وقفت أقولها