يشهد الله إني ماأقوله انا اعطيتك وأمن عليه..

ليته يقتنع بهالنقطة ان النفقة على الزوج حتى لو هي أغنى الناس .. تعبت وأنا أقوله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

شوفي

لو اخوانك الاولاد طلبوا منك الطلب هذا ..
بصراحة مالهم حق ..

.
.

لكن مشكلتك من زمان انت و زوجك بسبب راتبك
و عشان كذا نقول لك .. لا تقولي له اي شي يختص بتفاصيل راتبك
و الي تعطيه لامك

لا والله ماأحد طلب مني .. وبعدين أنا مااعطيتهم نقد رحت أنا واختي السوبرماركت وقضيت اغراض رمضان وحاسبت ببطاقتي .. وكنت حاطة هالشيء في بالي من قبل ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماقدرت أقوله شيء اليوم شكله مرة معصب وشكله كارهني ومو طايقني .. حتى انه قبل ينام طلع اللحمة وقطعها لانه يعرف إني اتقرف إني أقطعها وترك لي المطبخ حوسة حتى بقايا اللحمة تاركها وهو بالعادة مايحب يترك وراه شيء بس متعمد لي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

خلاص حصل خير

أنتي أرضيه و زي ما قلت قبل أبدي بأسلوب جديد وخلي راتبك لك

وذكريه من فتره لفترة أنه واجب عليه النفقه


موفقه

احس رسالتك بتبرريك اعطاء امك من مالك ماتنفع لان بتصرفك هذا كأنك مسويه خطأ وتدافعي عن نفسك وهذا يعطيه احساس انه على حق
من رأيي الزمي الصمت ولاعاد تفتحين هالسيره وخليك على ماانتي عليه من مساعدة امك لكن خبي عنه وحتى ان سألك لاتعلمينه

هذا الكلام الله يخليك

__________________
تمنيت حبـاً يدوم طويـلاً .. فـدام الحب وَ رحل الحبيب.

ياما نصحناك ومن تجربة وما تسمعي الكلام ولا تتعضي ....
مسألة انك تعطين اهلك المفروض هذا من المسلمات وما تقبلي فيها النقاش ابدا ابدا ابدا ولا له اي دخل في الموضوع ... اقولها لك من تجربه اول ماتوظفت عارض اني اعطي امي شهريا وعارض على المبلغ الا حددته لهم لكني سكته من اول نقاش قلته مالك دخل ابدا باللي اعطيها إن شاءالله لو اعطيها راتبي كامل لانها هي الا سهرت وتعبت معي في دراستي ومن اول يوم استلمت راتبي الى الآن خمس سنوات ماتخلفت شهر ابدا مخصصه مبلغ شهريا وصار هو يسحبها من نفسه من غير ما اذكره بل صار هو يذكرني واصبح الامر عادي وحتى لو حصلنا مكرمة او زيادة خلاص عارف ومتعود ان نصها لأمي وهو يكفيه اني قايمة بمصاريفي واساعده اذا احتاج ... يعني زوجك من أول ركزة .... ولسه عندك وقت تعدلي،انا فيه اشياء في امورنا الماليه ماني راضية عنها لكني جالسه اعدلها بالتدريج والامر في تحسن كبير ..



اما مسألة انك تعطي زوجك هذي فيها نقاش حسب حاجة زوجك وبعيد عن الاستغلال ...
قولي له انا ماوظفوني الا وانا كبيره وراشده مو عشان انت والا اخواني تكوني اوصياء على راتبي ...
واذا انت بتساومني على اهلي فخلاص انت لا اشوفك تعطي اهلك ريال واحد وخلى راتبك كله لنا وللبيت عشان اسوي مثلك اما انت حلال على اهلك وحرام على اهلي ....

بعد كل اللي صار المفترض كان تكلمينه عادي وتفطرين معه،،صحيح هو ماقال لك آسف بس اتراجع،،هذا كفيل بإنك إنت كمان تتراجعين وماتكبرين المواضيع....

أحبه تعلمي فن التغابي والتغافل والتجاهل عشان تحافظين على بيتك..تعلمي مو كل خلاف ينتهي بإعتراف بالخطأ واعتذار رسمي..

اﻵن قفلي على الموضوع بشكل نهائي واتعاملي معاه عادي..

