المشاركة الأصلية كتبت بواسطة مكلومة

من تساؤلاتك مازل تفكيرك محصور في المادة..
أحس كل همك تتغدين فيه قبل مايتعشى بك
وفلوسك شاغلة بالك وتفكيرك لدرجة إنك حارمة نفسك السكينة والطمأنينة ولذة الحياة..

الله ينور لك بصرك وبصيرتك..

لا تخلين حيك لنفسك يطغى على كل حب..

أحس كل اللي تعرفينه بالحياة حقي وحقوقي وأحاسيسي ومشاعري..

ترى اللي قدامك بشر مو جدار، مثلك يحس تماما..ويحتاج منك تراعين مشاعره وتشوفين خاطره...فهل أديتي كل واجباتك ثم طالبتي بحقوقك؟؟!!!!!!!!

شوفي ياأحبه
إنت حطيتي يدك بيد زوجك وسلفتيه..
زوجك حفظ حقك وجالس يرده لك أقساط،، ماظهر منه نذالة ولا لئم ولا خبث ولا مكر ولاكيد ولا استغلال ولا استنزاف لمالك..فليش تمنين عليه بمالك؟؟
الأصيلة الحرة ماتمن ولا تأذي..(ولا تبطلوا صدقاتكم بالمن والأذى)
أليس حق من حقوقه تحافظين على كرامته وأحاسيسه...

ترى الرجل إذا انجرحت كرامته ممكن يوصل لحد مايسامح ولا يغفر ولو قبلتي أقدامه ..

إنت مو مطمئنة لزوجك مع ذلك دخلت معه في مسائل مادبة..ثم جعلتيه يعاني نفسيا ويتخبط بنص الطريق..وكرهتيه بالساعة اللي ارتبط فيها معاك ماديا..والله التعامل معك جدا جدا جدا صعب..

الحين أبي أسألك لما تبنين بيتك من بيوقف لك على البناء غير زوجك؟؟؟ ومن غيره ماتقدرين تبنين..صح...
زوج قائم بكل حقوقك ،،مايستحق تمدين له يد العون مقابل تعبه..
تراه هو بشر يحتاج التقدير..

المشاركة الأصلية كتبت بواسطة مبتعثة متفائلة

باختصار زوجك يشوفك هشه وضعيفه
وممكن ينلعب عليك
وانتي عززتي الفكره بسب اهلك عنده
ويحاول بهالطريقه يحميكي منهم
انتي سبب المشكله

المشاركة الأصلية كتبت بواسطة أحبه حبيبي

لا والله ماهمتني المادة .. اللي يهمني إن زوجي مايقدر الشيء اللي سويته عشانه هذا اللي يهمني في المقام الاول

تدرين في مرة من المرتين اللي ذكرت فيها زوجتي وقفاتي معه وش قال!! قال: ماغصبتك تعطيني شيء أنتي عطيتيني من نفسك ولو ماكنتي مستفيدة أولا وأخيرا مافكرتي تعطيني.. هالرد كان صدمة لي ومن جد كان بيحسسني بالندم لولا اني قلت في خاطري اللهم اجعلها خالصة لوجهك الكريم وقررت وعاهدت الله ماعاد اجيب طاريها حتى لو لاسمح الله افترقنا..

مرة قالي زوجي لاتظنين اني راح انطق كلمة الطلاق ابدا ماحييت الا اذا انتي عفتيني وخلاص مستحيل تعيشين مني .. سألته ليش ؟ قال: لاسباب كثيرة منها وقفاتك معي اللي ماراح انساها ووعدي لك اني احطك في عيوني ومعدنك الطيب انتي ممكن صح تزعليني في أشياء بس في أشياء كثيرة أحبها فيك اقلها دينك واني اطلع من بيتي واعرف ان وراي واحدة تحفظ عرضي..

اذا بنيت اكيد زوجي هو اللي بيوقف على البناء وهو قالها بنفسي ماراح اخلي شاردة ولا واردة اللي وواقف عليها عشان مايغشونا العمال..

المشاركة الأصلية كتبت بواسطة مكلومة

نسيت أقول لك ،،، لا تقارني حياتك بحياة أي موظفة أخرى
بمعنى زميلة لك رافضة تساعد زوجها ماديا أو رافضة تسكنه ببيتها مجانا،،لا تعتبريها شاطرة وقوية وهي مثلك الأعلى وقدوتك،،
هالانسانة يمكن تصرفها سليم..واتصرفت بالطريقة اللي تناسب زوجها..

زوجها يختلف عن زوجك وظروفها تختلف عن ظروفك...يمكن زوجها نذل أو جشع أو ياكل فلوسها..وهي من باب حفظ حقوقها شافت من الأفضل عدم المساعدة..

فإنت لا تبنين حياتك مع زوجك بناءا على كلام الآخرين أبدا...اتصرفي مع زوجك بما يتناسب معكما..
فاللي يتناسب معك ومعك زوجك قد لا يتناسب مع غيركم والعكس صحيح..

أرجوا تكون الفكرة وصلت..وسامحيني على كثر الكلام...والله مابي غير مصلحتك...

المشاركة الأصلية كتبت بواسطة مكلومة

التخطيط طلع غلط يا أحبه