اقولك شيء زوجي يعلمني بكل صغيرة وكبيرة .. يعني اعطوه اوفر تايم علمني .. كان راتبه 5500وصار بعد شهرين ولله الحمد6500.. وجاله مكافأة الف ريال الاسبوع الماضي .. وعلمني انه بيجيه بونص هالشهر راتب اساسي يعني6500ريال .. يعني لو زوجي فعلا ينخاف منه هل فعلا قالي بكل شيء عن راتبه او مكافأته .. حتى وعدني بهدية ذهب بنهاية الشهر طبعا قبل هالمشكلة..

السؤال : هل لو زوجي مادي واستغلالي هل كان يعلمني بكل ريال يجيه وكم معه؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كنت ناوية أكتب لك نفس الشيء

خذي لك مثلا قطعة أرض باسمك وتقسطيها كل شهر بحيث يحس انك ملزمة وراتبك بيروح منه، وبكذا راح يخف الضغط عليك

عزيزتي لا تزعلي مني بس من ردودك اللي استنتجته
حتى مثلا لو زوجك مو داري عن راتبك ولا همه،
إنت من النوع اللي تتكلمي بنفسك من غير ماحد يسألك عن أمورك الخاصة وحياتك كأنها كتاب مفتوح !

تعلمي كيف تبقي أمورك خاصة فيك وبترتاحي كثير..

الجواب عندك .. إش المسؤوليات المالية اللي زوجك مخليها عليك بشكل كامل ..؟
والـ 170 اندفعت لأيش وفي خلال كم سنة ؟

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

لأنه رجال وما في شي يخاف منه.. هو الأقوى !

ما بتجي مثلا إنت وتغصبيه أو تفرضي عليه يدفع الشي الفلاني وبتسوي له مشكلة لو ما لبى طلبك

فيه فرق كبير .. !

هذا المبلغ عندما كان راتبه مايتجاوز3400وعليه3ديون بالاضافة الى الايجار والسيارة اللي كل يوم خربانة غير مصاريف البيت .. انتي متخيلة كيف بنعيشك في هالسيناريو .. وقتها كان لازم اشارك..

بالاضافة اني بانية في قطعة ارض في قرية اهله بيت صغير بحدود30الف وعرض علي يكتب الارض بسمي وبيكلم مكتب وشهود على هالمبايعة.. يقول عشان تضمنين حقك اذا بكرة صار لي شيء..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أبشرك حبيبتي اشتريت قطعة ارض وقاعدة اقسط فيها من راتبي.. وفوقها اخذت قرض عشان قلت ابني بعد كم شهر وكل شيء باسمي ..

وفعلا إذا رجعت الامور لمجاريها ماراح اتكلم عن كل شيء بخصوص اموري المالية..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا بس في حالتنا والمشاكل اللي كثير صارت بيننا لو كان مادي كان قال بريح رأسي ماراح اعلمها بشيء خليها تساعدني وافتك من المشاكل..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هذا معناه انه فيه خير لكن ليس مبرر لك لكشف أمورك المالية أمامه
انت امراة مركز ضعف. وهو رجل مركز قوة مهما حصل
يعني هو ممكن يتزوج مستقبلا ،،، ممكن القلب يتقلب ،،،، ممكن أشياء كثيرة تصير
لذلك خليك مثل اللى رافع قرشه الأبيض ليومه الأسود مأخذك حذرك منه وبذات الامور المالية
ممكن يقولك علشان يحلبك وهو المستفيد
وأعرفي لو كنت عندك كل شي في الدنيا ما يغنيك عن زوجك لكن علشان ما تخسريه وتكسبيه خلي أمورك المالية بيديك بذكاء ودهاء بدون تصادم معه حتى تأمني مكره

اولا ماله حق زوجك يأخذ من فلوسك ريال المفروض هو يصرف عليك حتى لو موظفه ويجيك راتب انا والله مدري كيف الواحد يطلب حرمته فلوس والله استحي اقولها ثانيا انتي غلطتي عودتيه من البدايه تعطيه هذا اكبر غلط معه ديون راتبه ضعيف هو يتحمل ولا ليه يتزوج كان قعد في بيت أمه ولا يبلبش بنات الناس ثالثا زوجك تقلين مو مادي الا مادي انا اقلك ليه لو ليس مادي كان مازعل يوم قلتي بتعطين امّك فلوس سالفة تشترين له شي غالي يرفض طبعا هذا نوع من الذكاء يعني لايريد عطر او ساعه غاليه يرفضها لأكن لو قلتي له ارض او سياره ماراح يرفض الزبده انتي غلطتي عودتيه تعطيه فلوس وغلطتي يوم قلتي بتعطين امّك قدامه

وهذا اللي بيصير إن شاءالله ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..