أختي أحبه
احنا بزمن
كلمة الحق هي اللي دائما تزعل،
والصراحة هي اللي تقهر،
وأغلب المشاكل في البيوت من قلة تحقيق الحق،،،ولو حق الحق في البيوت لعم السلام والطمأنينة وما اشتكينا من المشاكل،،،

أختي أحبه أحب أنبهك إنك جالسة تتعاملين مع زوجك في كل مشكلة بنفس التفكير ونفس المصطلحات،،
مالك حق ، لا تحاسبني ، لا تسألني ،، إنت المسؤول عن النفقةووو..... الخ

بدل ماتجلسين في كل مشكلة تحوسين وتستنزفين طاقتك عشان تثبتين له الحق معك وهو الغلطان،،وإنه هو الرجل المسؤول والصرف عليه،،وإن أعطيتيه كرم منك ومساعدة،،، وووو........الخ لا تتعبي نفسك ماراح يفهم طالما عندك مصدر يدر عليك دخل هذا أولا، وﻷنك مو عايشة بمجتمع مثالي ثانيا ولا متزوجة رجل مثالي ثالثا،،لذا ريحي راسك و
لا تدخلين مع زوجك في حوارات عقيمة ومهاترات نتائجها محسومة..

أختي أحبه كرسي جهدك وتعلمي كيف تتعاملين مع الزوج الطماع،،
صدقيني إذا تعلمتي بترتاحين من نص المشاكل،،

أختي بإختصار شديد غيري طريقة تفكيرك ،، يتغير مجرى حياتك..

أنت تحتاجين تغيرين أسلوبك في الحوار، تحتاجين تغيرين مصطلحاتك، تحتاجين تغيرين طريقة التعامل مع زوجك

أنت تحبين اللت والعجن والمراددة والجدال،،وعجولة ومندفعة تحبين تحصلين على النتائج المثالية بشكل سريع..وهذه صفات سيئة لازم تغيرينها في نفسك..

على اﻷقل استحضري قوله عليه السلام: طوبى لمن ترك المراء ولو كان محقا.. والمراء هو الجدال..(الحديث بمعناه)

تعاملي مع المواقف بذكاء..علمي نفسك متى تعطين وكم تعطين،،،لكن تمسكين إيدك عنه بشكل نهائي أعتقد واحد مثل زوجك ما ينفع معه..وبصراحة ماهي حلوة في حقك..العطاء شي جميل، لكن بحذر وبقدر..

أختي أحبه سددي وقاربي وسوي كل اللي تبينه بإقتناع وإنت مرتاحة نفسيا،،صدقيني تشعرين بالرضا عن ذاتك هذا أهم شي..واﻷهم لا تطلعي كائنا من يكون عن حساباتك،،ديري فلوسك بالعقل وبما يرضي الله.

أنت اﻵن لا تبررين لزوجك موقفك ولا توضحين له اش بتعطين أهلك..خلاص موضوع انتهى فلا تفتحينه،،وهذا رأيي..

أهلك لا توضحين لهم أي شي،،ولا تبررين موقفك ليش ما تعطينهم مثل بنت الجيران،،ولا تذكرين أحد بعطاءاتك القديمة ،، لاتضيعين أجرك،، لكن خصصي لهم ماتشائين بالطريقة اللي تشوفينها مناسبة..

لكن لا تعوديهم على شي ماتقدرين تستمرين عليه..قنني عطائك بالعقل..

شوفي وأنا أختك بقول كلمة قالها لي زوجي بعد سنين من العشرة والعطاء والتضحيات والتفاني والوقوف معه في الشدائد والمحن،، كلامه كان صفعة قوية وسكاكين قطعت قلبي وجرح لا يمكن أن يلتئم ،،وكان نقطة تحول بحياتي..
تدرين وش قال لي يا أحبه؟

قال لي ماراح تشتريني بفلوسك..

كلامه قتلي كسرني دمرني خلاني حطام وقلبي احترق وصار رماد ،،والله مهما كتبت مقدر أوصف اﻷلم والجرح اللي تسببه،،
أنا من هو الصدمة والفجعة ربي أنزل علي سكينة و صمت غريب،،لدرجة ليومك هذا ماناقشته ولا حاسبته ولا عاتبته..والكلام هذا مر عليه سنتين تقريبا،،

شوفي الفرق بين تفكيري لما كنت أقدم اللي وراي واللي قدامي على طبق من ذهب،، وتفكيره هو تجاهي لما كان ياخذ مني وهو مبتسم ومتشقق من الفرحة.

أنا كنت كنت مندفعة في حب زوجي اندفاع أذهب عقلي،،كل عطائي له كان من قلب وحب ، لكنه ما قدرني..لكن أنا مو ندمانة ﻷن نيتي كانت لله،،ويارب لاتضيع أجري..

بإختصار فكري بعقلك وأوزني أمورك واجعلي كل عطائك لله،،حتى وإن جحدك البشر ماتندمين ولا تنتكسين..

سامحيني ع اﻹطالة والله مابي أشتتك..وأرجوا أكون أفدتك بشي..

فعلا هذا اللي أفكر فيه .. ماأبي اخليه يحس برسالتي او مراضاتي له انه على حق..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..